章節 | 全民台語聖經漢羅經文 | 註釋 |
8:1 | 羊羔開第七个封印ê時,天頂恬恬約半點鐘。 | 註釋 串珠 盧俊義 盧俊義 字典 原文 典藏 |
8:2 | Pûn頭四支鼓吹預告ê災禍然後我看tio̍h hit七个天使khiā tī上帝ê面前,in有領受七支鼓吹。 | 註釋 串珠 盧俊義 盧俊義 字典 原文 典藏 |
8:3 | 另外一个天使phâng金香爐,來khiā tòa祭壇邊;伊有領受真chē香,to̍h kā眾信徒ê祈禱做伙獻tī寶座前ê金祭壇頂。 | 註釋 串珠 盧俊義 盧俊義 字典 原文 典藏 |
8:4 | 香煙kah眾信徒ê祈禱tùi天使ê手chhèng到上帝ê面前。 | 註釋 串珠 盧俊義 盧俊義 字典 原文 典藏 |
8:5 | 然後天使phâng hitê香爐,kā祭壇頂ê火貯到滿,chiah hiat落去地chiūⁿ。隨時to̍h有tân雷ê聲、sihnà kah地動。 | 註釋 串珠 盧俊義 盧俊義 字典 原文 典藏 |
8:6 | Gia̍h七支鼓吹hit七个天使,準備好勢beh pûn。 | 註釋 串珠 盧俊義 盧俊義 字典 原文 典藏 |
8:7 | 頭一个天使一下pûn,隨時有雹kah火chham血piàⁿ落地chiūⁿ;三分之一ê地燒燒去,三分之一ê樹木mā燒燒去,所有ê青草mā lóng燒燒去。 | 註釋 串珠 盧俊義 盧俊義 字典 原文 典藏 |
8:8 | 第二个天使一下pûn,隨時有親像火teh燒ê大山hiat落海;三分之一ê海變做血, | 註釋 串珠 盧俊義 盧俊義 字典 原文 典藏 |
8:9 | 海裡所有ê活物有三分之一死去,船隻mā有三分之一破去。 | 註釋 串珠 盧俊義 盧俊義 字典 原文 典藏 |
8:10 | 第三个天使一下pûn,隨時有大粒星tùi天頂lak落來,親像teh-to̍h ê火把,lak tī三分之一ê江河kah水源。 | 註釋 串珠 盧俊義 盧俊義 字典 原文 典藏 |
8:11 | Chit粒星ê名叫做「苦艾」,它hō͘三分之一ê水變苦;真chē人為tio̍h chiahê水死去,因為水變苦。 | 註釋 串珠 盧俊義 盧俊義 字典 原文 典藏 |
8:12 | 第四个天使一下pûn,日ê三分之一,月ê三分之一,星ê三分之一lóng受tio̍h攻擊,致使日、月,星ê三分之一變做暗。日時三分之一無光,暗時mā三分之一無光。 | 註釋 串珠 盧俊義 盧俊義 字典 原文 典藏 |
8:13 | 然後我koh看,有聽tio̍h一隻tī空中teh飛ê鷹鳥大聲講:「有災禍à,有災禍à,tòa tī地chiūⁿê人有災禍à,因為其他三个天使teh beh koh pûn鼓吹!」 | 註釋 串珠 盧俊義 盧俊義 字典 原文 典藏 |