聖經閱讀

查字典本章地圖影像 [ 條列 | 表格 | 整段 ] 繁簡語態度量衡其他閱讀計畫

新版查詢或移至：說明

出埃及記線上收聽:中文和合本現代中文譯本修訂版現代台語台語聖經客語福州話希伯來文讀經下載檔案關於語音聖經

2:1

Mô͘-se Chhut-sì

Ū chi̍t ê Lī-bī chi-cho̍k ê ta-po͘-lâng chhōa kâng chi-cho̍k ê lú-chú chòe bó͘.
2:2 Chit-ê hū-jîn-lâng hoâi-īn, siⁿ chi̍t ê hāu-siⁿ, khòaⁿ i chin kó͘-chui, chiū kā i chhàng saⁿ ge̍h-ji̍t.
2:3 Āu-lâi, hū-jîn-lâng bô hoat-tō͘ koh chhàng, chiū the̍h chi̍t ê pô͘-chháu chòe ê nâ-á, ēng táⁿ-má-ka kap pek-iû kô͘ hō͘ i bōe sia̍p-chúi, chiong eⁿ-á khǹg tī lāi-bīn, jiân-āu chiong nâ-á khǹg tī Nî-lô hô-piⁿ ê lô͘-úi tiong-kan.
2:4 Eⁿ-á ê tōa-chí khiā tī hn̄g-hn̄g ê só͘-chāi, ài-beh chai i ōe tú-tio̍h sím-mi̍h tāi-chì.
2:5 Ai-ki̍p-ông ê cha-bó͘-kiáⁿ lâi kàu Nî-lô hô-piⁿ beh sóe seng-khu; i hiah-ê kiong-lú tī hô-piⁿ kiâⁿ-lâi-kiâⁿ-khì. Kong-chú khòaⁿ-tio̍h lô͘-úi tiong-kan ū chi̍t ê nâ-á, chiū chhe kiong-lú khì the̍h hit-ê nâ-á.
2:6 I chi̍t-ē phah-khui, khòaⁿ-tio̍h chi̍t ê eⁿ-á; ah, ta-po͘ eⁿ-á teh háu. I chin m̄-kam, kóng, “Chit-ê it-tēng sī Hi-pek-lâi-lâng ê eⁿ-á.”
2:7 Eⁿ-á ê a-chí lâi tùi Ai-ki̍p-ông ê cha-bó͘-kiáⁿ kóng, “Góa lâi ūi lí tī Hi-pek-lâi hū-jîn-lâng ê tiong-kan chhē chi̍t ê lin-bú, kā lí io chit-ê gín-á hó--bô?”
2:8 Ai-ki̍p-ông ê cha-bó͘-kiáⁿ ìn kóng, “Hó, lí khì.” Cha-bó͘ gín-á chiū khì kiò eⁿ-á ê lāu-bú lâi.
2:9 Ai-ki̍p-ông ê cha-bó͘-kiáⁿ kā eⁿ-á ê lāu-bú kóng, “Lí kā chit-ê eⁿ-á phō-khì io, góa ōe hō͘ lí kang-chîⁿ.” Hū-jîn-lâng chiū kā chit-ê eⁿ-á phō--khì, kā i io.
2:10 Chit-ê eⁿ-á tōa-hàn, hū-jîn-lâng kā i chhōa-khì hō͘ Ai-ki̍p-ông ê cha-bó͘-kiáⁿ. Ai-ki̍p-ông ê cha-bó͘-kiáⁿ chiū siu chit-ê gín-á chòe kiáⁿ, kā i hō-miâ kiò-chòe Mô͘-se, kóng, “Góa kā i tùi chúi--ni̍h khiú--chhut-lâi”.
2:11

Mô͘-se Liû-bông Bí-tiân

Āu-lâi, Mô͘-se tōa-hàn; i chhut-khì i ê tông-pau Hi-pek-lâi-lâng hia, khòaⁿ-tio̍h in teh chòe khó͘-kang; koh khòaⁿ-tio̍h chi̍t ê Ai-ki̍p-lâng teh phah Hi-pek-lâi-lâng.
2:12 Mô͘-se khòaⁿ piⁿ--á lóng bô lâng, chiū phah-sí hit-ê Ai-ki̍p-lâng, ēng soa kā i khàm--teh.
2:13 Keh-ji̍t, Mô͘-se koh chhut--khì, khòaⁿ-tio̍h nn̄g ê Hi-pek-lâi-lâng teh sio-phah. I tùi hit-ê bô-lí--ê kóng, “Lí sī-án-chóaⁿ phah ka-kī ê tông-pau?”
2:14 Hit-ê lâng kóng, “Siáⁿ-lâng phài lí chòe siú-léng lâi sím-phòaⁿ goán? Lí àn-sǹg beh kā góa phah--sí, chhin-chhiūⁿ phah-sí hit-ê Ai-ki̍p-lâng sī--bô?” Mô͘-se kiaⁿ-chi̍t-tiô, siūⁿ-kóng “Chit-ê tāi-chì lâng it-tēng chai lah”.
2:15 Ai-ki̍p-ông thiaⁿ-tio̍h chit-ê tāi-chì, beh thâi Mô͘-se. Mô͘-se siám-pī Ai-ki̍p-ông, cháu-khì Bí-tiân, tòa tī hia. Ū chi̍t ji̍t, Mô͘-se chē tī chíⁿ-piⁿ;
2:16 Bí-tiân ê chè-si ū chhit ê cha-bó͘-kiáⁿ; in lâi chhiūⁿ-chúi, kā chúi-chô tò-tīⁿ, beh hō͘ in lāu-pē ê iûⁿ-kûn lim.
2:17 Ū kò͘-iûⁿ--ê lâi, kā in kóaⁿ-cháu; Mô͘-se chiū khí-lâi kā in kái-kiù, hō͘ in ê iûⁿ-kûn lim-chúi.
2:18 In tńg-lâi in lāu-pē Ia̍p-te̍k-lô hia, in lāu-pē kóng, “Kin-á-ji̍t lín ná hiah chá chiū tò--lâi?”
2:19 In ìn kóng, “Ū chi̍t ê Ai-ki̍p-lâng kái-kiù goán, kā hiah-ê khi-hū goán ê kò͘-iûⁿ--ê kóaⁿ-cháu, sīm-chì koh chhiūⁿ-chúi hō͘ iûⁿ-kûn lim.”
2:20 Lāu-pē tùi i ê cha-bó͘-kiáⁿ kóng, “Hit-ê lâng tī tó-ūi? Lín sī-án-chóaⁿ kā i pàng tī hia? Khì chhiáⁿ i lâi chòe-hé chia̍h-pn̄g.”
2:21 Mô͘-se chiap-siū iau-chhiáⁿ, hoaⁿ-hí kap Ia̍p-te̍k-lô tòa chòe-hé. Ia̍p-te̍k-lô chiong i ê cha-bó͘-kiáⁿ Se-pho-la kè hō͘ Mô͘-se.
2:22 Se-pho-la siⁿ chi̍t ê hāu-siⁿ; Mô͘-se kā i hō-miâ kiò-chòe Kek-sūn, kóng, “Góa kià-ku tī gōa-pang.”
2:23 Kúi-nā nî āu, Ai-ki̍p-ông sí. Í-sek-lia̍t-lâng in-ūi chòe khó͘-kang, thó͘-khùi ai-kiò. In chòe khó͘-kang ai-kiò ê siaⁿ thàu kàu Siōng-tè hia.
2:24 Siōng-tè thiaⁿ-tio̍h in haiⁿ-haiⁿ-chhan ê siaⁿ, chiū siūⁿ-khí I kap A-pek-la-hán, Í-sat, Ngá-kok só͘ li̍p ê iok.
2:25 Siōng-tè khòaⁿ-kò͘ Í-sek-lia̍t-lâng, mā koan-sim in.

查詢或移至：說明

[ 條列 | 表格 | 整段 ] 繁簡語態重新查詢影像本章地圖度量衡其他

中文:FHL和合本和合本2010現代中文譯本1995版現代中文譯本2019版環球譯本新譯本中文標準譯本恢復本思高譯本呂振中譯本NET聖經中譯本深文理和合本官話和合本北京官話譯本文理和合本神天聖書文理委辦譯本施約瑟淺文理譯本馬殊曼譯本四人小組譯本高連茨基聖詠經郭實臘新遺詔書和舊遺詔聖書太平天國文理譯本原文直譯(參考用)
英文:ESVKJVBBEWEBASVDarbyERV
原文與古譯本:舊約馬索拉原文七十士譯本
台客語:現代台語2021版漢字現代台語2021版全羅聖經公會巴克禮台漢本巴克禮全羅巴克禮漢羅聖經公會現代客語全羅聖經公會現代客語漢字全民台語聖經全羅全民台語聖經漢羅全民台語聖經Ruby
其他:聖經公會布農語聖經聖經公會泰雅爾語聖經聖經公會魯凱語聖經賽德克族Tgdaya語聖經公會阿美語1997聖經公會太魯閣語聖經印尼聖經印尼舊聖經越南聖經俄文聖經韓文聖經日語聖經藏語聖經武加大譯本新武加大譯本

本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。

信望愛站使用cookies 技術來強化網站功能，您使用本網站，表示您同意我們使用 cookies 技術.