詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
6:1 Hoān-lān Tiong Kî-kiû Pang-chō͘
( Ta-bi̍t ê si, kau hō͘ ga̍k-koaⁿ; ēng si-hiân ê ga̍k-khì; ēng tē-peh tiāu. ) Siōng-chú ah, kiû Lí m̄ thang tī siū-khì tiong chek-pī góa, mā m̄ thang tī Lí tōa siū-khì tiong khián-chek góa.
6:2 Siōng-chú ah, kiû Lí khó-liân góa, in-ūi góa soe-lám; Siōng-chú ah, kiû Lí i-tī góa, in-ūi góa ê kut-thâu phi̍h-phi̍h chhoah.
6:3 Góa ê sim tōa-tōa kiaⁿ-hiâⁿ. Siōng-chú ah, Lí beh kàu tang-sî chiah kiù góa?
6:4 Siōng-chú ah, kiû Lí oa̍t tò tńg-lâi kiù góa ê sèⁿ-miā; in-ūi Lí ê chû-ài lâi kiù góa.
6:5 Tī sí-bông ê tiong-kan, bô lâng kì-liām Lí; tī im-hú ê tiong-kan, siáⁿ lâng kám-siā Lí?
6:6 Góa in-ūi thò͘ tōa khùi lâi ià-siān; góa ta̍k mê lâu ba̍k-sái, im góa ê bîn-chhn̂g, sip-thàu góa ê chhn̂g-pho͘.
6:7 Góa in-ūi iu-būn, ba̍k-chiu phah-pháiⁿ, koh in-ūi góa it-chhè ê tùi-te̍k, lâi ba̍k-chiu hoe.
6:8 Lín só͘-ū chò pháiⁿ ê lâng lóng tio̍h lī-khui góa, in-ūi Siōng-chú thiaⁿ tio̍h góa thî-khàu ê siaⁿ.
6:9 Siōng-chú ū thiaⁿ góa ê khún-kiû; Siōng-chú ē chiap-la̍p góa ê kî-tó.
6:10 Góa ê tùi-te̍k lóng ē kiàn-siàu, koh tōa-tōa kiaⁿ-hiâⁿ; in ē hut-jiân kiàn-siàu, koh thè tò tńg-.khì.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。