約伯記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
8:1 Siú-oa lâng Bil-tat ìn kóng:
8:2 Chiahê ōe lí beh kóng kàu tang-sî? Lí chhùi lāi ê ōe chhin-chhiūⁿ kông hong ē kàu gōa kú?
8:3 Siōng-tè kám ū phian-su lâi sím-phòaⁿ? Choân-lêng-.ê kám ē phian-su, bô kong-gī?
8:4 Lí ê kiáⁿ-jî nā ū tek-chōe I, I kā in kau-hù tī in ê kòe-sit ê chhiú-thâu.
8:5 Lí nā tì-ì cháu-chhōe Siōng-tè, koh tùi Choân-lêng-.ê kiû un;
8:6 Lí nā chheng-khì chèng-ti̍t, I ē ūi tio̍h lí chhéⁿ khí-.lâi, koh hō͘ lí kong-gī ê chhù heng-thong.
8:7 Lí khí-thâu sûi-jiân bî-sè, kàu bóe ē chin hoat-ta̍t.
8:8 Chhiáⁿ lí cha-mn̄g chêng tāi, tui-liām in ê chó͘-sian só͘ chhâ chhut-.lâi ê.
8:9 In-ūi lán put-kò sī cha-hng chiah ū, m̄-chai pòaⁿ-hāng; lán tī sè-kan ê ji̍t-chí chhin-chhiūⁿ iáⁿ.
8:10 In kám bô kà-sī lí, kā lí kóng, kóng-chhut i sim-pak ê ōe?
8:11 Lô͘-úi bô thô͘-môe, kám ē hoat? Lô͘-tek bô chúi, kám ē tōa châng?
8:12 Tng i chheⁿ-chhùi, iáu-bōe koah khí-.lâi, pí só͘-ū ê chháu tāi-seng ta-.khì.
8:13 Kiàn-nā bē kì-tit Siōng-tè ê lô͘-po̍k, i ê lō͘-kèng mā sī ánne; bô kèng-khiân ê lâng, i ê ǹg-bāng ē bô-.khì.
8:14 I só͘ i-óa ê ē toān-choa̍t; i só͘ óa-khò ê sī ti-tu-bāng.
8:15 I beh óa-khò chhù, chóng-.sī, chhù ē tó; i beh khîⁿ-tiâu chhù, m̄ koh, chhù bē kú-tn̂g chûn-chāi.
8:16 I siū ji̍t chiò, chiū chheⁿ-chhùi; i ê tîn soan kàu móa hn̂g.
8:17 I ê kin khîⁿ tī chio̍h-tui, thàu kàu chio̍h-thâu ê só͘-chāi.
8:18 I nā tùi i ê só͘-chāi tû-.khì, hit só͘-chāi chiū m̄ sêng-jīn i, kóng: Góa m̄ bat khòaⁿ tio̍h lí.
8:19 Lí khòaⁿ, che to̍h-sī i ê lō͘ ê khoài-lo̍k, í-āu ē ū pa̍t-ê tùi tē-.ni̍h seⁿ chhut-.lâi.
8:20 Lí khòaⁿ, Siōng-tè it-tēng bô khì-sak oân-siān ê lâng, mā bô hû-chō͘ kiâⁿ pháiⁿ ê lâng.
8:21 I iáu ē hō͘ lí móa chhùi chhiò gi-gi, hō͘ lí ê chhùi-tûn chhut hoaⁿ-hí ê siaⁿ.
8:22 Oàn-hūn lí ê lâng ē móa-sin kiàn-siàu, pháiⁿ lâng ê pò͘-pêⁿ ē kui tī bô.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。