章節 | 全民台語聖經漢羅經文 | 註釋 |
24:1 | 大衛調查人口(代上21:1-27)上主koh受氣以色列人,激動大衛來害in,to̍h講:「Tio̍h去算以色列人kah偤大人。」 | 註釋 串珠 盧俊義 原文 典藏 |
24:2 | 王吩咐kah伊tī ·leh ê軍長約押講:「你taⁿ去遍行以色列眾支族,tùi但到別是巴,點算人民,hō͘我知人民ê數額。」 | 註釋 串珠 盧俊義 原文 典藏 |
24:3 | 約押kā王講:「無論人民gōa chē,願上主—你ê上帝加添百倍,koh hō͘我ê主—我ê王親目看tio̍h。總是,我ê主—我ê王ná ē歡喜chitê tāichì?」 | 註釋 串珠 盧俊義 原文 典藏 |
24:4 | 總是,王ê話贏過約押kah hiahê軍長。約押kah hiahê軍長to̍h tùi王ê面前出去,點算以色列ê人民。 | 註釋 串珠 盧俊義 原文 典藏 |
24:5 | In過約旦河,紮營tī亞羅珥,tī迦得山谷中ê城ê正pêng,kah雅謝相近, | 註釋 串珠 盧俊義 原文 典藏 |
24:6 | koh到基列kah Tha-thim-ho͘t-sī ê地,koh到Tan-iá-an,se̍h到西頓, | 註釋 串珠 盧俊義 原文 典藏 |
24:7 | koh到推羅堅固ê城,kah希未人以及迦南人所有ê城,koh出去到偤大南方ê別是巴。 | 註釋 串珠 盧俊義 字典 原文 典藏 |
24:8 | In遍行全地,經過九月日koh二十工,to̍h倒tńg到耶路撒冷。 | 註釋 串珠 盧俊義 原文 典藏 |
24:9 | 約押用算人民ê數額呈報hō͘王知。Gia̍h刀ê勇士,以色列人有八十萬,偤大人有五十萬。 | 註釋 串珠 盧俊義 字典 原文 典藏 |
24:10 | 大衛點算人民ê數額了後,心就kakī 責備。大衛kā上主講:「我行chitê tāichì大大有犯罪。上主ah,求祢除去祢ê奴僕ê過失,因為我所行ê是真戇。」 | 註釋 串珠 盧俊義 原文 典藏 |
24:11 | 大衛天光早起起來ê時,上主ê話臨到先知迦得,to̍h是大衛ê先見,講: | 註釋 串珠 盧俊義 原文 典藏 |
24:12 | 「你去kā大衛講,上主ánne講:『Taⁿ我用三項hō͘你,你揀一項,我thang對你來行。』」 | 註釋 串珠 盧俊義 原文 典藏 |
24:13 | 迦得to̍h來通知大衛,對伊講:「你kám ài你ê地飢荒七年?Á是ài你ê對敵jiok你,你tī伊ê面前逃走三月日?Á是ài瘟疫tī你ê地三日久?Taⁿ你tio̍h 斟酌想看一下,我thang用啥物話回覆差我來ê。」 | 註釋 串珠 盧俊義 原文 典藏 |
24:14 | 大衛kā迦得講:「我真為難,咱寧可陷落tī上主ê手,因為祂有豐盛ê憐憫,我m̄願陷落tī人ê手。」 | 註釋 串珠 盧俊義 原文 典藏 |
24:15 | 上主就降瘟疫hō͘以色列,tùi透早到所定tio̍h ê時,tùi但到別是巴,人民中間死七萬人。 | 註釋 串珠 盧俊義 原文 典藏 |
24:16 | 當天使伸手tī耶路撒冷,beh kā它滅掉ê時,上主就後悔降落chitê災禍,to̍h kā滅人民ê天使講:「夠額à,kiu你ê手。」Hit時,上主ê使者tī耶布斯人亞勞拿ê稻埕。 | 註釋 串珠 盧俊義 字典 原文 典藏 |
24:17 | 大衛看tio̍h phah人民ê天使,to̍h kā上主講:「祢看,犯罪ê是我,悖逆ê mā是我;總是,chiahê kui群ê羊有做啥物?願祢ê手攻擊我,kah阮父ê家。」 | 註釋 串珠 盧俊義 字典 原文 典藏 |
24:18 | Hit日,迦得來見大衛,kā伊講:「你上去,tī耶布斯人亞勞拿ê稻埕,kā上主起一座壇。」 | 註釋 串珠 盧俊義 字典 原文 典藏 |
24:19 | 大衛照迦得ê話上去,照上主ê命令。 | 註釋 串珠 盧俊義 原文 典藏 |
24:20 | 亞勞拿teh看,看tio̍h王kah伊ê人臣tùi對面來,亞勞拿to̍h出去,仆tī土腳kā王拜。 | 註釋 串珠 盧俊義 原文 典藏 |
24:21 | 亞勞拿講:「我ê主—我ê王來奴僕chia chhòng啥?」大衛講:「我來beh買你chitê稻埕,kā上主起一座壇,hō͘人民中間ê瘟疫soah去。」 | 註釋 串珠 盧俊義 字典 原文 典藏 |
24:22 | 亞勞拿kā大衛講:「我ê主—我ê王,照你所看做好ê the̍h來獻。你看,chia有牛thang做燒祭,有phah五穀ê器具kah套牛ê枷車thang做柴。 | 註釋 串珠 盧俊義 字典 原文 典藏 |
24:23 | 我ê王,亞勞拿kā這一切送hō͘王。」亞勞拿koh kā王講:「願上主—你ê上帝接納你。」 | 註釋 串珠 盧俊義 原文 典藏 |
24:24 | 王kā亞勞拿講:「M̄-thang lah,我ē照價錢kā你買;我無ài用白白得tio̍h ê物做燒祭,獻hō͘上主—我ê上帝。」大衛to̍h用五十舍客勒ê銀,買hitê稻埕kah牛。 | 註釋 串珠 盧俊義 字典 原文 典藏 |
24:25 | 大衛tī hia kā上主起一座壇,獻燒祭kah謝恩祭。Án-ne上主聽in為地方所求ê,瘟疫tī以色列中to̍h soah去。 | 註釋 串珠 盧俊義 字典 原文 典藏 |