章節 | 全民台語聖經漢羅經文 | 註釋 |
7:1 | Hit十四萬四千個以色列人受封印然後我看tio̍h四個天使khiā tī地ê四角頭,kā地四面ê風擋teh,hō͘風bē 吹來地、海kah一切ê樹木。 | 註釋 串珠 盧俊義 盧俊義 原文 典藏 |
7:2 | 我koh看tio̍h另外一个天使手the̍h永遠活ê上帝ê印,tùi日出ê所在起來,對領受權柄thang傷害地kah海ê hit四個天使大聲hoah, | 註釋 串珠 盧俊義 盧俊義 字典 原文 典藏 |
7:3 | 講:「阮iáu未tī咱ê上帝ê奴僕ê頭額蓋印做記號以前,lín m̄ thang傷害地、海kah樹木。」 | 註釋 串珠 盧俊義 盧俊義 字典 原文 典藏 |
7:4 | 我有聽tio̍h以色列ê kiáⁿ孫各支族ê中間,受蓋印ê人數總共有十四萬四千。 | 註釋 串珠 盧俊義 盧俊義 字典 原文 典藏 |
7:5 | 屬偤大支族受蓋印ê有一萬二千, 屬流便支族ê有一萬二千,屬迦得支族ê有一萬二千, | 註釋 串珠 盧俊義 盧俊義 字典 原文 典藏 |
7:6 | 屬亞設支族ê有一萬二千,屬拿弗他利支族ê有一萬二千,屬瑪拿西支族ê有一萬二千, | 註釋 串珠 盧俊義 盧俊義 原文 典藏 |
7:7 | 屬西緬支族ê有一萬二千,屬利未支族ê有一萬二千,屬以薩迦支族ê有一萬二千, | 註釋 串珠 盧俊義 盧俊義 原文 典藏 |
7:8 | 屬西布倫支族ê有一萬二千,屬約瑟支族ê有一萬二千,屬便雅憫支族ê有一萬二千。 | 註釋 串珠 盧俊義 盧俊義 字典 原文 典藏 |
7:9 | 一大陣人kah第七个封印然後我koh看tio̍h一大陣人,數目無人算ē了。In tùi ta̍k國、ta̍k族、ta̍k款人民、ta̍k種語言來,in lóng khiā tī寶座ê面前,身穿白衫,手gia̍h棕樹枝。 | 註釋 串珠 盧俊義 盧俊義 字典 原文 典藏 |
7:10 | In大聲hoah:願拯救歸hō͘坐tī寶座ê上帝,mā歸hō͘羊羔! | 註釋 串珠 盧俊義 盧俊義 字典 原文 典藏 |
7:11 | 眾天使khiā tī寶座kah長老以及四隻活物ê四箍圍,仆落去寶座前敬拜上帝, | 註釋 串珠 盧俊義 盧俊義 字典 原文 典藏 |
7:12 | 講:「阿們!願oló、榮光、智慧、感謝、尊貴、權能、氣力,lóng歸hō͘咱ê上帝,一直到萬世代無盡。阿們!」 | 註釋 串珠 盧俊義 盧俊義 原文 典藏 |
7:13 | 長老中間有一个問我講:「Chiahê穿白衫ê是啥人?In是tùi tó位來?」 | 註釋 串珠 盧俊義 盧俊義 字典 原文 典藏 |
7:14 | 我應講:「先生,你chiah知影。」伊kā我講:「Chiahê是經過hitê大災難出來ê。In用羊羔ê血kā in ê衫洗kah白白白。 | 註釋 串珠 盧俊義 盧俊義 字典 原文 典藏 |
7:15 | In就ánne tī上帝ê寶座前,暝日tī祂ê聖殿服事祂。坐tī寶座ê hit位ē kah in同在來保守in。 | 註釋 串珠 盧俊義 盧俊義 字典 原文 典藏 |
7:16 | In bē koh iau,mā bē koh嘴乾,日頭kah一切ê燒熱lóng bē kā in傷害。 | 註釋 串珠 盧俊義 盧俊義 原文 典藏 |
7:17 | 因為坐tī寶座ê羊羔beh做in ê牧者,chhōa in來到活命ê水泉。上帝ē tùi in ê目chiu ,拭掉in 所有ê目屎。」 | 註釋 串珠 盧俊義 盧俊義 字典 原文 典藏 |