詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
5:1 Kî-kiû Pó-hō͘
( Ta-bi̍t ê si, kau hō͘ ga̍k-koaⁿ; ēng pûn ê ga̍k-khì ) Siōng-chú ah, kiû Lí àⁿ hīⁿ-khang thiaⁿ góa ê ōe, kàm-chhat góa ê sim-su.
5:2 Góa ê ông, góa ê Siōng-tè ah, kiû Lí thiaⁿ góa kiû-kiò ê siaⁿ! In-ūi góa teh ǹg Lí kî-tó.
5:3 Siōng-chú ah, chá-khí sî Lí ē thiaⁿ góa ê siaⁿ; chá-khí sî góa beh tùi Lí pâi-lia̍t góa ê sim-ì, koh thèng-hāu Lí ê hôe-èng.
5:4 In-ūi Lí m̄-sī hoaⁿ-hí chōe-ok ê Siōng-chú; pháiⁿ tāi Lí bô beh iông-ín.
5:5 Kiau-ngō͘ ê lâng bē tàng khiā tī Lí ê bīn-chêng; chò pháiⁿ ê lâng lóng sī Lí só͘ oàn-hūn ê.
5:6 Kóng pe̍h-chha̍t ê, Lí ē kā in siau-bia̍t; ài thâi lâng kah kan-kúi-ê, lóng sī Siōng-tè só͘ thó-ià ê.
5:7 Koan-hē góa, góa beh pîn Lí hong-sēng ê chû-ài ji̍p-khì Lí ê tiān; góa beh chûn kèng-ùi ê sim, ǹg Lí ê sèng-tiān lâi kèng-pài.
5:8 Siōng-chú ah, in-ūi tùi-te̍k teh tng-tán góa, kiû Lí chiàu Lí ê kong-gī, chhōa góa kiâⁿ chèng-ti̍t ê lō͘.
5:9 In-ūi in ê chhùi bô láu-si̍t, in ê sim ok-to̍k móa-móa; in ê nâ-âu sī khui-khui ê bōng; in ēng chi̍h phô͘-tháⁿ lâng.
5:10 Siōng-tè ah, kiû Lí tēng in ê chōe! Hō͘ in hām-lo̍h tī kakī ê kè-bô͘; in ê chōe-kò chin chē, goān Lí kā in kóaⁿ chhut-.khì, in-ūi in pōe-poān Lí.
5:11 Kiàn-nā óa-khò Lí ê, goān lí hō͘ in hoaⁿ-hí, goān in éng-oán hoaⁿ-hí chhut siaⁿ; in-ūi Lí teh kā in pì-iū, koh goān hiahê thiàⁿ-sioh Lí ê miâ ê lâng lóng in-ūi ū Lí ê tông-chāi lâi hoaⁿ-hí.
5:12 Siōng-chú ah, Lí beh sù-hok hō͘ gī lâng, ēng un-hūi chhin-chhiūⁿ tîn-pâi kā i sì-bīn ûi khí-.lâi.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。