章節 | 全民台語聖經漢羅經文 | 註釋 |
16:1 | 推薦非比姊妹我kā lín推薦咱ê姊妹Hui-bé,她是Kian-khu-lia̍h教會ê執事。 | 註釋 串珠 樹狀圖 原文 典藏 |
16:2 | 請lín照信徒ê本份,為tio̍h主ê緣故接待她。她若有需要,請lín kā她幫贊,因為她bat扶助真chē人,包括我本身。 | 註釋 串珠 樹狀圖 原文 典藏 |
16:3 | 向羅馬ê基督徒請安請替我kā基督耶穌ê同工—百基拉kah亞居拉請安。 | C註釋 註釋 串珠 樹狀圖 原文 典藏 |
16:4 | In bat為tio̍h我冒性命ê危險。M̄-nā我,連外邦ê教會mā lóng tio̍h kā in感謝。 | 註釋 串珠 樹狀圖 原文 典藏 |
16:5 | Mā請kā tī in tau teh聚會ê教會請安,請替我kā所疼ê Ê-pai-né-toh請安,伊是亞西亞省頭一个信基督ê人。 | 註釋 串珠 樹狀圖 原文 典藏 |
16:6 | Mā請kā馬利亞請安,她bat為tio̍h lín受真chē勞苦。 | 註釋 串珠 樹狀圖 原文 典藏 |
16:7 | Koh請kā我ê親chiâⁿ An-to-nî-kó͘ kah Iû-nî-a請安,in bat kah我同齊受關監,tī使徒中間有名望,比我tāi先歸屬基督。 | 註釋 串珠 樹狀圖 原文 典藏 |
16:8 | 請替我kā tī主內我所疼ê Am-phu-li-à-toh請安。 | 註釋 串珠 樹狀圖 原文 典藏 |
16:9 | 請lín kā tī基督kah我同勞苦ê U-ba-nô͘,以及我所疼ê Su-ta-khù請安。 | 註釋 串珠 樹狀圖 原文 典藏 |
16:10 | 請lín kā tī基督受過考驗ê A-pe-leh請安。請lín kā Alísutobúloh 一家人請安。 | 註釋 串珠 樹狀圖 原文 典藏 |
16:11 | 請Kā我ê親chiâⁿ Hi-lô-tióng請安,mā kā Nâ-ki-sò͘厝內信主ê人請安。 | 註釋 串珠 樹狀圖 原文 典藏 |
16:12 | 請替我kā為tio̍h主受真chē勞苦ê Tu-hoâi-ná kah Tú-hó-sah請安,mā kā所疼ê Pe̍h-sí-suh請安,伊bat為tio̍h主勞苦工作。 | 註釋 串珠 樹狀圖 原文 典藏 |
16:13 | 請kā受主揀選ê Ló͘-ho͘h kah伊ê老母請安,伊ê老母mā是我ê老母。 | 註釋 串珠 樹狀圖 原文 典藏 |
16:14 | 請kā A-sūn-kî-tó、Hu-lé-gòng、He̍k-mé、Pat-lô-bah、He̍k-má,以及kah in做伙ê兄弟請安。 | 註釋 串珠 樹狀圖 原文 典藏 |
16:15 | 請kā Hui-lô-ló-gò͘ kah Iû-lī-a,尼利亞kah伊ê姊妹,kah O͘-lúm-pah,以及kah in做伙ê眾聖徒請安。 | 註釋 串珠 樹狀圖 原文 典藏 |
16:16 | Lín tio̍h用聖潔ê禮儀互相請安。基督ê眾教lóng ē kā lín請安。 | 註釋 串珠 樹狀圖 原文 典藏 |
16:17 | 勸勉M̄-thang分裂兄弟姊妹,lín tio̍h提防製造分裂á是hō͘ lín犯罪,違背lín所領受ê教示ê hiahê人。 | 註釋 串珠 樹狀圖 原文 典藏 |
16:18 | 因為chit款人m̄是teh服事咱ê主基督,是teh顧kakī ê腹肚。In用花言巧語迷惑老實人ê心。 | 註釋 串珠 樹狀圖 原文 典藏 |
16:19 | 因為眾人lóng知lín ê順服,所以,我為tio̍h lín歡喜。M̄ koh,我ài lín對好事tio̍h巧,對pháiⁿ事tio̍h有智慧。 | 註釋 串珠 樹狀圖 原文 典藏 |
16:20 | 賜平安ê上帝真緊就ē kā撒旦踏碎,hō͘伊屈服tī lín ê腳前。願咱ê主耶穌基督ê恩典kah lín同在! | 註釋 串珠 樹狀圖 原文 典藏 |
16:21 | 保羅同工ê請安我ê同工提摩太kah我ê親chiâⁿ Lō͘-kioh、耶孫、Só͘-si-pá-toh kā lín請安。 | 註釋 串珠 樹狀圖 原文 典藏 |
16:22 | 我—Té-tioh,to̍h是chit張phoe ê代筆人,tī主內kā lín請安。 | 註釋 串珠 樹狀圖 原文 典藏 |
16:23 | 接待我kah全教會ê 該猶 kā lín請安。 | 註釋 串珠 樹狀圖 原文 典藏 |
16:24 | 城內管庫房ê Ê-lá-su-toh kah咱ê兄弟Koah-toh kā lín請安。 | 註釋 串珠 樹狀圖 原文 典藏 |
16:25 | 結尾ê祈禱願榮光歸hō͘上帝!祂ē照我所傳ê福音,to̍h是宣揚耶穌基督,來堅固lín ê信心。Chitê福音to̍h是萬古以來所隱密ê奧祕。 | 註釋 串珠 樹狀圖 原文 典藏 |
16:26 | Taⁿ chitê奧秘已經照永遠活ê上帝ê誡命,通過先知ê冊顯明出來,thang引chhōa萬民來信koh順服chitê福音。 | 註釋 串珠 樹狀圖 原文 典藏 |
16:27 | 願榮光通過耶穌基督歸tī獨一全智ê上帝,直到永遠。阿們! | 註釋 串珠 樹狀圖 原文 典藏 |