章節 | 全民台語聖經漢羅經文 | 註釋 |
1:1 | 上帝通過祂ê Kiáⁿ對咱講話古早上帝託眾先知,用各種方法對咱ê祖先講話。 | 註釋 串珠 原文 典藏 |
1:2 | M̄ koh,tī chitê末世,祂通過祂ê Kiáⁿ對咱講話。上帝有設立祂來承接萬物,koh有通過祂來創造chitê世界。 | 註釋 串珠 原文 典藏 |
1:3 | 基督反映上帝ê榮耀,是上帝本質ê真像。祂用祂權能ê話teh維持萬物ê秩序。祂tī洗除人類ê罪了後,taⁿ坐tī至koân至尊上帝ê正pêng。 | 註釋 串珠 原文 典藏 |
1:4 | 聖Kiáⁿ比天使khah偉大上帝提升聖Kiáⁿ ê地位,hō͘祂比眾天使khah偉大,tú親像上帝所賞賜祂ê名比天使khah尊貴。 | 註釋 串珠 原文 典藏 |
1:5 | 上帝kám bat對tó一个天使講:「你是我ê kiáⁿ,我今á日做你ê老父?」(註:詩2:7) 祂mā m̄ bat kí任何一个天使講:「我beh做伊ê天父,伊beh做我ê kiáⁿ。」(註:撒下7:14;代上17:13) | 註釋 串珠 原文 典藏 |
1:6 | 到上帝teh beh差祂ê聖Kiáⁿ入世間ê時,講:「上帝所有ê天使lóng tio̍h敬拜祂。」(註:詩97:7 LXX) | 註釋 串珠 原文 典藏 |
1:7 | 關係天使,上帝講:「上帝用祂ê天使做風,用火焰做祂ê差用。」(註:詩104:4) | 註釋 串珠 原文 典藏 |
1:8 | 若是關係聖Kiáⁿ,祂卻講:「上帝ah,祢ê寶座永遠存在,祢國度ê權柄是正直。 | 註釋 串珠 字典 原文 典藏 |
1:9 | 祢ài公義,怨恨不法,所以,上帝—祢ê上帝,用歡喜ê油kā祢抹,贏過抹祢ê同伴。」(註:詩45:6-7) | 註釋 串珠 字典 原文 典藏 |
1:10 | Koh講:「主ah,祢tī起初有創造地,天mā是祢ê手所造ê。 | 註釋 串珠 原文 典藏 |
1:11 | 天kah地ē消滅,祢卻ē久長存在。天kah地lóngē親像衫褲漸漸舊去, | 註釋 串珠 字典 原文 典藏 |
1:12 | 祢ē kā天kah地親像teh捲外衫kā in捲起來,into̍h ē變換。總是,祢永遠bē變換,祢ê歲壽無窮無盡。」(註:詩102:25-27) | 註釋 串珠 字典 原文 典藏 |
1:13 | 上帝kám bat對tó一个天使講:「坐tī我ê正pêng,一直到我hō͘你ê對敵屈服tī你ê腳下?」(註:詩110:1) | 註釋 串珠 字典 原文 典藏 |
1:14 | 天使kám m̄是lóng teh做上帝差用ê聖神,受差派來服事teh beh領受拯救ê人? | 註釋 串珠 原文 典藏 |