章節 | 全民台語聖經漢羅經文 | 註釋 |
16:1 | 夏甲kah以實瑪利亞伯蘭ê bó͘撒萊無kā伊生kiáⁿ。撒萊有一个女婢,名叫做夏甲,是埃及人。 | 註釋 串珠 蔡茂堂 康來昌 原文 典藏 |
16:2 | 撒萊kā亞伯蘭講:「上主禁我生kiáⁿ,請你kah我ê女婢同房,kiámchhái我thang tùi她得tio̍h gín-á。」亞伯蘭遵thàn撒萊ê話。 | 註釋 串珠 蔡茂堂 康來昌 原文 典藏 |
16:3 | Tùi hit時起,亞伯蘭ê bó͘撒萊kā她ê女婢埃及人夏甲hō͘ in翁亞伯蘭做bó͘;hit時,亞伯蘭已經tòa迦南十年。 | 註釋 串珠 蔡茂堂 康來昌 原文 典藏 |
16:4 | 亞伯蘭kah夏甲同房,夏甲就懷孕;她知kakī 有娠,to̍h看輕主母。 | 註釋 串珠 蔡茂堂 康來昌 原文 典藏 |
16:5 | 撒萊kā亞伯蘭講:「我ê冤枉歸tī你。我kā我ê女婢hē tī你ê心懷中,她看kakī 有娠,to̍h看輕我。願上主tī你我ê中間判斷。」 | 註釋 串珠 蔡茂堂 康來昌 原文 典藏 |
16:6 | 亞伯蘭對撒萊講:「你ê女婢tī你ê手,你thang隨意款待她。」撒萊kā她苦毒,她to̍h tùi撒萊ê面前逃走。 | 註釋 串珠 蔡茂堂 康來昌 原文 典藏 |
16:7 | 上主ê使者tī曠野ê水泉邊tú tio̍h夏甲;hitê水泉tī書珥ê路上。 | 註釋 串珠 蔡茂堂 康來昌 字典 原文 典藏 |
16:8 | 上主ê使者對她講:「撒萊ê女婢夏甲,你tùi tó位來?Beh去 tó位?」她講:「我tùi我ê主母撒萊ê面前走出來。」 | 註釋 串珠 蔡茂堂 康來昌 原文 典藏 |
16:9 | 上主ê使者對她講:「你tńg去你ê主母hia,屈服tī她ê手下。」 | 註釋 串珠 蔡茂堂 康來昌 原文 典藏 |
16:10 | 上主ê使者koh對她講:「我ē hō͘你ê kiáⁿ孫非常chē,甚至算bē了。」 | 註釋 串珠 蔡茂堂 康來昌 原文 典藏 |
16:11 | 上主ê使者koh對她講:「你taⁿ懷孕,beh生一个kiáⁿ,tio̍h kā伊號名以實瑪利,因為上主有聽tio̍h你ê苦情。 | 註釋 串珠 蔡茂堂 康來昌 原文 典藏 |
16:12 | 伊做人ē親像野驢,伊ê手會攻擊群眾,群眾ê手會攻擊伊;伊ēkhiā tī眾兄弟ê頭前。」 | 註釋 串珠 蔡茂堂 康來昌 字典 原文 典藏 |
16:13 | 夏甲to̍h kā hit位對她講話ê上主稱做「看ētio̍h ta̍k項事ê上帝」,因為她講:「我竟然tī chia mā看tio̍h hit位看顧我ê上帝?」 | 註釋 串珠 蔡茂堂 康來昌 原文 典藏 |
16:14 | 所以,chit口井ê名叫做Be-el-la-hai-loi,to̍h是tī加低斯kah Bel-lia̍t ê中間。 | 註釋 串珠 蔡茂堂 康來昌 字典 原文 典藏 |
16:15 | 後來,夏甲kā亞伯蘭生一个kiáⁿ;亞伯蘭kā伊ê kiáⁿ號名叫做以實瑪利,to̍h是夏甲所生ê。 | 註釋 串珠 蔡茂堂 康來昌 原文 典藏 |
16:16 | 夏甲kā亞伯蘭生以實瑪利ê時,亞伯蘭八十六歲。 | 註釋 串珠 蔡茂堂 康來昌 原文 典藏 |