歷代志上 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
26:1 Sèng-tiān ê Siú-ōe
Kò͘-mn̂g ê pan-lia̍t kì tī ē-té: Khó-la̍h cho̍k A-sah ê kiáⁿ-sun tiong-kan, ū Kho-lē ê kiáⁿ Me-si-le-miah.
26:2 Me-si-le-miah ū kiáⁿ, tōa ê sī Cha-kha-lī-a, tē-jī-ê sī E-ti-a-el, tē-saⁿ-ê sī Che-ba-tiah, tē-sì-ê sī Iat-ni-el,
26:3 Tē-gō͘-ê sī Ê-lám, tē-la̍k-ê sī Io-ha-nân, tē-chhit-ê sī E-lio-e-nái.
26:4 O-biat-e-tóm ū kiáⁿ, tōa ê sī Si-má-iah, tē-jī-ê sī Io-cha-bat, tē-saⁿ-ê sī Io-oah, tē-sì-ê sī Sa-kal, tē-gō͘-ê sī Nâ-than-nâ-el,
26:5 Tē-la̍k-ê sī Am-mí-el, tē-chhit-ê sī It-sa-kal, tē-peh-ê sī Phi-u-le-thái, in-ūi Siōng-chú ū kā i sù-hok.
26:6 I ê kiáⁿ Si-má-iah ū seⁿ kúi-nā-ê kiáⁿ, sī chiáng-koán in lāu-pē ê ke, in-ūi in lóng sī tōa ióng-sū.
26:7 Si-má-iah ê kiáⁿ sī Ot-nî, Le-hoa-el, O͘-biat, El-cha-bat, i ê hiaⁿ-tī sī ióng-sū, koh ū E-li-hu kah Se-ma-khiah.
26:8 Chiahê sī O-biat-e-tóm ê kiáⁿ-sun, in kah in ê kiáⁿ in ê hiaⁿ-tī lóng sī ióng-sū, ū khùi-la̍t gâu pān tāichì ê, kiōng la̍k-cha̍p jī lâng, lóng sī O-biat-e-tóm seⁿ ê.
26:9 Me-si-le-miah ê kiáⁿ kah hiaⁿ-tī lóng sī ióng-sū, kiōng cha̍p-peh lâng.
26:10 Sio̍k tī Me-la-lih ê kiáⁿ-sun Ho-sah ū kúi-nā-ê kiáⁿ, tōa ê sī Sim-lī, i pún m̄-sī tōa-kiáⁿ, chóng-.sī, in lāu-pē siat-li̍p i chò tōa-kiáⁿ.
26:11 Tē-jī-ê sī Hil-kí-iah, tē-saⁿ-ê sī Te-ba-liah, tē-sì-ê sī Cha-kha-lī-a. Án-ne, Ho-sah ê kiáⁿ kah hiaⁿ-tī kiōng cha̍p-saⁿ lâng.
26:12 Tī chiahê lâng, to̍h-sī thâu-lâng ê tiong-kan, hun-phài kò͘-mn̂g ê pan-lia̍t, tam-tng chit-bū kah i ê hiaⁿ-tī sio-siâng, tī Siōng-chú ê tiān lâi ho̍k-sāi.
26:13 In bô-lūn tōa-sè, lóng chiàu in ê chong-cho̍k thiu-chhiam, kò͘-siú ta̍k-ê mn̂g.
26:14 Thiu-chhiam kò͘-siú tang-mn̂g ê sī Si-le-mi-ah, i ê kiáⁿ Cha-kha-lī-a sī cheng-thong ê bô͘-sū, lâng kā i thiu-chhiam lâi kò͘-siú pak-mn̂g.
26:15 O-biat-e-tóm siú lâm-mn̂g, i ê kiáⁿ siú khò͘-pâng.
26:16 Siu-phìm kah Ho-sah kò͘-siú se-mn̂g, tī óa-kīn Sia-le-kiat mn̂g, thàu kàu chiūⁿ-khì ê ke-lō͘, pan kah pan sio-tùi.
26:17 Tī tang pêng ū la̍k-ê Lē-bī lâng, tī pak pêng ta̍k ji̍t ū sì-ê lâng, tī lâm pêng ta̍k ji̍t ū sì-ê lâng, tī khò͘-pâng ū nn̄g lâng, koh ū nn̄g lâng sio thè-ōaⁿ.
26:18 Tī Pal-bal ê sai pêng, tī tōa ke-lō͘ ū sì-ê lâng, tī Pal-bal ū nn̄g-ê lâng.
26:19 Chiahê sī Khó-la̍h ê kiáⁿ-sun kah Me-la-lih ê kiáⁿ-sun kò͘-mn̂g ê pan-lia̍t.
26:20 Sèng-tiān Kî-tha ê Chit-bū
Lē-bī lâng ê tiong-kan, A-hi-iah koán-lí Siōng-chú tiān ê kim-khò͘ kah sèng-mi̍h ê kim-khò͘.
26:21 Kóng tio̍h La-tán ê kiáⁿ-sun, to̍h-sī Kel-sióng lâng La-tán ê kiáⁿ-sun, lóng sī cho̍k-tiúⁿ, chit-ê La-tán sī Kel-sióng lâng, i ê kiáⁿ sī E-hi-e-lī.
26:22 E-hi-e-lī ê kiáⁿ Se-thán kah i ê sió-tī Iô-el, chiáng-koán Siōng-chú tiān lāi ê kim-khò͘.
26:23 Àm-lâm cho̍k, I-chu-hal cho̍k, He-bú-lông cho̍k, U-chi-el cho̍k, mā lóng ū chit-hūn.
26:24 Koh ū Mô͘-se ê sun, Kel-sióng ê kiáⁿ Si-pu-el koán-lí kim-khò͘.
26:25 Iáu ū i ê hiaⁿ-tī E-lí-e-chel. E-lí-e-chel ê kiáⁿ Le-ha-biah, Le-ha-biah ê kiáⁿ sī E-siu-ah, E-siu-ah ê kiáⁿ sī Io-lâm, Io-lâm ê kiáⁿ sī Chik-lī, Chik-lī ê kiáⁿ sī Si-ló-mi̍t.
26:26 Chit-ê Si-ló-mi̍t kah i ê hiaⁿ-tī chiáng-koán sèng-mi̍h ê kim-khò͘, to̍h-sī Ta-bi̍t ông kah chèng cho̍k-tiúⁿ, iâⁿ-tiúⁿ, liân-tiúⁿ kah kun-tiúⁿ só͘ hiàn ê.
26:27 In ēng kau-chiàn ê sî só͘ chhiúⁿ ê mi̍h lâi hiàn, thang siu-chéng Siōng-chú ê tiān.
26:28 Sian-kiàn Sa-mu-el, Ki-si ê kiáⁿ Sàu-lô, ne-l ê kiáⁿ Ap-nel, Che-lú-iah ê kiáⁿ Io-ap só͘ hiàn ê mi̍h kah kiàn-nā ū só͘ hiàn ê mi̍h, lóng kui Si-ló-mi̍t kah i ê hiaⁿ-tī koán-lí.
26:29 Kî-tha Lē-bī Lâng ê Chit-bū
I-chu-hal cho̍k ū Ke-na-niah kah i ê chèng kiáⁿ chò koaⁿ-tiúⁿ kah sū-su, koán-lí I-su-la-el ê gōa-sū.
26:30 He-bú-lông cho̍k ū Ha-sia-biah kah i ê hiaⁿ-tī chi̍t-chheng chhit-pah lâng, lóng sī ióng-sū, tī-lí Iol-tàn hô gōa sai pêng ê I-su-la-el lâng, koán-lí Siōng-chú ê tāichì kah ho̍k-sāi ông ê chit-bū.
26:31 Tī He-bú-lông cho̍k tiong-kan, ū Ia-li-iah chò thâu, to̍h-sī tī He-bú-lông cho̍k tiong-kan chiàu i chó͘-sian ê sè-hē, tī Ta-bi̍t chē-ūi ê tē-sì-cha̍p nî, tī Gi-lia̍t ê Ia-ji-el, chhōe tio̍h in tiong-kan kúi-nā-ê tōa ióng-sū.
26:32 I ê hiaⁿ-tī ū ióng-kám chò cho̍k-tiúⁿ ê nn̄g-chheng chhit-pah lâng, Ta-bi̍t ông phài chiahê lâng koán-hat Lū-biān, Ga̍t, Má-ná-se pòaⁿ chi-cho̍k, lâi pān-lí Siōng-tè só͘-ū ê tāichì kah ông ê tāichì.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。