章節 | 全民台語聖經漢羅經文 | 註釋 |
7:1 | 拿單傳上主ê話Hō͘大衛(代上17:1-15)當王tiàm tī厝內,上主mā已經hō͘伊脫離四箍圍ê對敵,得tio̍h安靜ê時, | 註釋 串珠 盧俊義 原文 典藏 |
7:2 | 王kā拿單先知講:「你看,我tiàm tī柏香柴ê厝內,總是,上主ê櫃tiàm tī帳簾內。」 | 註釋 串珠 盧俊義 字典 原文 典藏 |
7:3 | 拿單對王講:「見若你ê心所想ê lóng thang去做,因為上主kah你同在。」 | 註釋 串珠 盧俊義 原文 典藏 |
7:4 | Hit暝,上主ê話臨到拿單講: | 註釋 串珠 盧俊義 原文 典藏 |
7:5 | 「你去kā我ê奴僕—大衛講,上主ánne講:『你kám ē起厝hō͘我tòa? | 註釋 串珠 盧俊義 字典 原文 典藏 |
7:6 | Tùi我chhōa以色列人出埃及ê日到今á日,我m̄ bat tiàm tī厝裡,tiāⁿ-tiāⁿ tī布棚kah會幕行。 | 註釋 串珠 盧俊義 字典 原文 典藏 |
7:7 | 見若我kah以色列人所行到ê所在,kám bat對以色列一支族ê士師,to̍h是我命令照顧我ê子民—以色列人ê,講:Lín ná ē無kā我起柏香柴ê厝?』 | 註釋 串珠 盧俊義 字典 原文 典藏 |
7:8 | 「Taⁿ你tio̍h kā我ê奴僕—大衛講,萬軍ê上主ánne講:『我tùi羊椆中,你teh飼ê羊群中,揀你來做我ê子民—以色列人ê君王。 | 註釋 串珠 盧俊義 字典 原文 典藏 |
7:9 | 你無論去tó位,我tiāⁿ-tiāⁿ kah你同在,tī你ê面前剪除你所有ê對敵。我一定hō͘你得tio̍h大名,親像世上hiahê偉人ê大名。 | 註釋 串珠 盧俊義 原文 典藏 |
7:10 | 我beh為tio̍h我ê子民—以色列人定tio̍h一个所在,kā in栽培,hō͘ in tòa tī kakī ê所在,無koh遷徙,兇惡ê匪類無koh親像早前kā in攪擾, | 註釋 串珠 盧俊義 原文 典藏 |
7:11 | mā無親像tùi我命令士師管理我ê子民—以色列人ê日,我ē hō͘你脫離所有ê對敵,得tio̍h安靜,而且上主kā你講,上主ē kā你建立你ê家。 | 註釋 串珠 盧俊義 原文 典藏 |
7:12 | 到你ê日子已經滿,你kah你ê祖先做伙睏ê時,我ē設立你所出ê kiáⁿ孫來續接你,我mā ē堅固in ê國。 | 註釋 串珠 盧俊義 原文 典藏 |
7:13 | 伊ē為我ê名起殿,我ē堅固伊ê國位,一直到永遠。 | 註釋 串珠 盧俊義 字典 原文 典藏 |
7:14 | 我beh做伊ê父,伊ē做我ê kiáⁿ;伊若犯罪,我ē用人ê 柺kah世間人ê鞭,kā伊責督。 | 註釋 串珠 盧俊義 字典 原文 典藏 |
7:15 | 總是,我ê慈愛無beh離開伊,親像我hō͘它離開掃羅,to̍h是我所棄sak tī你ê面前ê。 | 註釋 串珠 盧俊義 原文 典藏 |
7:16 | 你ê家kah你ê國ē永遠建立tī你ê面前,你ê國位mā ē堅固到永遠。』」 | 註釋 串珠 盧俊義 字典 原文 典藏 |
7:17 | 拿單就照chiahê話,照這一切ê啟示,ánne kā大衛講。 | 註釋 串珠 盧俊義 原文 典藏 |
7:18 | 大衛感恩ê祈禱(代上17:16-27)大衛王to̍h入去,坐tī上主ê面前,講:「至koân上主ah,我是啥人,我ê家算做啥物,祢竟然chhōa我到chitê地位? | 註釋 串珠 盧俊義 原文 典藏 |
7:19 | 至koân上主ah,這祢iáu看做是小khóa,祢koh講起祢ê奴僕ê家ē到tī久長。至koân上主ah,這是人間ê例。 | 註釋 串珠 盧俊義 原文 典藏 |
7:20 | 大衛iáu有啥物thang對祢講?至koân上主ah,祢知祢ê奴僕。 | 註釋 串珠 盧俊義 原文 典藏 |
7:21 | 為tio̍h祢ê話,koh照祢ê心,祢行這一切ê大事,hō͘祢ê奴僕知。 | 註釋 串珠 盧俊義 原文 典藏 |
7:22 | 上主—上帝ah,祢是至大,照阮ê耳孔所聽tio̍h ê,無一个ē tàng比得祢,祢以外無有上帝。 | 註釋 串珠 盧俊義 原文 典藏 |
7:23 | 地chiūⁿ有啥物國親像祢ê子民—以色列人?to̍h是上帝去kā in救贖,歸tī kakī 做子民,hō͘伊有名聲,koh tī祢ê子民ê面前,to̍h是祢tùi埃及kah列邦,以及in hiahê神明所救贖出來ê,為tio̍h lín行大事,為tio̍h你ê地做thang驚ê tāichì? | 註釋 串珠 盧俊義 原文 典藏 |
7:24 | 祢bat為kakī 建立祢ê子民—以色列永遠做祢ê子民;上主ah,祢mā做in ê上帝。 | 註釋 串珠 盧俊義 原文 典藏 |
7:25 | 「上主—上帝ah,taⁿ祢所講起祢ê奴僕kah祢ê奴僕ê家,願祢永遠kā伊堅固,照祢所講ê來行。 | 註釋 串珠 盧俊義 原文 典藏 |
7:26 | 願人永遠尊祢ê名做大,講:『萬軍ê上主是管理以色列ê上帝。』而且祢ê奴僕—大衛ê家ē tī祢ê面前堅固。 | 註釋 串珠 盧俊義 原文 典藏 |
7:27 | 萬軍ê上主,以色列ê上帝ah,因為祢啟示祢ê奴僕,講:『我ē kā你建立家。』所以,祢ê奴僕好膽用chitê祈禱來對祢祈禱。 | 註釋 串珠 盧俊義 原文 典藏 |
7:28 | 「Taⁿ至koân上主ah,只有祢是上帝,祢ê話是真實;祢mā用chitê福氣應允祢ê奴僕。 | 註釋 串珠 盧俊義 原文 典藏 |
7:29 | Taⁿ求祢賜福祢ê奴僕ê家,hō͘它永遠tī祢ê面前。至koân上主ah,因為祢有講起,願祢ê奴僕ê家tùi祢ê賜福來得tio̍h福氣,直到永遠!」 | 註釋 串珠 盧俊義 原文 典藏 |