章節 | 全民台語聖經漢羅經文 | 註釋 |
4:1 | 底波拉kah巴拉以笏死了,以色列人koh行上主所看做pháiⁿ ê tāichì。 | 註釋 串珠 康來昌 原文 典藏 |
4:2 | 上主kā in賣hō͘迦南王耶賓,to̍h是tī夏瑣做王ê,伊ê軍長是西西拉,伊tòa tī外邦人ê Hā-lô-siat。 | 註釋 串珠 康來昌 原文 典藏 |
4:3 | 耶賓王有鐵車九百台,伊大大欺壓以色列人二十年,以色列人to̍h求叫上主。 | 註釋 串珠 康來昌 字典 原文 典藏 |
4:4 | Hit時,有一个女先知名叫做底波拉,是La̍h-pí-to ê bó͘,她做以色列ê士師。 | 註釋 串珠 康來昌 原文 典藏 |
4:5 | 她tòa tī以法連山地,拉瑪kah伯特利ê中間,tī底波拉ê棗樹腳。以色列人lóng去她hia,受她判斷。 | 註釋 串珠 康來昌 字典 原文 典藏 |
4:6 | 她差人叫A-pí-lô-am ê kiáⁿ巴拉tùi拿弗他利 ê基低斯來,對伊講:「上主—以色列ê上帝kám m̄是命令講:你tio̍h去他泊山,chhōa拿弗他利kah西布倫人一萬kah你去? | 註釋 串珠 康來昌 原文 典藏 |
4:7 | 我beh hō͘耶賓ê軍長西西拉kah伊ê車,伊ê軍隊,到基順河你hia,我beh kā伊交tī你ê手中。」 | 註釋 串珠 康來昌 字典 原文 典藏 |
4:8 | 巴拉kā她講:「你若kah我去,我to̍h beh去;你若m̄ kah我去,我to̍hm̄去。」 | 註釋 串珠 康來昌 原文 典藏 |
4:9 | 底波拉講:「我一定beh kah你去,總是,你tī所行ê路bē tàng榮顯,因為上主ē賣西西拉tī chabó͘人ê手。」底波拉to̍h起來,kah巴拉做伙去基低斯。 | 註釋 串珠 康來昌 字典 原文 典藏 |
4:10 | 巴拉to̍h招集西布倫人kah拿弗他利人到基低斯,tòe伊去ê有一萬人。底波拉mā kah伊去。 | 註釋 串珠 康來昌 原文 典藏 |
4:11 | 基尼人希伯bat離開基尼人,to̍h是摩西ê外戚Hô-pa ê kiáⁿ孫,就搭布棚tī Sat-ná-im ê橡樹邊,to̍h是óa近基低斯ê。 | 註釋 串珠 康來昌 字典 原文 典藏 |
4:12 | 有人kā西西拉講:「A-pí-lô-am ê kiáⁿ巴拉已經去他泊山。」 | 註釋 串珠 康來昌 原文 典藏 |
4:13 | 西西拉to̍h聚集伊所有ê車,to̍h是鐵車九百台,kah tòe伊ê軍隊,tùi外邦ê Hā-lô-siat,到基順河。 | 註釋 串珠 康來昌 字典 原文 典藏 |
4:14 | 底波拉對巴拉講:「起來,今á日to̍h是上主kā西西拉交tī你ê手ê日,上主kám無tī你ê頭前行?」就ánne,巴拉 tùi他泊山落來,tòe伊ê有一萬人。 | 註釋 串珠 康來昌 原文 典藏 |
4:15 | 上主tī巴拉ê面前,用刀phah亂西西拉kah伊所有ê車,伊ê軍隊,西西拉落車行路逃走。 | 註釋 串珠 康來昌 字典 原文 典藏 |
4:16 | 總是,巴拉jiok hiahê車kah軍隊,到外邦ê Hā-lô-siat,西西拉ê軍隊lóng倒tī刀下,無留kah半個人。 | 註釋 串珠 康來昌 字典 原文 典藏 |
4:17 | 只有西西拉行路逃走,到基尼人希伯ê bó͘雅億ê布棚,因為夏瑣王耶賓kah基尼人希伯ê家和好。 | 註釋 串珠 康來昌 原文 典藏 |
4:18 | 雅億出來迎接西西拉,kā伊講:「我ê主,oat入來,請你oat入來我chia,m̄免驚。」西西拉to̍h oat入去她ê布棚。雅億to̍h用毯á kā伊kah teh。 | 註釋 串珠 康來昌 字典 原文 典藏 |
4:19 | 西西拉kā她講:「我嘴乾,請你用淡薄水hō͘我lim。」她to̍h開貯奶ê皮袋hō͘伊lim,猶原kā伊kah teh。 | 註釋 串珠 康來昌 字典 原文 典藏 |
4:20 | 西西拉koh kā她講:「你khiā tī布棚門,若有人來問你講,有人tī你chia無?你to̍h kā伊講,無。」 | 註釋 串珠 康來昌 字典 原文 典藏 |
4:21 | 西西拉厭倦睏落眠,希伯ê bó͘雅億the̍h布棚ê釘,手gia̍h槌á,liam-liam-á行到伊hia,用釘tùi伊ê鬢邊釘入去,透過土腳,伊to̍h死。 | 註釋 串珠 康來昌 字典 原文 典藏 |
4:22 | Hit時,巴拉jiok西西拉,雅億出來kā伊迎接,kā伊講:「來,我kā你所teh chhōe ê人hō͘你看。」伊to̍h入去,你看,西西拉已經死,倒teh,釘iáu koh tī伊ê鬢邊。 | 註釋 串珠 康來昌 字典 原文 典藏 |
4:23 | Án-ne,hit一日,上主hō͘迦南王耶賓屈服tī以色列人ê面前。 | 註釋 串珠 康來昌 原文 典藏 |
4:24 | 就ánne,以色列人koh khah有勢力,khah贏迦南王耶賓,一直到kā迦南王耶賓全部滅掉。 | 註釋 串珠 康來昌 原文 典藏 |