章節 | 全民台語聖經漢羅經文 | 註釋 |
7:1 | 基列耶琳人來,帶上主ê約櫃上去,到tī山頂亞比拿達ê厝,kā伊ê kiáⁿ以利亞撒分別做聖,來顧守上主ê約櫃。 | 註釋 串珠 盧俊義 字典 原文 典藏 |
7:2 | 約櫃tī基列耶琳ê日子真久,經過二十年,以色列全家追念上主。 | 註釋 串珠 盧俊義 字典 原文 典藏 |
7:3 | 撒母耳統治以色列撒母耳kā以色列全家講:「Lín若一心歸順上主,to̍h tio̍h tùi lín中間除去外邦ê神明kah亞斯她錄,堅心歸向上主,kantaⁿ服事祂,祂ē救lín脫離腓利士人ê手。」 | 註釋 串珠 盧俊義 原文 典藏 |
7:4 | 以色列人to̍h除去chiahê巴力kah亞斯她錄,kantaⁿ服事上主。 | 註釋 串珠 盧俊義 原文 典藏 |
7:5 | 撒母耳講:「Τio̍h tī米斯巴聚集以色列人民,我ē替lín對上主祈禱。」 | 註釋 串珠 盧俊義 原文 典藏 |
7:6 | Into̍h聚集tī米斯巴,chhiūⁿ水來piàⁿ tī上主ê面前,tī hit日禁食,tī hia講:「阮有得罪上主。」撒母耳to̍h tī米斯巴做士師,來拯救以色列人。 | 註釋 串珠 盧俊義 原文 典藏 |
7:7 | 腓利士人聽tio̍h以色列人聚集tī米斯巴,腓利士ê首領to̍h起來beh攻擊以色列人,以色列人聽tio̍h就驚腓利士人。 | 註釋 串珠 盧俊義 原文 典藏 |
7:8 | 以色列人kā撒母耳講:「願你替阮求叫上主—咱ê上帝無soah,求祂救咱脫離腓利士人ê手。」 | 註釋 串珠 盧俊義 原文 典藏 |
7:9 | 撒母耳to̍h用一隻食奶ê羊á,燒kui隻來獻hō͘上主做燒祭,撒母耳替以色列人求叫上主,上主有應伊。 | 註釋 串珠 盧俊義 字典 原文 典藏 |
7:10 | 撒母耳teh獻燒祭ê時,腓利士人進前來,beh kah以色列人交戰。Τī hit日,上主起大聲ê雷來攻擊腓利士人,kā in phah亂,in to̍hti7以色列人ê面前thâi輸。 | 註釋 串珠 盧俊義 原文 典藏 |
7:11 | 以色列人tùi米斯巴出來,jiok腓利士人,kā in phah,一直到Pek-kah ê下面。 | 註釋 串珠 盧俊義 原文 典藏 |
7:12 | 撒母耳用一塊石頭khiā tī米斯巴kah E-sia-nah ê中間,kā伊ê名叫做E-bian-ne-chel,講:「到chit時,上主幫贊咱。」 | 註釋 串珠 盧俊義 原文 典藏 |
7:13 | Tùi chit時起,腓利士人to̍h屈服,m̄敢koh入來以色列人ê境內。撒母耳一生ê日子中間,上主ê手攻擊腓利士人。 | 註釋 串珠 盧俊義 原文 典藏 |
7:14 | 腓利士人所有征服以色列人ê城,tùi以革倫到迦特,lóng還以色列人。In hiahê境界,以色列人mā tùi腓利士人ê手收倒tńg來。Hit時,以色列人kah亞摩利人和好。 | 註釋 串珠 盧俊義 原文 典藏 |
7:15 | 撒母耳一生做以色列ê士師。 | 註釋 串珠 盧俊義 原文 典藏 |
7:16 | 伊ta̍k年巡視伯特利、吉甲、米斯巴chiahê所在,處理以色列人中間ê問題。 | 註釋 串珠 盧俊義 原文 典藏 |
7:17 | 然後,伊倒tńg去到拉瑪,因為伊ê家tī hia,mā tī hia處理以色列人中間ê問題,mā tī hia kā上主起一座壇。 | 註釋 串珠 盧俊義 字典 原文 典藏 |