章節 | 全民台語聖經漢羅經文 | 註釋 |
1:1 | 請安我是保羅,為tio̍h基督耶穌來成做囚犯。我kah咱ê兄弟提摩太寫phoe hō͘阮所疼ê同工腓利門、 | 註釋 串珠 盧俊義 原文 典藏 |
1:2 | Ap-hui-a姊妹kah阮ê戰友A-khip-pò͘,以及tī lín tau teh聚會ê教會。 | 註釋 串珠 盧俊義 原文 典藏 |
1:3 | 願咱ê天父上帝kah主耶穌基督賜lín恩典kah平安! | 註釋 串珠 盧俊義 原文 典藏 |
1:4 | 保羅為腓利門祈禱我每pái祈禱ê時lóng有數念你,koh tiāⁿ-tiāⁿ 感謝上帝, | 註釋 串珠 盧俊義 原文 典藏 |
1:5 | 因為我聽tio̍h你對上帝ê子民有疼心,對主耶穌有信心。 | 註釋 串珠 盧俊義 原文 典藏 |
1:6 | 我懇求上帝,通過阮kah lín分享共同ê信仰,hō͘咱ē tàng koh khah深深體ē kah基督結聯所得tio̍h一切ê祝福。 | 註釋 串珠 盧俊義 原文 典藏 |
1:7 | 兄弟,你ê疼心hō͘我有真大ê歡喜kah鼓勵,所有ê信徒mā tùi你得tio̍h激勵。 | 註釋 串珠 盧俊義 原文 典藏 |
1:8 | 為阿尼西謀祈求我雖然ē tàng靠基督,來好膽命令你做應該做ê tāichì, | 註釋 串珠 盧俊義 原文 典藏 |
1:9 | 獨獨因為相疼ê緣故,我寧可kā你請求。我已經年老,chitmá iáu koh為tio̍h基督耶穌teh受關監。 | 註釋 串珠 盧俊義 原文 典藏 |
1:10 | 我替阿尼西謀ǹg你請求,伊是我tī掛鐵鏈ê時所生ê。 | 註釋 串珠 盧俊義 字典 原文 典藏 |
1:11 | 伊以前對你lóng無路用,taⁿ對你kah我lóng有路用。 | 註釋 串珠 盧俊義 原文 典藏 |
1:12 | 我差派伊koh tńg去你hia。伊是我ê心腹。 | 註釋 串珠 盧俊義 原文 典藏 |
1:13 | 我本來想beh kā伊留tòa我chia,thang tī我為tio̍h福音teh掛鐵鏈ê時,替你來服事我。 | 註釋 串珠 盧俊義 字典 原文 典藏 |
1:14 | 總是,我ǹg望一切lóng是出tī你ê甘心樂意,lóng無勉強,所以,若無你ê同意,我一項mā無beh做。 | 註釋 串珠 盧俊義 原文 典藏 |
1:15 | Kiám-chhái因為ánne,阿尼西謀暫時離開你,是beh hō͘伊koh tńg去kah你永遠做伙tòa。 | 註釋 串珠 盧俊義 原文 典藏 |
1:16 | 伊無koh再做奴隸,伊ê身分超過奴隸,是咱所疼ê兄弟。對我來講,伊確實是ánne,對你來講koh khah是ánne。Chit-má伊m̄ nā是你厝內ê人,mā是主內ê兄弟。 | 註釋 串珠 盧俊義 原文 典藏 |
1:17 | 所以,你若想講我是你ê同伴,tio̍h親像接納我ánne kā伊接納。 | 註釋 串珠 盧俊義 原文 典藏 |
1:18 | 伊若有對不起你ê所在á是欠你啥物,你thang lóng算我ê賬。 | 註釋 串珠 盧俊義 原文 典藏 |
1:19 | 我保羅親手寫tī chia,我ē負責還;若是關係我救你ê靈魂,我無必要kā你講起你所欠我ê債。 | 註釋 串珠 盧俊義 原文 典藏 |
1:20 | 所以,兄弟,因為主ê緣故,我拜託你tàu腳手一下。咱平平是基督徒,求你解除我ê精神負擔。 | 註釋 串珠 盧俊義 原文 典藏 |
1:21 | 我深信你ē聽我ê話,to̍h寫phoe hō͘你。其實我知你ē做比我所講ê koh khah chē。 | 註釋 串珠 盧俊義 原文 典藏 |
1:22 | 請你mā tio̍h準備所在hō͘我tòa,因為我ǹg望上帝ē聽lín ê祈禱,hō͘我ē tàng去lín hia。 | 註釋 串珠 盧俊義 字典 原文 典藏 |
1:23 | 結尾ê請安為tio̍h基督耶穌,kah我做伙teh關監ê Ê-pa-hú-lah kā你請安。 | 註釋 串珠 盧俊義 原文 典藏 |
1:24 | 我ê同工馬可、亞里達古、Tê-má kah路加,mā beh kā你請安。 | 註釋 串珠 盧俊義 原文 典藏 |
1:25 | 願主耶穌基督ê恩典kah lín同在!阿們! | 註釋 串珠 盧俊義 原文 典藏 |