I-su-la-el ê tōa-kiáⁿ Lū-biān, i pún sī tōa-kiáⁿ, in-ūi i òe lahsap i ê lāu-pē ê bîn-chhn̂g, só͘-í, tōa-kiáⁿ ê miâ-hūn chiū kui tī I-su-la-el ê kiáⁿ Iô-sé-huh ê kiáⁿ-sun. To̍k-to̍k sè-hē bô chiàu tōa-kiáⁿ ê lē lâi sǹg. 5:2 In-ūi Iô-tah iâⁿ-kòe i só͘-ū ê hiaⁿ-tī, kun-ông mā sī tùi i chhut; chóng-.sī, tōa-kiáⁿ ê miâ-hūn kui tī Iô-sé-huh. 5:3 I-su-la-el ê tōa-kiáⁿ Lū-biān ê kiáⁿ, Ha-no͘k, Pa-lú, He-chú-lóng, Kal-mih. 5:4 Iô-el ê kiáⁿ Si-má-iah, Si-má-iah ê kiáⁿ Go͘-k, Go͘-k ê kiáⁿ Si-mí, 5:5 Si-mí ê kiáⁿ Mi-ka, Mi-ka ê kiáⁿ Le-a-iah, Le-a-iah ê kiáⁿ Ba-al, 5:6 Ba-al ê kiáⁿ Be-lah, chit-ê Be-lah chò Lū-biān chi-cho̍k ê siú-léng, hō͘ A-siul ông Thi-gú-la̍t-pi-lé-sel lia̍h-.khì. 5:7 I ê hiaⁿ-tī, chiàu chong-cho̍k chiàu sè-hē ê cho̍k-phó͘, chò cho̍k-tiúⁿ ê sī E-i-el, Che-ka-lí-ah, Be-la̍h. 5:8 Be-la̍h sī A-sah ê kiáⁿ, A-sah sī Sī-má ê kiáⁿ, Sī-má sī Iô-el ê kiáⁿ, Iô-el só͘ tòa ê só͘-chāi to̍h-sī A-ló-el kàu Ne-bó kah Ba-al-me-óng, 5:9 koh tùi tang sòa-kàu Iu-hu-la-té tōa hô chit pêng ê khòng-iá, in-ūi in tī Gi-lia̍t ê tē ū chin chē chengseⁿ. 5:10 Sàu-lô ê sî, in kah Ha-gal lâng kau-chiàn, Ha-gal lâng sí tī in ê chhiú-hā, in chiū tī Gi-lia̍t tang pêng ê choân tē tòa tī in ê pò͘-pêⁿ. 5:11
Ga̍t ê Kiáⁿ-sun
Ga̍t ê kiáⁿ-sun tī Lū-biān ê tùi-bīn, tòa tī Ba-siáng ê tē kàu tī Sal-kah. 5:12 In tiong-kan chò cho̍k-tiúⁿ ê Iô-el, ū chò hù cho̍k-tiúⁿ ê Sia-hoán, koh ū Ia-a-nái kah tòa tī Ba-siáng ê Sia-hoat. 5:13 In chong-cho̍k ê hiaⁿ-tī, Mî-khá-el, Me-siu-lám, Sí-bah, Io-nāi, Iá-kan, Sè-a, Ê-bel, kiōng chhit lâng. 5:14 Chiahê lóng sī A-mí-hail ê kiáⁿ, A-mí-hail sī Hō͘-lī ê kiáⁿ, Hō͘-lī sī Ia-lo-oah ê kiáⁿ, Ia-lo-oah sī Gi-lia̍t ê kiáⁿ, Gi-lia̍t sī Mî-khá-el ê kiáⁿ, Mî-khá-el sī E-si-sai ê kiáⁿ, E-si-sai sī Ia-ha-to͘ ê kiáⁿ, Ia-ha-to͘ sī Bu-chuh ê kiáⁿ. 5:15 koh ū Gu-nî ê sun, Ap-ti-el ê kiáⁿ A-hi, chiahê lóng sī chò cho̍k-tiúⁿ ê. 5:16 In tòa tī Gi-lia̍t kah Ba-siáng kah i ê hiuⁿ-lí, í-ki̍p Sia-lông ê kau-iá, it-ti̍t kàu sì-kho͘-ûi ê kau-kài. 5:17 Chiahê lâng tī Iô-tah ông Iô-thàm ê sî kah I-su-la-el ông Ia-lô-ba-am ê sî, lóng kì tī in ê sè-hē ê cho̍k-phó͘. 5:18
Tang hōaⁿ Nn̄g-ê Pòaⁿ Chi-cho̍k ê Kun-tūi
Lū-biān lâng Ga̍t lâng kah Má-ná-se pòaⁿ chi-cho̍k ê lâng, ē kōaⁿ tîn-pâi gia̍h to, khui kiong siā chìⁿ, chhut-cheng gâu sio-thâi ê ióng-sū, kiōng ū sì-bān sì-chheng chhit-pah la̍k-cha̍p lâng. 5:19 In kah Ha-gal lâng, E-tol lâng, Na-hui-sih lâng, No͘-tap lâng kau-chiàn. 5:20 In tit tio̍h pang-chān, Ha-gal lâng kah kin-tòe in ê lâng lóng kau tī in ê chhiú, in-ūi in tī chiàn-tīn ê tiong-kan kiû-kiò Siōng-tè, koh ū óa-khò Siōng-tè, I chiū thiaⁿ in. 5:21 In chhiúⁿ-lia̍h Ha-gal lâng ê chengseⁿ, ū lo̍k-tô gō͘ bān chiah, iûⁿ jī-cha̍p gō͘ bān chiah, lî nn̄g chheng chiah, koh ū cha̍p-bān-ê lâng. 5:22Tùi-te̍k sí ê chin chē, in-ūi chit-ê kau-chiàn sī tùi Siōng-tè. In chiū tòa tī tùi-te̍k ê tē, ti̍t-kàu in siū lia̍h ê sî. 5:23
Má-ná-se pòaⁿ Chi-cho̍k
Má-ná-se pòaⁿ chi-cho̍k ê lâng tòa tī hit-ê só͘-chāi, tùi Ba-siáng sòa-kàu Ba-al-hel-móng, Se-nil kah Hel-móng soaⁿ. 5:24 In ê cho̍k-tiúⁿ to̍h-sī E-hut, Í-sī, E-li-el, A-su-li-el, I-é-lí-miah, Ho͘-ta-iah, Ia-te-el, lóng sī tōa koân-lêng ê ióng-sū, ū miâ-siaⁿ ê lâng, mā sī chò cho̍k-tiúⁿ ê. 5:25
Tang hōaⁿ Nn̄g-ê Pòaⁿ Chi-cho̍k Hông Lia̍h-Khì
In tek-chōe in chó͘-sian ê Siōng-tè, chun-thàn hit só͘-chāi ê jîn-bîn ê sîn-bêng, kiâⁿ siâ-îm; chiahê jîn-bîn to̍h-sī Siōng-tè tī in ê bīn-chêng só͘ tû-bia̍t ê. 5:26 Só͘-í, I-su-la-el ê Siōng-tè kek-tōng A-siul ông Phu-l kah A-siul ông Thi-gú-la̍t-pi-lé-sel ê sim, i kā Lū-biān lâng, Ga̍t lâng, Má-ná-se pòaⁿ chi-cho̍k ê lâng, lia̍h kàu Hau-la̍h, Ha-bo͘l, Ha-la̍h kah Go-chán ê hô, ti̍t-kàu kin-á-ji̍t.