詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
118 Ūi tio̍h Sèng-lī Kám-un Kî-tó
Lín tio̍h kám-siā Siōng-chú, in-ūi I sī hó; in-ūi I ê chû-ài éng-oán chûn-chāi!
2 Goān I-su-la-el kóng: I ê chû-ài éng-oán chûn-chāi.!
3 Goān A-lông ê ke kóng: I ê chû-ài éng-oán chûn-chāi!
4 Goān kèng-ùi Siōng-chú ê lâng kóng: I ê chû-ài éng-oán chûn-chāi!
5 Góa tī gûi-kip ê tiong-kan kiû-kiò Siōng-chú, Siōng-chú chiū ìn-tap góa, kā góa hē tī khui-khoah ê só͘-chāi.
6 Ū Siōng-chú kah góa tông-chāi, góa chiū bô kiaⁿ, lâng ē-tàng tùi góa án-chóaⁿ?
7 Tī hiahê pang-chān ê tiong-kan, ū Siōng-chú kah góa tông-chāi, só͘-í, góa ē khòaⁿ tio̍h hiahê oàn-hūn góa ê lâng siū pò-èng.
8 Óa-khò Siōng-chú, pí óa-khò lâng khah hó;
9 Óa-khò Siōng-chú, pí óa-khò ông-chhin khah hó.
10 Bān-bîn kā góa ûi-khùn, góa óa-khò Siōng-chú ê miâ lâi kā in châu-bia̍t.
11 In pau-ûi góa, kā góa ûi-khùn, góa óa-khò Siōng-chú ê miâ beh kā in châu-bia̍t.
12 In chhin-chhiūⁿ phang kā góa pau-ûi, chhin-chhiūⁿ sio chhì-phè ê hóe siū phah-hoa; góa óa-khò Siōng-chú ê miâ lâi kā in châu-bia̍t.
13 Lí chhut-la̍t beh kā góa chhia-tó, chóng-.sī, Siōng-chú pang-chān góa.
14 Siōng-chú sī góa ê khùi-la̍t, sī góa ê si-koa; I mā hō͘ góa tit tio̍h chín-kiù.
15 Tī gī lâng ê pò͘-pêⁿ lāi ū hoaⁿ-hí ê siaⁿ kah chín-kiù ê siaⁿ; Siōng-chú ê chiàⁿ chhiú hián-chhut tōa koân-lêng.
16 Siōng-chú ê chiàⁿ chhiú gia̍h koân; Siōng-chú ê chiàⁿ chhiú hián-chhut tōa koân-lêng.
17 Góa bē tì-kàu sí, iáu ē oa̍h-.leh, koh beh soan-iông Siōng-chú ê chok-ûi.
18 Siōng-chú bat giâm-lē kā góa kéng-kài; chóng-.sī, I bē kā góa kau tī sí-bông.
19 Tio̍h kā góa khui gī ê mn̂g; góa beh ji̍p-khì kám-siā Siōng-chú.
20 Che sī Siōng-chú ê mn̂g; gī ê lâng beh ji̍p-.khì!
21 Góa beh kám-siā Lí, in-ūi Lí í-keng ìn-tap góa, koh í-keng chiâⁿ-chò góa ê chín-kiù!
22 Sai-hū só͘ khì-sak ê chio̍h-thâu, í-keng chiâⁿ-chò chhù-kak-thâu ê ki-chio̍h.
23 Che sī Siōng-chú ê chok-ûi, lán ê ba̍k-chiu kā i khòaⁿ-chò kî-koài.
24 Che sī Siōng-chú só͘ tiāⁿ tio̍h ê ji̍t-chí, lán tī chit ji̍t ê tiong-kan tio̍h hoaⁿ-hí khoài-lo̍k!
25 Siōng-chú ah, taⁿ kiû Lí chín-kiù! Siōng-chú ah, taⁿ kiû Lí hō͘ goán hoat-ta̍t!
26 Hōng Siōng-chú ê miâ ji̍p-.lâi ê eng-kai tit tio̍h hok-khì! Goán tùi Siōng-chú ê tiān kā lín chiok-hok!
27 Siōng-chú sī Siōng-tè, I ê kng chiò goán; tio̍h ēng soh-á pa̍k chè-sū ê chengseⁿ, lâi-kàu tôaⁿ-kak.
28 Lí sī góa ê Siōng-tè, góa beh kám-siā Lí! Lí sī góa ê Siōng-chú, góa beh chun Lí chò koân!
29 Lín tio̍h kám-siā Siōng-chú, in-ūi I sī hó! In-ūi I ê chû-ài éng-oán chûn-chāi!
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。