章節 | 全民台語聖經漢羅經文 | 註釋 |
12:1 | 米利暗Hông處罰米利暗kah亞倫嫌摩西,為tio̍h伊所娶古實ê chabó͘ kiáⁿ,因為摩西bat娶古實人ê chabó͘ kiáⁿ做bó͘。 | 註釋 串珠 康來昌 原文 典藏 |
12:2 | In講:「上主kám kantaⁿ kah摩西講話?Kám mā無kah阮講話?」Chitê話上主有聽tio̍h。 | 註釋 串珠 康來昌 原文 典藏 |
12:3 | Hitê摩西做人非常溫柔,贏過世上ê眾人。 | 註釋 串珠 康來昌 原文 典藏 |
12:4 | 上主忽然對摩西、亞倫kah米利暗講:「Lín三人出來會幕chia。」In三人to̍h出來。 | 註釋 串珠 康來昌 字典 原文 典藏 |
12:5 | 上主tī雲柱中降臨,khiā tī布棚門口,召亞倫kah米利暗,in兩人to̍h出來。 | 註釋 串珠 康來昌 字典 原文 典藏 |
12:6 | 上主講:「Τio̍h聽我ê話,lín中間若有先知,我—上主ē用異象hō͘ in bat我,tī眠夢中kah in講話。 | 註釋 串珠 康來昌 原文 典藏 |
12:7 | 「我ê奴僕摩西m̄是ánne;伊盡忠tī我ê全家。 | 註釋 串珠 康來昌 原文 典藏 |
12:8 | 「我beh面對面kah伊講話,to̍h是明明講,無用猜語,伊koh ē看tio̍h上主ê形像。Lín嫌我ê奴僕摩西,án怎無teh驚?」 | 註釋 串珠 康來昌 原文 典藏 |
12:9 | 上主對in受氣,to̍h離開。 | 註釋 串珠 康來昌 原文 典藏 |
12:10 | 雲tùi布棚頂徙開,你看,米利暗癩ko親像雪。亞倫看米利暗,你看,伊是癩ko。 | 註釋 串珠 康來昌 字典 原文 典藏 |
12:11 | 亞倫對摩西講:「我ê主,求你m̄ thang因為阮ê愚戇犯罪,koh kā chitê罪歸tī阮。 | 註釋 串珠 康來昌 原文 典藏 |
12:12 | 求你m̄ thang hō͘伊親像tú tùi老母ê腹肚出來,肉to̍h已經瀾一半ê胎。」 | 註釋 串珠 康來昌 原文 典藏 |
12:13 | 摩西就哀求上主講:「上帝ah,求祢kā伊醫好!」 | 註釋 串珠 康來昌 原文 典藏 |
12:14 | 上主對摩西講:「設使伊ê老父tī伊ê面phùi瀾,伊kám無見笑七工?Taⁿ tio̍h kā伊關tī營外七工,然後chiah thang chhōa伊入來。」 | 註釋 串珠 康來昌 原文 典藏 |
12:15 | 就ánne,關米利暗tī營外七工;人民無出發,thèng候米利暗koh入來。 | 註釋 串珠 康來昌 原文 典藏 |
12:16 | 後來,人民tùi哈洗錄出發,tī巴蘭ê曠野紮營。 | 註釋 串珠 康來昌 原文 典藏 |