以西結書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
41 伊koh chhōa我來到殿hia,量hiahê柱;chit面闊六肘,hit面闊六肘,闊度kah布棚仝款。
2 門口闊十肘。門ê雙pêng邊,chit pêng五肘,hit-pêng五肘。伊量它ê長四十肘,闊二十肘。
3 伊去到內面,量門口ê柱,兩肘;門口六肘,門口ê闊七肘。
4 伊量它ê長二十肘,闊二十肘,tī殿ê前面;伊對我講:「這是至聖所。」
5 聖殿ê護龍房
伊量厝ê牆,六肘;厝四箍圍ê邊房,各闊四肘。
6 邊房有三層,chit層疊tī hit層ê頂面,ta̍k層有三十間;chitê厝另外有一片牆,做四箍圍邊房ê路用,hō͘它ê楹á thang掛tī hia,免得掛tī厝ê牆。
7 Chiahê四箍圍ê邊房ná koân ná闊;因為厝ê圍tī厝ê四面ná koân,所以,厝ê闊直直到頂面;tùi下層到頂層,tio̍h tùi中層上去。
8 我koh看tio̍h厝ê四箍圍有koân ê砛;邊房ê地基,高足足一篙尺,to̍h是六大肘。
9 邊房外面ê牆,厚五肘。所chhun落來ê地to̍h是厝ê邊房ê所在。
10 四面圍ê厝hiahê房間,相離二十肘ê闊。
11 邊房ê門lóng ǹg所chhun落來ê地;一个門ǹg北,一个門ǹg南。四箍圍所chhun落來ê地lóng闊五肘。
12 西pêng ê厝宅
Tī西pêng另外隔開ê地頭前ê厝宅,闊七十肘;它ê牆四箍圍厚五肘,長九十肘。
13 聖殿ê寸尺
Án-ne,伊量厝,長一百肘,mā量隔開ê所在kah所起造ê,kah它ê牆,總共長一百肘。
14 厝ê頭前面kah ǹg東隔開ê地,闊一百肘。
15 伊量後面隔開ê地頭前ê厝宅,以及chit pêng、hit-pêng樓ê廊,長一百肘,koh量內殿kah院ê廊。
16 聖殿ê內部
它ê戶碇、它ê關密ê窗á、它ê四箍圍三層ê樓ê廊,tī戶碇ê對面,四箍圍ê牆lóng包柴板;tùi土腳到窗á,(窗á lóng有遮蓋),
17 一直到門ê頂面,to̍h是到內面ê厝kah外面,內外四箍圍ê牆壁,lóng照寸尺。
18 有刻ki-lō͘-peng kah棕樹,兩 个ki-lō͘-peng ê中間有一欉ê棕樹;ki-lō͘-peng ta̍k个有兩 个面。
19 Chit-pêng有人ê面,ǹg棕樹;hit-pêng有獅ê面,ǹg棕樹,厝內四箍圍lóng是ánne。
20 Tùi土腳到門頂,lóng有刻ki-lō͘-peng kah棕樹。殿ê牆lóng是ánne。
21 殿ê門框是四角形ê。至聖所ê頭前面親像殿ê款式。
22 壇是柴做ê,高三肘,長兩肘。它ê角、它ê座kah它ê四邊lóng是柴做ê。伊對我講:「這是上主面前ê桌。」
23 殿kah至聖所有兩 个門,ta̍k个門有兩扇。
24 Chitê兩扇是會拗得ê,chitê門兩扇,hitê門mā兩扇。
25 殿ê門頂有刻ki-lō͘-peng kah棕樹,kah刻tī牆頂ê仝款。Tī外面廊ê頭前有厚ê柴板。
26 廊ê邊á,chit pêng kah hit-pêng lóng有關密ê窗á kah棕樹;厝ê邊房kah厚ê柴板lóng是ánne。
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。