章節 | 全民台語聖經漢羅經文 | 註釋 |
14:1 | 偤大王亞瑪謝(代下25:1-24)以色列王約哈斯ê kiáⁿ約阿施第二年,偤大王約阿施ê kiáⁿ亞瑪謝坐位。 | 註釋 串珠 原文 典藏 |
14:2 | 伊坐位ê時,二十五歲,tī耶路撒冷做王共二十九年。伊ê老母ê名叫做E-ho-a-tan,是耶路撒冷人。 | 註釋 串珠 原文 典藏 |
14:3 | 亞瑪謝行上主看做好ê tāichì,總是,無親像伊ê祖先大衛,to̍h是照伊ê老父約阿施所行ê一切去行。 | 註釋 串珠 原文 典藏 |
14:4 | 總是,山頭壇iáu未廢除,人民猶原tī山頭壇獻祭燒香。 | 註釋 串珠 字典 原文 典藏 |
14:5 | 早前hiahê人臣thâi死伊ê老父偤大王,taⁿ國權一下堅固,to̍h kā inthâi死。 | 註釋 串珠 原文 典藏 |
14:6 | 總是,無kā in ê kiaN2thâi死,照摩西律法ê冊所記載,上主命令講:「M̄-thang因為kiáⁿ來thâi死老父,mā m̄ thang因為老父來thâi死kiáⁿ,ta̍k人tio̍k因為本身ê罪來死。」 | 註釋 串珠 字典 原文 典藏 |
14:7 | 亞瑪謝tī鹽ê山谷thâi死以東人一萬,koh征服西拉,kā她改名叫做Iok-thel,直到今á日。 | 註釋 串珠 原文 典藏 |
14:8 | Hit時,亞瑪謝差使者去見耶戶ê孫,約哈斯ê kiáⁿ,以色列王約阿施,講:「來,咱兩人tī戰場相見面。」 | 註釋 串珠 原文 典藏 |
14:9 | 以色列王約阿施差使者去見偤大王亞瑪謝講:「黎巴嫩ê草刺差使者去見黎巴嫩ê柏香樹,講:『Kā你ê chabó͘ kiáⁿ hō͘我ê kiáⁿ做bó͘。』後來,黎巴嫩有一隻野獸經過,thún踏hitê草刺。 | 註釋 串珠 字典 原文 典藏 |
14:10 | 你已經phah贏以東,心就驕傲,你掠chitê做榮光,tī厝內安然toa3to̍h好,ná ē beh起事惹災禍,hō͘本身kah偤大國做伙倒壞?」 | 註釋 串珠 原文 典藏 |
14:11 | 總是,亞瑪謝m̄肯聽。就ánne,以色列王約阿施起來,tī偤大ê伯示麥kah偤大王亞瑪謝tī戰場相見面。 | 註釋 串珠 原文 典藏 |
14:12 | 偤大tī以色列ê面前thâi輸,ta̍k人走tńg去in ê布棚。 | 註釋 串珠 原文 典藏 |
14:13 | 以色列王約阿施tī伯示麥掠tio̍h亞哈謝ê孫,約阿施ê kiáⁿ偤大王亞瑪謝,to̍h來到耶路撒冷,拆毀耶路撒冷ê城牆,tùi以法連門到角門共四百肘, | 註釋 串珠 字典 原文 典藏 |
14:14 | koh kā上主殿內kah王宮金庫所有ê金銀kah器具,lóng the̍h去,koh掠人去做準當,to̍h倒tńg去撒馬利亞。 | 註釋 串珠 字典 原文 典藏 |
14:15 | 約阿施其他ê tāichì,見若伊所行ê kah伊ê能力,以及kah偤大王亞瑪謝交戰ê tāichì,kám無lóng記tī以色列chiahê王ê記錄? | 註釋 串珠 字典 原文 典藏 |
14:16 | 約阿施kah伊ê祖先同睏,kah以色列chiahê王做伙葬tī撒馬利亞。伊ê kiáⁿ耶羅波安續接伊做王。 | 註釋 串珠 原文 典藏 |
14:17 | 偤大王亞瑪謝死亡(代下25:25-28)以色列王約哈斯ê kiáⁿ約阿施死了後,偤大王約阿施ê kiáⁿ亞瑪謝iáu koh活十五年。 | 註釋 串珠 原文 典藏 |
14:18 | 亞瑪謝其他ê tāichì,kám無lóng記tī偤大列王ê記錄?Tī耶路撒冷有人結黨beh害亞瑪謝。 | 註釋 串珠 字典 原文 典藏 |
14:19 | 伊to̍h逃走去拉結,in差人jiok伊到拉吉,tī hia kā伊thâi死。 | 註釋 串珠 原文 典藏 |
14:20 | 人to̍h用馬載伊ê身屍來到耶路撒冷,kah伊ê祖先葬做伙tī大衛ê城。 | 註釋 串珠 字典 原文 典藏 |
14:21 | 偤大眾人設立亞撒利雅續接伊ê老父亞瑪謝做王。Hit時,伊chiah十六歲。 | 註釋 串珠 原文 典藏 |
14:22 | 亞瑪謝王kah伊ê祖先同睏了後,亞撒利雅起E-lot ê城,hō͘她猶原歸偤大國ê管轄。 | 註釋 串珠 原文 典藏 |
14:23 | 以色列王耶羅波安二世偤大王約阿施ê kiáⁿ亞瑪謝十五年,以色列王約阿施ê kiáⁿ耶羅波安tī撒馬利亞坐位,總共做王四十一年。 | 註釋 串珠 原文 典藏 |
14:24 | 伊行上主看做pháiⁿ ê tāichì,無離開尼八ê kiáⁿ耶羅波安hō͘以色列犯罪ê。 | 註釋 串珠 原文 典藏 |
14:25 | 伊恢復以色列交界ê地,tùi哈馬口到亞拉巴海,照上主—以色列ê上帝託祂ê奴僕Gat-he-huil人A-mit-thài ê kiáⁿ—先知約拿所講ê話。 | 註釋 串珠 原文 典藏 |
14:26 | 因為上主看tio̍h以色列人真艱苦,無論受拘束ê á是自由ê lóng無去,mā無人幫贊以色列。 | 註釋 串珠 原文 典藏 |
14:27 | 上主m̄ bat講beh kā tī天下擦消以色列ê名,就託約阿施ê kiáⁿ耶羅波安ê手來kā in救。 | 註釋 串珠 原文 典藏 |
14:28 | 耶羅波安其他ê tāichì,見若伊所行ê kah伊ê能力,伊án怎交戰,án怎回復大馬士革kah哈馬,to̍h是早前屬偤大ê,hō͘ in koh歸以色列,kám無lóng記tī以色列chiahê王ê記錄? | 註釋 串珠 字典 原文 典藏 |
14:29 | 耶羅波安kah伊ê祖先以色列chiahê王同睏了後,伊ê kiáⁿ撒迦利雅續接伊做王。 | 註釋 串珠 原文 典藏 |