版本選擇 有地理sitephoto 查字典 本章地圖 影像 [ 條列 | 表格 | 整段 ] 語態 度量衡 其他 閱讀計畫

新版上一章 下一章    查詢或移至: 說明

申命記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經

10

摩西重新接受誡命

(出34:1-10)

「Hit時,上主kā我講:『你tio̍h phah兩塊石碑,親像以前ê款式,上山來我chia,koh tio̍h做一个柴ê櫃。 2 你以前所phah斷hiahê碑,hit頂面ê話,我beh koh再寫tī chiahê碑ê頂面,你tio̍h kā in hē tī櫃內。』 3 「我to̍h用皂莢柴做一个櫃,koh phah兩塊石碑親像以前ê款式,我親手the̍h chit兩塊碑上山。 4 上主kā祂tī大會ê日,tī山頂tùi火中kā你講ê十誡,照以前所寫ê款式,寫tī hiahê碑裡,上主to̍h kā hiahê交帶我。 5 我oa̍t-tńg身落山,照上主ê命令kā hiahê碑hē tī我所做ê櫃內,到taⁿ iáu tī hia。 6 (以色列人tùi Pí-lô-pí-nî-a-kan出發,來到Mô͘-se-la̍h。亞倫死tī hia,就埋葬tī hia,伊ê kiáⁿ以利亞撒續接伊擔當祭司ê職。 7 In tùi hia出發,到Kok-ko-tāi,koh tùi Kok-ko-tāi到Iok-pa-tha,to̍h是有溪水ê地。 8 Hit時,上主分派利未支族來扛上主ê約櫃,khiā tī上主ê面前來服事祂,奉祂ê名來祝福,到今á日。 9 所以,利未tī伊ê兄弟中無份無業,上主是伊ê產業,照上主—你ê上帝所對伊講ê。) 10 「我koh親像頭一pái tiàm tī山頂四十工四十暝,hit pái上主mā聽我ê話,上主m̄甘kā你消滅。 11 上主kā我講:『你起來做頭行tī人民ê面前,hō͘ in入去承接我所對in ê祖先chiùchōa beh hō͘ in ê地。』」 12

上帝ê要求

「以色列人,taⁿ上主—你ê上帝ài你啥物?Kám m̄是獨獨ài你敬畏上主—你ê上帝,行祂一切ê道路,疼祂,盡心、盡性服事上主—你ê上帝, 13 守上主chiahê誡命kah祂ê律例,to̍h是我今á日所命令你ê,為tio̍h beh hō͘你得tio̍h福氣? 14 你看,天kah chiahê天ê天,地kah地chiūⁿ所有ê,lóng屬上主—你ê上帝。 15 上主獨獨歡喜你ê祖先,疼in,tī萬民中揀選in ê kiáⁿ孫,to̍h是lín chiahê,親像今á日to̍h是。 16 所以,lín tio̍h kā lín ê心行割禮,m̄ thang硬lín ê頷頸。 17 因為上主—lín ê上帝,祂是chiahê神明ê上帝,chiahê主ê上主。祂是至大ê上帝,有能力koh thang驚畏ê,無用外貌取人,mā無接受人ê烏紗。 18 祂為tio̍h孤兒kah寡婦判斷,koh疼出外人,hō͘伊食穿。 19 所以,lín tio̍h疼出外人,因為lín mā bat出外tī埃及地。 20 你tio̍h敬畏上主—你ê上帝,服事祂,kah祂結聯,kí祂ê名來chiùchōa。 21 祂是你所oló ê,是你ê上帝,為tio̍h你做hitê大koh thang驚ê tāichì,是你親目所看tio̍h ê。 22 你ê祖先七十人落去埃及,taⁿ上主—你ê上帝hō͘你親像天頂ê星hiah-nih chē。」

上一章 下一章    查詢或移至: 說明

[ 條列 | 表格 | 整段 ] 語態 重新查詢 影像 本章地圖 度量衡 其他
和合本和合本2010現代中文譯本1995版現代中文譯本2019版新譯本恢復本思高譯本呂振中譯本NET聖經中譯本深文理和合本原文直譯(參考用)ESVKJVBBEWEBASVDarbyERV舊約馬索拉原文七十士譯本現代台語2021版漢字現代台語2021版全羅聖經公會巴克禮台漢本巴克禮全羅巴克禮漢羅聖經公會現代客語全羅聖經公會現代客語漢字全民台語聖經全羅全民台語聖經漢羅全民台語聖經Ruby印尼聖經越南聖經俄文聖經韓文聖經日語聖經聖經公會布農語聖經聖經公會泰雅爾語聖經聖經公會魯凱語聖經賽德克族Tgdaya語聖經公會阿美語1997聖經公會太魯閣語聖經藏語聖經武加大譯本新武加大譯本官話和合本北京官話譯本文理和合本神天聖書文理委辦譯本施約瑟淺文理譯本馬殊曼譯本四人小組譯本高連茨基聖詠經郭實臘新遺詔書和舊遺詔聖書太平天國文理譯本



各聖經譯本著作權如
版權說明
本畫面由信望愛資訊中心CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。