章節 | 全民台語聖經漢羅經文 | 註釋 |
4:1 | 約翰看tio̍h上帝tī天頂ê寶座然後我koh看tio̍h天頂有一扇門phah開,hitê以前bat親像鼓吹ê響聲對我講話ê聲,koh對我講:「起來chia,我beh報你看一件將來一定ē發生ê tāichì。」 | 註釋 串珠 盧俊義 盧俊義 字典 原文 典藏 |
4:2 | 我隨時受聖神感動,忽然看tio̍h天頂有一个寶座,koh有一位坐tī寶座頂面。 | 註釋 串珠 盧俊義 盧俊義 字典 原文 典藏 |
4:3 | hit位ê面親像碧玉kah紅寶石teh發光。寶座四箍圍有虹,看起來ná親像綠寶石。 | 註釋 串珠 盧俊義 盧俊義 字典 原文 典藏 |
4:4 | 寶座ê四箍圍有二十四個座位,頂面坐二十四个長老,身穿白衫,頭戴金色ê冕旒。 | 註釋 串珠 盧俊義 盧俊義 字典 原文 典藏 |
4:5 | Tùi寶座發出sihnà kah tân雷ê聲。寶座前有七支燈火teh to̍h,to̍h是上帝ê七个靈。 | 註釋 串珠 盧俊義 盧俊義 字典 原文 典藏 |
4:6 | 寶座前有親像水晶hiah清ê玻璃海。寶座ê四箍圍有四隻活物,前後lóng有目chiu 。 | 註釋 串珠 盧俊義 盧俊義 字典 原文 典藏 |
4:7 | 頭一隻活物親像獅,第二隻活物親像牛á-kiáⁿ,第三隻活物ê面親像人,第四隻活物親像teh飛ê鷹。 | 註釋 串珠 盧俊義 盧俊義 字典 原文 典藏 |
4:8 | Hit四隻活物ta̍k个 lóng有六支翼,外面kah內面目chiu 滿滿是。In暝日lóng無歇睏teh唱:「聖哉!聖哉!聖哉!主全能上帝,過去存在,現在存在,將來mā永遠存在。」 | 註釋 串珠 盧俊義 盧俊義 字典 原文 典藏 |
4:9 | Ta̍k pái活物kā榮光、尊貴kah感謝歸hō͘坐tī寶座永遠活hit位ê時, | 註釋 串珠 盧俊義 盧俊義 字典 原文 典藏 |
4:10 | 二十四个長老to̍h仆落去坐tī寶座hit位ê面前,敬拜活到萬世代無盡ê hit位,koh kā in ê冕旒hiat tī寶座前,講: | 註釋 串珠 盧俊義 盧俊義 字典 原文 典藏 |
4:11 | 阮ê主—阮ê上帝,祢應該得tio̍h榮光、尊貴kah權能,因為祢bat創造萬物。萬物ê受創造kah存在lóng是祢ê旨意。 | 註釋 串珠 盧俊義 盧俊義 原文 典藏 |