歷代志下 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
27:1 Iô-tah Ông Iô-thàm
( LOH 15: 32-38)
Iô-thàm chē-ūi ê sî jī-cha̍p gō͘ hòe, tī Ê-lú-sa-lèm chò ông keng-kòe cha̍p-la̍k nî. I ê lāu-bú ê miâ kiò-chò E-lu-siah, sī Cha-tok ê chabó͘ kiáⁿ.
27:2 Iô-thàm kiâⁿ Siōng-chú só͘ khòaⁿ-chò hó ê tāichì, chiàu i ê lāu-pē U-chi-iah só͘ kiâⁿ ê it-chhè, to̍k-to̍k bô ji̍p-khì Siōng-chú ê tiān. Chóng-.sī, jîn-bîn ê só͘ kiâⁿ iû-goân sī hú-pāi.
27:3 Iô-thàm khí Siōng-chú tiān ê téng mn̂g, koh tī O͘-phoe-l ê siâⁿ téng khí chin chē téng mn̂g,
27:4 koh tī Iô-tah soaⁿ-tē khí siâⁿ, tī chhiū-nâ lāi khí iâⁿ-chē kah bāng-ko lâu.
27:5 I kah Am-móng lâng ê ông kau-chiàn, khah iâⁿ in. Tng hit nî, Am-móng lâng chìn-kòng gîn chi̍t pah tha-lan-t, sió-be̍h chi̍t bān kol, tōa-be̍h chi̍t bān kol; tē-jī nî, tē-saⁿ nî, Am-móng lâng mā sī ánne lâi chìn-kòng.
27:6 Iô-thàm chiām-chiām kiông-sēng, in-ūi i tī Siōng-chú — i ê Siōng-tè ê bīn-chêng, kín-sīn kiâⁿ chèng-ti̍t ê lō͘.
27:7 Iô-thàm kî-tha ê tāichì kah it-chhè ê kau-chiàn, lóng kì tī I-su-la-el kah Iô-tah lia̍t ông ê kì-lio̍k.
27:8 I chē-ūi ê sî jī-cha̍p gō͘ hòe, tī Ê-lú-sa-lèm chò ông keng-kòe cha̍p-la̍k nî.
27:9 Iô-thàm kah i ê chó͘-sian tâng khùn, bâi-chòng tī Ta-bi̍t siâⁿ. I ê kiáⁿ A-khà-chuh sòa-chiap i chò ông.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。