聖經閱讀

查字典本章地圖影像 [ 條列 | 表格 | 整段 ] 繁簡語態度量衡其他閱讀計畫

新版查詢或移至：說明

歷代志上線上收聽:中文和合本現代中文譯本修訂版現代台語台語聖經客語福州話希伯來文讀經下載檔案關於語音聖經

Thai-ví Tiám-son Ngìn-khiéu

( Sat-mû-ngí Ki-ha 24:1-25 )
Sat-tan sióng-oi hoi Yî-set-lie̍t-ngìn, chhiuk-kit Thai-ví lòi phan-lî fu-khiéu thiàu-chhà. 2 Thai-ví chhiu min-lin kiûn-chhui ke ngièn-soi Yok-ap lâu khì-thâ kôn-yèn kóng: “Ngì-têu oi to Yî-set-lie̍t tak só-chhai, tui chui nàm-phién ke Phe̍t-sṳ-pâ to chui pet-phién ke Tan, tiám-son ngìn-mìn; chón-lòi lâu ngài po-ko, ngài oi tî ngìn-mìn ke su-muk.” 3 Chúng-he Yok-ap en-kóng: “Ngien Song-chú sṳ́ Yî-set-lie̍t ke ngìn-mìn pí liá-ha ke ngìn-su tô yit-pak phi! Ngâ chú ngâ vòng, kì-têu chhiòn-phu kám m̀-he ngì ke phu̍k-ngìn? Ngì cho-má-ke khiòng-khiòng oi cho liá-sṳ? Cho-má-ke oi hoi chhiòn-mìn fam-chhui nè?” 4 Chúng-he vòng kiên-chhṳ̀ oi Yok-ap fu̍k-chhiùng kì ke min-lin. Só-yî Yok-ap chhut-hi, chhiòn Yî-set-lie̍t koet hàng-to theu-theu, yèn-heu chón-to Yâ-lu-sat-lâng. 5 Yok-ap hiong Thai-ví po-ko: Yî-set-lie̍t tai vú-hi ke chong-tên yû yit-pak yit-sṳ̍p van ngìn; Yù-thai tai vú-hi ke chong-tên yû si-sṳ̍p chhit-van ngìn. 6 Yok-ap mò thiàu-chhà Li-vi kî-chhu̍k lâu Phien-ngâ-mén kî-chhu̍k ke ngìn-su, yîn-vi kì tông-nâu vòng liá-ke min-lin. 7 Song-ti ya mò fôn-hí liá tiám-son ngìn-mìn ke sṳ, só-yî Kì chit-fa̍t Yî-set-lie̍t. 8 Thai-ví tui Song-ti kóng: “Ngài cho liá-sṳ fam thai-chhui lé! Khiù Ngì sa-miên phu̍k-ngìn ke ko-sṳt! Ngài ke hàng-vì sṳ̍t-chhai tông-ngong.” 9 Song-chú tui Thai-ví ke siên-kien Kâ-tet kóng: 10 “Hi lâu Thai-ví kóng, Ngài yung sâm-ke châi-nan pûn kì sién yit-ke, kì sién má-ke, Ngài chhiu cho má-ke.” 11 Kâ-tet hi kien Thai-ví, chiông Song-chú kóng ke fa lâu kì kóng, yu mun Thai-ví: “Ngì oi sién nai-yong? 12 Sâm-ngièn ke kî-fông nè? Ya-he sâm-ke ngie̍t pûn thi̍t-kiûn kiuk? Ya-he pûn Song-chú yung Kì ke kiam sṳ̂-hàng kûng-kit, sṳ́ ngì ke koet-kâ pot sâm-ngit ke vûn-é, Song-chú phai thiên-sṳ́ chhai Yî-set-lie̍t tak só-chhai chho-sṳ̀n sí-mòng nè? Sióng khon-é, oi ngài ngióng-pân fì-tap Song-chú.” 13 Thai-ví tui Kâ-tet kóng: “Ngài tông vì-nàn! Ngài mò-oi pûn-ngìn chhú-fa̍t. Ngài kâm-ngien pûn Song-chú chhṳ-kâ chit-fa̍t ngài, yîn-vi Song-chú yû fûng-sṳn ke lìn-mén.” 14 Só-yî, Song-chú kong vûn-é chhai Yî-set-lie̍t-ngìn sṳ̂n-song, chhiu yû chhit-van ngìn sí-thet. 15 Song-ti yu phai thiên-sṳ́ hi fí-me̍t Yâ-lu-sat-lâng, chúng-he thiên-sṳ́ oi chṳp-hàng ke sṳ̀, Song-chú kói-pien Kì chit-fa̍t ngìn-mìn ke sîm-yi, chhiu tui ke chṳp-hàng fí-me̍t ke thiên-sṳ́ kóng: “Sú thìn hâ-lòi, la lé!” Ke-sṳ̀, Song-chú ke thiên-sṳ́ chhai Yâ-pu-sṳ̂-ngìn Â-lò-nâ ke tá-ma̍k-chhòng. 16 Thai-ví khon-tó Song-chú ke thiên-sṳ́ khî chhai pan khûng-chûng, sú-hong khià-tén kiam, oi fí-me̍t Yâ-lu-sat-lâng. Thai-ví lâu ke-têu chóng-ló chhiòn-phu chok mà-sâm, phu̍k chhai thi-song khúi-pai. 17 Thai-ví khì-tó kóng: “Song-ti â, ngài chang he ke fam-chhui, cho m̀-chho̍k sṳ ke ngìn, he ngài ha-lin thiàu-chhà fu-khiéu ke. Liá-têu ngìn-mìn chhiong yòng-è, kì-têu me-mò cho má-ke. Song-chú — ngài ke Song-ti â, khiù Ngì chit-fa̍t ngài lâu ngài vuk-hâ ngìn, m̀-hó kong vûn-é pûn Ngì ke chṳ́-mìn.” 18 Só-yî, Song-chú ke thiên-sṳ́ lâu Kâ-tet kóng, ham kì min-lin Thai-ví to Yâ-pu-sṳ̂-ngìn Â-lò-nâ ke tá-ma̍k-chhòng hi, vi Song-chú hí yit-chho chi-thàn. 19 Thai-ví cheu Kâ-tet fung Song-chú min-lin só-kóng ke fa sông-hi. 20 Â-lò-nâ lâu kì si-ke lai-é tú-hó chhai tá-ma̍k-chhòng tá-ma̍k; kì-têu yit khon-tó thiên-sṳ́, ke si-ke lai-é chhiòn-phu chéu-hi khong hí-lòi. 21 Â-lò-nâ khon-tó Thai-ví hiong kì liá-phién hàng ko-lòi, chhiu lì-khôi tá-ma̍k-chhòng, hàng-chhièn phu̍k chhai thi-song khúi-pai. 22 Thai-ví tui Â-lò-nâ kóng: “Chhiáng ngì chiông tá-ma̍k-chhòng mai-pûn ngài, ngài hó vi Song-chú hí yit-chho chi-thàn, pûn pot-vûn thìn hâ-lòi, ngài voi cheu ka-chhièn fu-pûn ngì.” 23 Â-lò-nâ kóng: “Ngâ chú ngâ vòng, cho ngì nâ-hi! Ngì kak-yi má-ke chhiu cho má-ke. Liá-vi yû ngiù hó cho sêu-fa-chi, yu yû tá-ma̍k ke piông-é hó cho chhèu sêu, hàn-yû ma̍k-é hó cho su-chi. Ngài chiông liá-têu chhiòn-phu sung-pûn ngì.” 24 Chúng-he Thai-ví-vòng tui Â-lò-nâ kóng: “Cho-m̀-tet! Ngài yit-thin oi cheu la-ngiak ke ka-chhièn lâu ngì mâi; ngài mò-oi hiong Song-chú hien ngì ke tûng-sî, mò-oi hien pha̍k-pha̍k tet-lòi ke cho sêu-fa-chi.” 25 Só-yî Thai-ví yung liuk-pak chak kîm-pi hiong Â-lò-nâ mâi tá-ma̍k-chhòng. 26 Thai-ví chhai ke-vi vi Song-chú hí yit-chho chi-thàn, hien sêu-fa-chi lâu phìn-ôn-chi. Thai-ví khì-tó Song-chú; Song-chú chhiu thâng kì ke khì-khiù, tui thiên-táng kong-fó hâ-lòi, chiông chi-thàn táng ke thèu-sâng sêu-thet. 27 Song-chú fûn-fu thiên-sṳ́, thiên-sṳ́ chhiu chiông kiam sû hí-lòi. 28 Thai-ví khon Song-chú chhai Yâ-pu-sṳ̂-ngìn Â-lò-nâ tá-ma̍k-chhòng thâng kì ke khì-tó, só-yî chhiu chhai ke-vi hien-chi. 29 Mô-sî chhai khóng-yâ só-chho Song-chú ke sṳn-chong-phùng lâu hien sêu-fa-chi ke chi-thàn ke-sṳ̀ hàn chhai Kî-phiên kin-pai ke só-chhai. 30 Chúng-he Thai-ví m̀-kám to ke-vi hi khiù-mun Song-ti, yîn-vi kì kiâng Song-chú thiên-sṳ́ ke kiam.

查詢或移至：說明

[ 條列 | 表格 | 整段 ] 繁簡語態重新查詢影像本章地圖度量衡其他

中文:FHL和合本和合本2010現代中文譯本1995版現代中文譯本2019版環球譯本新譯本中文標準譯本恢復本思高譯本呂振中譯本NET聖經中譯本深文理和合本官話和合本北京官話譯本文理和合本神天聖書文理委辦譯本施約瑟淺文理譯本馬殊曼譯本四人小組譯本高連茨基聖詠經郭實臘新遺詔書和舊遺詔聖書太平天國文理譯本原文直譯(參考用)
英文:ESVKJVBBEWEBASVDarbyERV
原文與古譯本:舊約馬索拉原文七十士譯本
台客語:現代台語2021版漢字現代台語2021版全羅聖經公會巴克禮台漢本巴克禮全羅巴克禮漢羅聖經公會現代客語全羅聖經公會現代客語漢字全民台語聖經全羅全民台語聖經漢羅全民台語聖經Ruby
其他:聖經公會布農語聖經聖經公會泰雅爾語聖經聖經公會魯凱語聖經賽德克族Tgdaya語聖經公會阿美語1997聖經公會太魯閣語聖經印尼聖經印尼舊聖經越南聖經俄文聖經韓文聖經日語聖經藏語聖經武加大譯本新武加大譯本

本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。

信望愛站使用cookies 技術來強化網站功能，您使用本網站，表示您同意我們使用 cookies 技術.