| 章節 | 全民台語聖經全羅經文 | 註釋 |
| 17:1 | Páu-lô Tú tio̍h Koh khah Chē ê Khùn-jiáuPáu-lô kah Se-la̍h keng-kòe Àm-hui-po-lí, A-po-lô-nî-a, lâi-kàu The-sa-lô-nî-ke, tī hia ū Iô-tá-iah lâng ê hōe-tn̂g. | 註釋 串珠 字典 原文 典藏 |
| 17:2 | Páu-lô chiàu i pêng-siông ê si̍p-koàn ji̍p-khì hōe-tn̂g, liân-sòa saⁿ-ê An-hioh-ji̍t, ín-iōng keng-tián kah in piān-lūn. | 註釋 串珠 原文 典藏 |
| 17:3 | I káng-kái koh chèng-bêng Ki-tok it-tēng tio̍h siū hāi, jiân-āu tùi sí-lâng tiong koh-oa̍h. I koh kóng, " Góa tùi lín soan-iông ê I-é-su to̍h-sī Ki-tok. " | 註釋 串珠 原文 典藏 |
| 17:4 | In tiong-kan ū lâng siū kám-tōng lâi sìn, chiū lâi tòe Páu-lô kah Se-la̍h. Kî-tiong ū chin chē sī kèng-ùi Siōng-tè ê Hi-la̍h lâng, chun-kùi ê hū-jîn-lâng mā bē chió. | 註釋 串珠 原文 典藏 |
| 17:5 | To̍k-to̍k Iô-tá-iah lâng khí oàn-tò͘, chio-chi̍p chi̍t-kóa ke-lō͘ ê húi-lūi, siàn-tōng bîn-chiòng, sêng-kûn kiat-tóng, jiáu-loān choân siâⁿ, kong ji̍p-khì Iá-sùn ê chhù, beh chhōe Páu-lô kah Se-la̍h, kā in lia̍h-khì kau hō͘ kûn-chiòng. | 註釋 串珠 原文 典藏 |
| 17:6 | In chhōe bô, chiū kā Iá-sùn kah kúi-nā-ê sìn-tô͘ thoa-khì tē-hng-koaⁿ hia, tōa-siaⁿ hoah, " Chiahê jiáu-loān thian-hā ê lâng mā lâi-kàu chia, | 註釋 串珠 原文 典藏 |
| 17:7 | Iá-sùn kèng-jiân kā in siu-liû. Chiahê lâng lóng ûi-pōe Lô-má hông-tè ê hoat-lēng, kóng lēng-gōa ū chi̍t-ê ông, kiò-chò I-é-su. " | 註釋 串珠 原文 典藏 |
| 17:8 | Bîn-chiòng kah tē-hng-koaⁿ thiaⁿ tio̍h chiahê ōe, chiū tio̍h-kip put-an. | 註釋 串珠 原文 典藏 |
| 17:9 | Koaⁿ-oân tùi Iá-sùn kah kî-tha ê lâng siu chîⁿ kau-pó liáu-āu, chiū pàng in khì. | 註釋 串珠 原文 典藏 |
| 17:10 | Sù-tô͘ tī Bê-lô-iaHit mê, sìn-tô͘ sûi-sî sàng Páu-lô kah Se-la̍h thàu-mê khì Bê-lô-ia. Nn̄g lâng kàu-ūi liáu-āu, chiū ji̍p-khì Iô-tá-iah lâng ê hōe-tn̂g. | 註釋 串珠 字典 原文 典藏 |
| 17:11 | Hiahê lâng pí The-sa-lô-nî-ke lâng khah bûn-bêng, jia̍t-sim thiaⁿ tō-lí, ta̍k ji̍t chhâ-khó keng-tián, khòaⁿ Páu-lô só͘ kóng ê ū khak-si̍t á-bô. | 註釋 串珠 原文 典藏 |
| 17:12 | Só͘-í, ū chin chē lâng sìn, kî-tiong ū bē chió Hi-la̍h chun-kùi ê hū-jîn-lâng kah chapo͘ lâng. | 註釋 串珠 原文 典藏 |
| 17:13 | To̍k-to̍k The-sa-lô-nî-ke ê Iô-tá-iah lâng chi̍t ē chai-iáⁿ Páu-lô tī Bê-lô-ia teh thoân Siōng-tè ê tō-lí, chiū khì hia siàn-tōng bîn-chiòng, ín khí jiáu-loān. | 註釋 串珠 原文 典藏 |
| 17:14 | Sìn-tô͘ sûi-sî sàng Páu-lô khì hái piⁿ, Se-la̍h kah Tî-mó͘-theh iû-goân lâu tòa hia. | 註釋 串珠 原文 典藏 |
| 17:15 | In chi̍t-lō͘ hō͘-sàng Páu-lô kàu A-thé-nè. Páu-lô kā in hoan-hù kiò Se-la̍h kah Tî-mó͘-theh kóaⁿ-kín lâi kah i hōe-ha̍p. Jiân-āu hiahê lâng chiū tńg-.khì. | 註釋 串珠 原文 典藏 |
| 17:16 | Páu-lô tī A-thé-nèPáu-lô tī A-thé-nè teh thèng-hāu Se-la̍h kah Tî-mó͘-theh ê kî-kan, khòaⁿ tio̍h móa siâⁿ lóng sī ngó͘-siōng, chiū siong-sim tio̍h-kip. | 註釋 串珠 字典 原文 典藏 |
| 17:17 | I tī hōe-tn̂g kah Iô-tá-iah lâng í-ki̍p kèng-ùi Siōng-tè ê lô͘-po̍k piān-lūn, mā ta̍k ji̍t tī tōa lō͘-kháu kah só͘ tú-.tio̍h ê lâng tâm-lūn. | 註釋 串珠 字典 原文 典藏 |
| 17:18 | Ū Ê-pí-ku-liò (Epicurus)kah Su-to-a (Stoa) nn̄g-ê ha̍k-phài ê tiat-ha̍k-ka lâi kah i piān-lūn. Ū lâng kóng, " Chit-ê kāu-ōe ê lâng teh kóng siáⁿ-mi̍h? " Koh ū lâng kóng, " I chhin-chhiūⁿ teh thoân pa̍t kok ê kúi-sîn. " In ánne kóng, sī in-ūi i teh thoân I-é-su kah I koh-oa̍h ê tō-lí. | 註釋 串珠 原文 典藏 |
| 17:19 | In chiū kā Páu-lô thoa kàu A-lí-o soaⁿ ê hoat-īⁿ, kā i kóng, " Lí teh kóng lūn ê sin ha̍k-soat kám ē-tàng pò goán chai? | 註釋 串珠 原文 典藏 |
| 17:20 | In-ūi ū chi̍t-kóa tāichì goán kám-kak koài-koài, só͘-í, goán ài beh chai sī siáⁿ-mi̍h ì-sù. " | 註釋 串珠 原文 典藏 |
| 17:21 | ( goân-lâi A-thé-nè lâng kah tòa tī hia ê gōa-kok lâng lóng ài kóng, mā ài thiaⁿ sin-kî ê tāichì lâi siau-mô͘ sî-kan. ) | 註釋 串珠 原文 典藏 |
| 17:22 | Páu-lô khiā tī A-lí-o soaⁿ ê hoat-īⁿ, kóng, " Kok-ūi A-thé-nè lâng, góa khòaⁿ lín hoân-sū kèng-ùi sîn-bêng, siong-tong jia̍t-sim. | 註釋 串珠 原文 典藏 |
| 17:23 | Góa tī siâⁿ lāi teh sì-kè kiâⁿ ê sî, khòaⁿ tio̍h lín teh kèng-pài ê só͘-chāi, ū tú tio̍h chi̍t chō tôaⁿ, téng-bīn ánne siá, ' hiàn hō͘ m̄ bat ê sîn. 'Lín teh kèng-pài chit ūi lín m̄ bat ê sîn, chitmá góa beh lâi pò lín chai. | 註釋 串珠 字典 原文 典藏 |
| 17:24 | chit ūi chhòng-chō ú-tiū kah kî-tiong bān-mi̍h ê Siōng-tè, sī thiⁿ-tē ê Chú. I bô tòa tī lâng ê chhiú só͘ chō ê biō-sī, | 註釋 串珠 原文 典藏 |
| 17:25 | Mā bô khiàm-iōng lâng ê chhiú só͘ hiàn ê mi̍h-kiāⁿ. I tian-tò kā oa̍h-miā, chhoán-khùi kah bān-mi̍h siúⁿ-sù hō͘ jîn-lūi. | 註釋 串珠 原文 典藏 |
| 17:26 | I koh tùi chi̍t-ê lâng chhòng-chō ta̍k chióng-cho̍k ê lâng, hō͘ in tòa tī choân tē-bīn, koh kā in tēng nî-hān kah in só͘ tòa ê tē-kài. | 註釋 串珠 原文 典藏 |
| 17:27 | Siōng-tè ánne chò sī beh hō͘ in cháu-chhōe I. Lâng nā ū sim beh cháu-chhōe, it-tēng chhōe ē tio̍h. Kî-si̍t Siōng-tè lī lán ta̍k lâng bô hn̄g. | 註釋 串珠 原文 典藏 |
| 17:28 | Lâng teh kóng, ' Lán óa-khò I lâi seng-oa̍h, hêng-tōng kah chûn-chāi', tú chhin-chhiūⁿ lín tiong-kan ê si-jîn ū ánne kóng, ' In-ūi lán mā sī I ê kiáⁿ-sun. ' | 註釋 串珠 原文 典藏 |
| 17:29 | Lán kì-jiân sī Siōng-tè ê kiáⁿ-sun, chiū bô eng-kai kā Siōng-tè ê pún-chit khòaⁿ-chò sī kah lâng ēng kim, gîn, chio̍h í-ki̍p lâng ê kang-hu, sim-su só͘ tiau-khek ê ngó͘-siōng kāng-khoán. | 註釋 串珠 字典 原文 典藏 |
| 17:30 | Tng jîn-lūi iáu bû-ti ê sî-tāi, Siōng-tè bô beh it-it tui-kiù, taⁿ I bēng-lēng ta̍k só͘-chāi ê lâng lóng tio̍h hóe-kái. | 註釋 串珠 原文 典藏 |
| 17:31 | In-ūi I í-keng tiāⁿ tio̍h ji̍t-chí, beh ēng I só͘ siat-li̍p ê lâng, chiàu kong-gī lâi sím-phòaⁿ sè-kan lâng. I hō͘ chi̍t-ê lâng tùi sí-lâng tiong koh-oa̍h, ēng chit-ê chò pîn-kì, thang hō͘ sè-kan lâng lâi sìn. " | 註釋 串珠 原文 典藏 |
| 17:32 | In chi̍t-ē thiaⁿ tio̍h sí-lâng koh-oa̍h ê ōe, ū lâng kā i thí-chhiò; mā ū lâng kóng, " Goán beh koh thiaⁿ lí kóng chit-ê tāichì. " | 註釋 串珠 原文 典藏 |
| 17:33 | Jiân-āu Páu-lô chiū lī-khui in chhut-.khì. | 註釋 串珠 原文 典藏 |
| 17:34 | M̄ koh, ū chi̍t-kóa lâng tòe Páu-lô khì, chiâⁿ-chò sìn-tô͘. Kî-tiong ū A-lí-o soaⁿ hoat-īⁿ ê gī-oân Tiu-nî-siu, koh ū chi̍t-ê miâ kiò-chò Tāi-má-lí ê hū-jîn-lâng, iáu koh ū kî-tha kúi-nā-ê lâng. | 註釋 串珠 原文 典藏 |