詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
110 Siōng-chú kah I Só͘ Siat-li̍p ê Ông
( Ta-bi̍t ê si. ) Siōng-chú tùi góa ê Chú kóng, Lí chē góa ê chiàⁿ pêng, thèng-hāu góa hō͘ lí ê tùi-te̍k chò lí ê kha-ta̍h.
2 Siōng-chú ē tùi Si-óng chhun-chhut lí ū lêng-le̍k ê koái; lí tio̍h tī lí tùi-te̍k ê tiong-kan chiáng-koân.
3 Lí chhut-cheng ê ji̍t, lí ê jîn-bîn ē ēng sèng-kiat ê táⁿ-pān chò saⁿ, kam-sim hiàn kakī; lí ê chòng-teng kui-óa lí, chhin-chhiūⁿ chá-khí sî só͘ kiat ê lō͘-chúi.
4 Siōng-chú í-keng chiùchōa, it-tēng bô hō͘-hóe, kóng, " Lí ná chhin-chhiūⁿ Mal-ki-che-tek ánne, éng-oán chò chè-si. "
5 Tī lí chiàⁿ pêng ê Chú, tng I siū-khì ê ji̍t, ē phah-pāi lia̍t ông.
6 I ē tī lia̍t pang tiong lâi sím-phòaⁿ, I ē hō͘ sin-si phiàn-móa ta̍k só͘-chāi; I ē tī chin chē kok phah-phòa tùi-te̍k ê thâu-khak.
7 Ông ē lim lō͘ piⁿ ê khe chúi, in-ūi ánne, i ē-tàng koh gia̍h-khí thâu-khak.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。