申命記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
34 摩西ê死亡
摩西tùi摩押平原上尼波山,上hitê kah耶利哥城相對ê毗斯迦山頭。上主hō͘伊看基列全地一直到但,
2 拿弗他利全地,以法連瑪拿西ê地,偤大全地到西海,
3 南方kah叫做棗樹城ê耶利哥城山谷ê平原,一直到瑣珥。
4 上主對伊講:「Chitê地to̍h是我對亞伯拉罕、以撒、雅各chiùchōa講:『我beh賞賜hō͘你ê kiáⁿ孫ê。』Τaⁿ我hō͘你親目看tio̍h,總是,你bē tàng過去到hia。」
5 上帝ê奴僕摩西就死tī hia,tī摩押ê地,照上主所講ê。
6 上主kā伊埋葬tī摩押地,Pek-pí-jíⁿ相對ê山谷;到今á日無人知伊ê墓。
7 摩西死ê時,一百二十歲,目chiu 無花,精力無衰退。
8 以色列人tī摩押平原為tio̍h摩西哀哭三十工。為tio̍h摩西憂悶哀哭ê日滿à。
9 嫩ê kiáⁿ約書亞得tio̍h智慧ê神充滿,因為摩西bat tī伊ê頂面hōaⁿ手,以色列人to̍h遵thàn伊,照上主所命令摩西ê來行。
10 後來,以色列中無koh興起先知親像摩西,伊是上主面對面所bat ê。
11 照上主差伊tī埃及地,對法老kah伊所有ê人臣,以及伊ê全地所行ta̍k種ê神跡奇事,
12 mā照大權能ê手,大koh thang驚ê tāichì,to̍h是摩西所行tī以色列人民ê目chiu 前ê。
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。