章節 | 全民台語聖經漢羅經文 | 註釋 |
3:1 | 上主對撒母耳顯現Gín-á撒母耳tī以利ê面前服事上主。當hiahê日,上主ê話真稀罕,無tiāⁿ-tiāⁿ 有啟示。 | 註釋 串珠 盧俊義 原文 典藏 |
3:2 | 有一日,以利睏tī kakī ê所在,伊ê目chiu 已經霧,看bē明。 | 註釋 串珠 盧俊義 原文 典藏 |
3:3 | 上主ê燈iáu未hoa,撒母耳已經tī上主ê殿,tī上主ê約櫃hia teh睏。 | 註釋 串珠 盧俊義 字典 原文 典藏 |
3:4 | 上主叫撒母耳,伊應講:「我tī chia。」 | 註釋 串珠 盧俊義 原文 典藏 |
3:5 | to̍h行去到以利hia,講:「我tī chia,因為你叫我。」以利講:「我無叫你,你tńg去睏。」伊to̍hkoh去睏。 | 註釋 串珠 盧俊義 原文 典藏 |
3:6 | 上主koh叫撒母耳,撒母耳起來,去以利hia,講:「我tī chia,因為你叫我。」以利應講:「我ê kiáⁿ,我無叫你,你thang koh去睏。」 | 註釋 串珠 盧俊義 原文 典藏 |
3:7 | Hit時,撒母耳iáu m̄ bat上主,上主ê話bē kā伊啟示。 | 註釋 串珠 盧俊義 原文 典藏 |
3:8 | 上主第三pái叫撒母耳。撒母耳起來,去以利hia,講:「我tī chia,因為你叫我。」以利chiah知,是上主teh叫gín-á。 | 註釋 串珠 盧俊義 原文 典藏 |
3:9 | 就ánne,以利kā撒母耳講:「你koh去睏,祂若koh叫你,你to̍h講:『上主ah,請祢講,祢ê奴僕teh聽。」撒母耳to̍h去睏tī伊ê所在。 | 註釋 串珠 盧俊義 原文 典藏 |
3:10 | 上主koh來khiā ·leh,親像前幾pái teh叫:「撒母耳!撒母耳!」撒母耳應講:「請講,祢ê奴僕teh聽。」 | 註釋 串珠 盧俊義 原文 典藏 |
3:11 | 上主kā撒母耳講:「你看,我tī以色列中beh行一項事,hō͘聽tio̍h ê人,兩 个耳孔會振動起來。 | 註釋 串珠 盧俊義 原文 典藏 |
3:12 | 我關係以利ê家所講ê,到hit日,頭到尾我ētī伊ê身上應驗。 | 註釋 串珠 盧俊義 原文 典藏 |
3:13 | 我bat kā伊講,我ē為tio̍h伊所知ê罪,永遠審判伊ê家,因為伊ê kiáⁿ kakī 招來咒詛,伊mā無kā in禁止。 | 註釋 串珠 盧俊義 原文 典藏 |
3:14 | 所以,我有對以利ê家chiùchōa講:『以利ê家ê罪過,雖然獻祭祀禮物,永遠bē tàng贖罪。』」 | 註釋 串珠 盧俊義 原文 典藏 |
3:15 | 撒母耳睏到天光,to̍h開上主ê殿門。撒母耳m̄敢kā異象對以利講。 | 註釋 串珠 盧俊義 原文 典藏 |
3:16 | 以利叫撒母耳來,講:「我ê kiáⁿ撒母耳!」撒母耳應講:「我tī chia。」 | 註釋 串珠 盧俊義 原文 典藏 |
3:17 | 以利講:「上主對你講啥物?求你m̄ thang對我隱瞞;你若kā祂所kā你講ê對我隱密一句,願上主加倍kā你責罰。」 | 註釋 串珠 盧俊義 原文 典藏 |
3:18 | 撒母耳to̍h kā hiahê話lóng kā伊講,lóng無對伊隱瞞。以利講:「是上主,願祂照祂所看做好ê來行。」 | 註釋 串珠 盧俊義 原文 典藏 |
3:19 | 撒母耳漸漸大漢,上主kah伊同在,hō͘伊所講ê,無一句無應驗。 | 註釋 串珠 盧俊義 原文 典藏 |
3:20 | Tùi但到別是巴,所有ê以色列人lóng知撒母耳hông設立做上主ê先知。 | 註釋 串珠 盧俊義 原文 典藏 |
3:21 | 上主koh tī示羅顯現,因為上主用上主ê話tī示羅對撒母耳顯明。 | 註釋 串珠 盧俊義 原文 典藏 |