歷代志上 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
18:1 Ta-bi̍t ê Kun-sū Sèng-lī
( SMH 8: 1-18)
Chit sî liáu-āu, Ta-bi̍t phah Hui-lī-sū lâng, hō͘ in khut-ho̍k, koh tùi Hui-lī-sū lâng ê chhiú cheng-ho̍k Gat kah i ê hiuⁿ-lí.
18:2 Koh phah Mô͘-ap, Mô͘-ap lâng chiū ho̍k-sāi Ta-bi̍t, lâi kā i chìn-kòng.
18:3 Cho͘-ba ông Ha-ta-te-chel khì Iu-hu-la-té tōa hô, beh kian-kò͘ i ê kok-koân, Ta-bi̍t chiū kā i phah, it-ti̍t kàu Ha-mat.
18:4 Ta-bi̍t chhiúⁿ i ê chiàn-chhia chi̍t chheng tâi, bé-peng chhit chheng, pō͘-peng nn̄g bān, Ta-bi̍t chiū koah thoa-chhia ê bé ê tōa-thúi ê kin, kî-tiong chí ū lâu chi̍t pah tâi chhia ê bé.
18:5 Ta-má-su-ko ê A-lâm lâng lâi pang-chān Cho͘-ba ông Ha-ta-te-chel, Ta-bi̍t chiū thâi A-lâm lâng nn̄g-bān nn̄g-chheng lâng.
18:6 Chiū ánne, Ta-bi̍t tī Ta-má-su-ko ê A-Lâm tē siat-li̍p hông-siú ê peng-iâⁿ, A-lâm lâng chiū khut-ho̍k Ta-bi̍t lâi kā i chìn-kòng. Ta-bi̍t bô-lūn khì tó-ūi, Siōng-chú lóng hō͘ i tek-sèng.
18:7 Ta-bi̍t chhiúⁿ Ha-ta-te-chel chiahê lô͘-po̍k ê kim ê pîn-pâi, tòa lâi-kàu Ê-lú-sa-lèm.
18:8 Ta-bi̍t koh tùi Ha-ta-te-chel só͘ koán ê Tip-hat kah Kun nn̄g-ê siâⁿ, chhiúⁿ chin chē tâng, to̍h-sī Só͘-lô-móng só͘ ēng lâi chō tâng-hái kah thiāu, í-ki̍p chiahê tâng-khì ê.
18:9 Ha-mat ông To-u thiaⁿ tio̍h Ta-bi̍t phah-iâⁿ Ha-ta-te-chel ê kun-tūi,
18:10 chiū chhe i ê kiáⁿ Ha-to-lám khì kìⁿ Ta-bi̍t ông, kā i chhéng-an, mā kā i chiok-hok, in-ūi i ū kah Ha-ta-te-chel kau-chiàn lâi khah iâⁿ i （ pún-lâi Ha-ta-te-chel kah To-u to̍h tiāⁿtiāⁿ ū kau-chiàn ê iân-kò͘ ）. Ha-to-lám sòa tòa kim, gîn, tâng chiahê khì-kū.
18:11 Ta-bi̍t ông kā chiahê khì-kū kah tùi ta̍k kok tòa-.lâi ê kim-gîn, lóng hun-pia̍t chò sèng hiàn hō͘ Siōng-chú, to̍h-sī i tùi E-tóm, Mô͘-ap, Am-móng cho̍k, Hui-lī-sū lâng, A-má-le̍k só͘ chhiúⁿ-.lâi ê.
18:12 Che-lú-iah ê kiáⁿ A-bi-sai, tī iâm ê soaⁿ-kok thâi-sí E-tóm lâng chi̍t-bān peh-chheng.
18:13 I tī E-tóm tē siat-li̍p hông-siú ê peng-iâⁿ, E-tóm lâng chiū lóng khut-ho̍k Ta-bi̍t. Ta-bi̍t bô-lūn khì-kàu tó-ūi, Siōng-chú lóng hō͘ i tek-sèng.
18:14 Ta-bi̍t ê Tāi-sîn
( SMH 8:15-18)
Ta-bi̍t chò I-su-la-el choân kok ê ông, koh tī chèng lâng ê tiong-kan péng-kong kiâⁿ-gī.
18:15 Che-lú-iah ê kiáⁿ Io-ap chò goân-sòe, A-hi-lu̍t ê kiáⁿ Iô-sa-hoat chò sú-koaⁿ.
18:16 A-hi-top ê kiáⁿ Cha-tok kah A-bi-a-thal ê kiáⁿ A-hi-mé-le̍k chò chè-si, Sa-ui-sa chò su-kì-koaⁿ.
18:17 Io-ho-iá-tah ê kiáⁿ Be-ná-iah koán-hat Ke-le-thih lâng kah Be-le-thi lâng. Ta-bi̍t ê chèng kiáⁿ lóng tī ông ê sin piⁿ chò thâu-lâng.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。