詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
62 Sìn-khò Siōng-tè
( Ta-bi̍t ê si, chiàu E-to-tòng ê chò-hoat, kau hō͘ ga̍k-koaⁿ. )Góa ê sim-sîn tiām-tiām, choan-sim thèng-hāu Siōng-tè; góa ê chín-kiù sī tùi I lâi.
2 Chí-ū I sī góa ê chio̍h-pôaⁿ, sī góa ê chín-kiù; I sī góa ê siâⁿ-pó, góa lóng bē iô-tāng.
3 Lín tāi-ke kong-kek lâng, lâi kā i húi-hoāi, chhin-chhiūⁿ húi-hoāi khi-chhiâ ê chhiûⁿ, á-.sī beh tó ê piah, tio̍h kàu tang-sî ûi-chí?
4 In chò-hóe kè-bô͘ beh tùi i chun-kùi ê ông-ūi kā i chhia lo̍h-.khì; in ài kóng pe̍h-chha̍t, in chhùi teh chiok-hok, m̄ koh, sim teh chiù-chó͘. [Sè-la̍h]
5 Góa ê sim-sîn, lí tio̍h tiām-tiām, choan-sim thèng-hāu Siōng-tè, in-ūi góa ê ǹg-bāng sī tùi I lâi.
6 Chí-ū I sī góa ê chio̍h-pôaⁿ, sī góa ê chín-kiù; I sī góa ê siâⁿ-pó, góa lóng bē iô-tāng.
7 Góa ê chín-kiù kah góa ê êng-kng chāi tī Siōng-tè; góa khùi-la̍t ê chio̍h-pôaⁿ, góa siám-phiah ê só͘-chāi, mā lóng chāi tī Siōng-tè.
8 Lín chèng lâng tio̍h sî-sî óa-khò I, tī I ê bīn-chêng piàⁿ chhut lín ê sim, in-ūi Siōng-tè sī lán tô-siám ê só͘-chāi. [Sè-la̍h]
9 Pi-bî ê lâng chin-chiàⁿ sī khang-hi, chun-kùi ê lâng mā sī hi-ké; nā kā in hē tī thian-phêng óaⁿ, it-tēng ē phû khí-.lâi; in lóng pí ho͘-khip ê khùi khah khin.
10 M̄-thang óa-khò pō-gio̍k, m̄ thang in-ūi chhiúⁿ-toa̍t lâi kiau-ngō͘; châi-pó nā ke-thiⁿ, mā m̄ thang chù-ì tī hia.
11 Siōng-tè kóng chi̍t hāng, góa ū thiaⁿ tio̍h nn̄g hāng, to̍h-sī koân-lêng sio̍k tī Siōng-tè,
12 Chû-ài mā sī sio̍k tī I; Chú ah, Lí chiàu ta̍k lâng só͘ chò ê lâi kā i pò-èng.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。