詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
52:1 Siōng-chú ê Sím-phòaⁿ kah Un-tián
( E-tóm lâng To-ek lâi pò Sàu-lô kóng, Ta-bi̍t lâi-kàu A-hi-mé-le̍k ê ke. Hit sî, Ta-bi̍t chò chit-siú kà-sī ê si, kau hō͘ ga̍k-koaⁿ. )Ióng-béng ê lâng, lí ná ē ūi tio̍h chò pháiⁿ lâi khoa-kháu? Siōng-tè ê chû-ài éng-oán tī-.leh.
52:2 Lí ê chi̍h tô͘-bô͘ siâ-ok, lí ê chi̍h LBK kahná thì thâu to, teh kiâⁿ kan-chà.
52:3 Lí ài pháiⁿ iâⁿ-kòe ài hó, ài pe̍h-chha̍t iâⁿ-kòe ài kóng gī-lí. [Sè-la̍h]
52:4 Kúi-chà ê chi̍h, lí ài kóng it-chhè thun-chia̍h lâng ê ōe.
52:5 Siōng-tè mā ē éng-oán kā lí húi-hoāi; I beh lia̍h lí, tùi pò͘-pêⁿ tiong kā lí khiú chhut-.lâi, tùi oa̍h-lâng ê tē kā lí poe̍h chhut-.lâi. [Sè-la̍h]
52:6 Gī lâng khòaⁿ tio̍h ē kiaⁿ-hiâⁿ, mā ē kā i thí-chhiò,
52:7 kóng: Lí khòaⁿ, che to̍h-sī hit khoán bô óa-khò Siōng-tè ê lô͘-po̍k, sī óa-khò i kakī ê chîⁿ-châi, kakī lia̍h-chún khiā chāi tī siâ-ok tiong.
52:8 Nā-sī góa, góa ná chhin-chhiūⁿ Siōng-tè tiān lāi chheⁿ-chhùi ê kaⁿ-ná chhiū, éng-éng oán-oán óa-khò Siōng-tè ê chû-ài.
52:9 In-ūi Lí ánne tùi-thāi góa, góa beh éng-oán kám-siā Lí. Góa mā beh tī Lí sèng ê chú-bîn bīn-chêng gióng-bōng Lí ê miâ; in-ūi Lí ê miâ sī hó.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。