Lia̍t-pang án-chóaⁿ teh chō siaⁿ-sè? Jîn-bîn án-chóaⁿ teh kè-bô͘ khang-khang ê tāichì? 2:2 Sè-chiūⁿ ê kun-ông khiā khí-.lâi, chiáng-koân-pèng ê chò-hóe gī-lūn, in beh tí-te̍k Siōng-chú kah I só͘ boah iû ê. 2:3 In kóng, lán tio̍h chhoah-tn̄g in ê khún-pa̍k, hiat-ka̍k in ê soh. 2:4 Chē tī thiⁿ-téng ê teh chhiò, Chú ē kā in biáu-sī; 2:5Hit sî, I ē tī siū-khì tiong lâi kā in chek-pī, tī I ê tōa siū-khì tiong lâi hō͘ in kiaⁿ-hiâⁿ. 2:6 Chú kóng, Tī Si-óng — Góa ê sèng-soaⁿ, Góa í-keng siat-li̍p Góa ê ông. 2:7 Siū boah iû ê ông kóng, " Góa beh thoân-ta̍t sèng-chí, Siōng-chú bat kā góa kóng, ' Lí sī góa ê kiáⁿ, góa kin-á-ji̍t seⁿ lí. 2:8 Tùi Góa khún-kiû, Góa chiū kā lia̍t pang hō͘ lí chò ki-gia̍p; kā choân tē hō͘ lí chò sán-gia̍p. 2:9 Lí ē ēng thih-koái kā in phah-phòa, chhin-chhiūⁿ teh kòng chhùi hûi-khì. 2:10 Taⁿ lín lia̍t ông tio̍h ū tì-hūi, sè-chiūⁿ ê sím-phòaⁿ-koaⁿ tio̍h siū kéng-kài. 2:11 Tio̍h ēng kèng-ùi lâi ho̍k-sāi Siōng-chú, tio̍h ēng kiaⁿ-hiâⁿ lâi hoaⁿ-hí khut-ho̍k. 2:12 Tio̍h ēng chhùi chim sèng Kiáⁿ, nā bô, khióng-kiaⁿ I ē siū-khì, lín chiū bia̍t-bông tī lō͘ tiong; in-ūi I ê siū-khì ē chin kín hoat-chhut. Hoān-nā óa-khò I ê lâng, lóng sī ū hok-khì ê lâng.