歷代志上 線上收聽:中文和合本 現代中文譯本修訂版 現代台語 台語聖經 客語 希伯來文讀經 下載檔案 關於語音聖經
27:1 Kun-sū kah Bîn-sū ê Cho͘-chit
I-su-la-el lâng ê cho̍k-tiúⁿ, iâⁿ-tiúⁿ, liân-tiúⁿ kah koaⁿ-tiúⁿ, lóng ū hun-pan tiāⁿ tio̍h, ta̍k pan ū nn̄g-bān sì-chheng lâng, choân nî chiàu goe̍h lûn-liû, thè-ōaⁿ chhut-ji̍p lâi ho̍k-sāi ông.
27:2 Chiaⁿ-.goe̍h tē-it pan ê pan-tiúⁿ sī Chap-ti-el ê kiáⁿ Ia-sio-be-am, i ê pan lāi ū nn̄g-bān sì-chheng lâng.
27:3 I sī Hoa-lè-suh ê kiáⁿ-sun, koán-hat chiaⁿ-.goe̍h ti̍t-pan só͘-ū ê kun-tiúⁿ.
27:4 Jī-.goe̍h ê pan-tiúⁿ sī A-hoah lâng Tó-tāi, koh ū Mik-lo-t mā sī hit-pan ê thâu-lâng, i ê pan lāi ū nn̄g-bān sì-chheng lâng.
27:5 Saⁿ-.goe̍h tē-saⁿ-ê kun-tiúⁿ sī tōa-chè-si Io-ho-iá-tah ê kiáⁿ Be-ná-iah, i ê pan lāi ū nn̄g-bān sì-chheng lâng.
27:6 Chit-ê Be-ná-iah sī saⁿ-cha̍p lâng tiong-kan ê ióng-sū, koán-lí hit saⁿ-cha̍p lâng, i ê pan lāi koh ū i ê kiáⁿ A-mi-cha-bat.
27:7 Sì-.goe̍h tē-sì-ê pan-tiúⁿ sī Io-ap ê sió-tī A-sa-hel, sòa-chiap i ê, sī i ê kiáⁿ Che-ba-tiah, i ê pan lāi ū nn̄g-bān sì-chheng lâng.
27:8 Gō͘-.goe̍h tē-gō͘-ê pan-tiúⁿ sī I-chu-lah lâng Siam-hut, i ê pan lāi ū nn̄g-bān sì-chheng lâng.
27:9 La̍k-.goe̍h tē-la̍k-ê pan-tiúⁿ sī The-ko-oah lâng Ik-ke-sih ê kiáⁿ E-la̍h, i ê pan lāi ū nn̄g-bān sì-chheng lâng.
27:10 Chhit-.goe̍h tē-chhit-ê pan-tiúⁿ sī E-hu-laim cho̍k, Pe-lóng lâng He-le-chuh, i ê pan lāi ū nn̄g-bān sì-chheng lâng.
27:11 Peh-.goe̍h tē-peh-ê pan-tiúⁿ sī Cha-la̍h cho̍k Ho-siah lâng Si-bé-kai, i ê pan lāi ū nn̄g-bān sì-chheng lâng.
27:12 Káu-.goe̍h tē káu-ê pan-tiúⁿ sī Biān-iá-mín cho̍k, A-ná-thot lâng A-bi-e-chel, i ê pan lāi ū nn̄g-bān sì-chheng lâng.
27:13 Cha̍p-.goe̍h tē-cha̍p-ê pan-tiúⁿ sī Cha-la̍h cho̍k, Ne-to-hoat lâng Ma-ha-lâi, i ê pan lāi ū nn̄g-bān sì-chheng lâng.
27:14 Cha̍p-it-.goe̍h tē-cha̍p-it-ê pan-tiúⁿ sī E-hu-laim cho̍k, Pi-la-tòng ê kiáⁿ Be-ná-iah, i ê pan lāi ū nn̄g-bān sì-chheng lâng.
27:15 Cha̍p-jī-.goe̍h tē-cha̍p-jī-ê pan-tiúⁿ sī Ot-ni-el cho̍k, Ne-to-hoat lâng Hel-tāi, i ê pan lāi ū nn̄g-bān sì-chheng lâng.
27:16 I-su-la-el Kok Chi-cho̍k ê Koaⁿ-oân
Koán-lí I-su-la-el chèng chi-cho̍k ê, kì tī ē-té: Koán Lū-biān cho̍k ê sī Chik-lī ê kiáⁿ E-lí-e-chel, koán Si-miān cho̍k ê sī Má-kah ê kiáⁿ Si-hoa-ti-ah;
27:17 koán Lē-bī lâng ê sī Ke-mu-el ê kiáⁿ Ha-sia-biah; koán A-lông ê cho̍k ê sī Cha-tok;
27:18 koán Iô-tah lâng ê sī Ta-bi̍t ê a-hiaⁿ E-li-hu; koán It-sa-kal cho̍k ê sī Mî-khá-el ê kiáⁿ Om-lī;
27:19 koán Che-bú-lông cho̍k ê sī Ô-bá-tí-ah ê kiáⁿ I-si-ma-iah; koán Ná-hu-tha-lím lâng ê sī A-su-li-el ê kiáⁿ E-le-mo͘t;
27:20 koán E-hu-laim cho̍k ê sī A-cha-chiah ê kiáⁿ Hô-sè-a; koán Má-ná-se pòaⁿ chi-cho̍k ê sī Pe-tá-iah ê kiáⁿ Iô-el;
27:21 koán Gi-lia̍t tē Má-ná-se pòaⁿ chi-cho̍k ê sī Cha-kha-lī-a ê kiáⁿ It-tó͘; koán Biān-iá-mín cho̍k ê sī Ap-nel ê kiáⁿ Ia-si-el;
27:22 koán Tàn cho̍k ê sī E-lo-ham ê kiáⁿ A-sa-lel. Chiahê sī I-su-la-el chèng chi-cho̍k ê siú-léng.
27:23 I-su-la-el lâng jī-cha̍p hòe í-hā ê, Ta-bi̍t bô tiám-sǹg, in-ūi Siōng-chú bat kóng, I ē ke-thiⁿ I-su-la-el lâng chhin-chhiūⁿ thiⁿ-téng ê chheⁿ.
27:24 Che-lú-iah ê kiáⁿ Io-ap khai-sí kā i tiám-sǹg, chóng-.sī, tùi chit-ê tāichì ū Siōng-chú ê siū-khì kàu tī I-su-la-el, só͘-í, bô sǹg kàu soah-bóe, i ê sò͘-gia̍h mā bô kì tī Ta-bi̍t ông ê le̍k-tāi chì-lio̍k.
27:25 Ông-sek Châi-sán ê Chú-koán
Chiáng-koán ông ê kim-khò͘ ê sī A-ti-el ê kiáⁿ A-chu-ma-bet. Chiáng-koán chhân-iá, siâⁿ-ip, hiuⁿ-chng, siâⁿ-pó ê kim-khò͘ ê sī U-chi-iah ê kiáⁿ Io-ná-than.
27:26 Chiáng-koán choh-chhân ê lông-hu, sī Ke-lup ê kiáⁿ E-chu-lī.
27:27 Chiáng-koán phû-tô hn̂g ê sī La̍h-má lâng Si-mí, chiáng-koán phû-tô hn̂g ê chiú-tî ê sī Sip-mi lâng Chap-ti.
27:28 Chiáng-koán pêng-goân ê kaⁿ-ná chhiū kah sng-châi sī Ge-tel lâng Ba-al-ha-nân; chiáng-koán iû-tî ê sī Io-a-si.
27:29 Chiáng-koán Sia-lông chhī gû-kûn ê sī Sia-lông lâng Sit-lái; chiáng-koán soaⁿ-kok chhī gû-kûn ê sī At-lái ê kiáⁿ Sia-hoat.
27:30 Chiáng-koán lo̍k-tô ê sī I-si-ma-el lâng O͘-bil. Koán lî-á ê sī Me-lóng lâng E-tí-iah.
27:31 Chiáng-koán iûⁿ-kûn ê sī Ha-gal lâng Ia-chih. Chiahê lóng sī kā Ta-bi̍t ông chiáng-koán sán-gia̍p ê.
27:32 Ta-bi̍t ê Su-jîn Kò͘-būn
Ta-bi̍t ê a-chek Io-ná-than chò bô͘-sū, chit-ê lâng ū tì-hūi koh chò su-kì. Hak-mo-nih ê kiáⁿ Ia-chi-el chò ông chèng kiáⁿ ê tâng-phōaⁿ.
27:33 A-hi-to-hoel mā chò ông ê bô͘-sū, Al-kih lâng Hu-sia chò ông ê pêng-iú.
27:34 Sòa-chiap A-hi-to-hoel ê, ū Be-ná-iah ê kiáⁿ Io-ho-iá-tah kah A-bi-a-thal. Io-ap chò ông ê lio̍k-kun chóng-tiúⁿ.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。