詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
49:1 Gōng lâng Óa-khò Châi-hù
( Khó-la̍h kiáⁿ-sun ê si, kau hō͘ ga̍k-koaⁿ. )Bān-bîn, lín lóng tio̍h thiaⁿ, sè-chiūⁿ só͘-ū ê jîn-bîn lóng tio̍h àⁿ hīⁿ-khang thiaⁿ.
49:2 Bô-lūn hā-téng siōng-téng, hó-gia̍h sànchhiah, lóng tio̍h ánne lâi thiaⁿ.
49:3 Góa ê chhùi beh kóng tì-hūi ê ōe; góa ê sim só͘ siūⁿ ê lóng sī bêng-lí thong-ta̍t ê sū.
49:4 Góa beh àⁿ hīⁿ-khang thiaⁿ phì-jū, góa beh tôaⁿ khîm lâi kái-bêng góa ê ò-pì.
49:5 Kan-ok tòe góa ê kha-āu-teⁿ sì-bīn ûi góa, tī chit khoán hoān-lān ê ji̍t-chí góa mā bô teh kiaⁿ.
49:6 Hiahê óa-khò sè-le̍k, khoa-kháu hù-jū ê lâng,
49:7 Bô kah chi̍t-ê ū hoat-tō͘ sio̍k-hôe kakī ê hiaⁿ-tī, mā bē tàng ēng chîⁿ tùi Siōng-tè sio̍k-hôe sèⁿ-miā.
49:8 ( In-ūi sio̍k-hôe in ê sèⁿ-miā ê kè-chîⁿ chin kùi, in chí ū éng-oán pàng-soah-khì; )
49:9 hō͘ in kú-tn̂g oa̍h-.leh, bián siū húi-bia̍t.
49:10 In-ūi in khòaⁿ tio̍h tì-hūi ê lâng sí-.khì, gû-gōng ê lâng kah chhin-chhiūⁿ chengseⁿ hit khoán ê lâng mā chò chi̍t-ē bia̍t-bông; in ê chîⁿ-châi lóng lâu hō͘ pa̍t lâng.
49:11 In siūⁿ kóng in ê chhù ē éng-oán lâu-.leh, in tòa ê só͘-chāi ē kàu bān tāi, só͘-í, in ēng kakī ê miâ lâi kā kakī ê tē hō-miâ.
49:12 Chóng-.sī, lâng bē tàng kú-tn̂g tiàm tī chun-kùi ê tiong-kan, ē chhin-chhiūⁿ chengseⁿ sí-bông.
49:13 In kiâⁿ chit tiâu lō͘ sī in ê gû-gōng, m̄ koh, in í-āu ê lâng iáu koh lia̍h in ê ōe chò tio̍h. [Sè-la̍h]
49:14 In chhin-chhiūⁿ chù-tiāⁿ lo̍h im-hú ê iûⁿ-kûn, sí-bông chò in ê bo̍k-chiá, chhōa in chi̍t-lō͘ kàu bōng-tē. Kàu chá-khí sî, chèng-ti̍t ê lâng ē kā in koán-hat, in ê hêng-thé ē hō͘ im-hú siau-bia̍t, tì-sú bô koh ū tòa ê só͘-chāi.
49:15 To̍k-to̍k Siōng-tè ē sio̍k-hôe góa ê lêng-hûn, hō͘ góa thoat-lī im-hú ê koân-pèng, in-ūi I ē chiap-la̍p góa. [Sè-la̍h]
49:16 Lâng hoat-châi, ka-têng ke-thiⁿ êng-kng, lí m̄-bián in-ūi ánne lâi tio̍h-kiaⁿ.
49:17 In-ūi i sí ê sî, bô kah chi̍t hāng tòa ē khì; i ê êng-hôa hù-kùi bē tàng tòe i khì.
49:18 I sûi-jiân chāi-seⁿ kakī khoa-kháu ū hok-khì, ( lâng nā heng-ōng chiū ē tit tio̍h lâng ê oló);
49:19 m̄ koh, i chòe-āu mā tio̍h khì kìⁿ in chó͘-kong, éng-oán bô koh khòaⁿ tio̍h kng.
49:20 Lâng tiàm tī êng-hôa chun-kùi ê tiong-kan nā bô chhéⁿ-ngō͘, chiū ē chhin-chhiūⁿ ē sí-.khì ê chengseⁿ.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。