章節 | 全民台語聖經漢羅經文 | 註釋 |
3:1 | Án-ne講起來,做偤太人有啥物優點?受割禮有啥物利益? | 註釋 串珠 樹狀圖 原文 典藏 |
3:2 | Tī ta̍k方面lóng有真chē好處。頭一項,to̍h是上帝有kā祂ê話交託in。 | 註釋 串珠 樹狀圖 原文 典藏 |
3:3 | In中間若有人無信實,in ê無信實kámē hō͘上帝ê話變做無信實? | 註釋 串珠 樹狀圖 原文 典藏 |
3:4 | 絕對bē!甚至所有ê人lóng白賊,上帝mā一定是真實ê。照經典所記載:致使祢講話ê時顯明做義,判斷ê時顯明公道。(註:詩51:4) | 註釋 串珠 樹狀圖 原文 典藏 |
3:5 | Taⁿ我照世間人ê想法人講,咱ê不義若顯明上帝ê義,咱ē tàng講啥物lè?上帝對咱受氣,祂kám算是不義? | 註釋 串珠 樹狀圖 原文 典藏 |
3:6 | 絕對m̄是!上帝若m̄是公義ê,祂ná ē tàng審判世間? | 註釋 串珠 樹狀圖 原文 典藏 |
3:7 | 我ê虛假kah無老實若ē tàng hō͘上帝ê真實koh khah明顯,hō͘祂koh khah有榮光,我ná ē iáu koh hō͘祂宣判做罪人? | 註釋 串珠 樹狀圖 原文 典藏 |
3:8 | Án-ne,ná ē m̄講:咱來做pháiⁿ,thang hō͘好tāichì顯明?確實有人講阮有ánne講,來kā阮中傷,chit款人應該受責罰。 | 註釋 串珠 樹狀圖 原文 典藏 |
3:9 | 世間無義人Án-ne,咱偤太人kám有比外邦人khah優秀?無,一點點á都無!因為阮已經有講過:偤太人kah外邦人lóng受罪ê管轄。 | 註釋 串珠 樹狀圖 原文 典藏 |
3:10 | 照經典所記載:Lóng無義人,連一个都無! | 註釋 串珠 樹狀圖 原文 典藏 |
3:11 | 無人明白是非,mā無人走chhōe上帝。 | 註釋 串珠 樹狀圖 原文 典藏 |
3:12 | 人人離開正路,lóng行迷路;lóng無人做好,連一个都無。(註:詩14:1-3) | 註釋 串珠 樹狀圖 原文 典藏 |
3:13 | In ê嚨喉親像開開ê墓,in ê嘴舌欺詐人,in ê嘴唇有蛇ê毒。(註:詩5:9) | 註釋 串珠 樹狀圖 字典 原文 典藏 |
3:14 | In ê嘴內充滿惡毒ê咒詛。(註:詩10:7) | 註釋 串珠 樹狀圖 原文 典藏 |
3:15 | In走真緊,急behthâi人; | 註釋 串珠 樹狀圖 原文 典藏 |
3:16 | in經過ê路有毀滅kah悲慘。 | 註釋 串珠 樹狀圖 字典 原文 典藏 |
3:17 | In m̄知有平安ê路。(註:賽59:7-8) | 註釋 串珠 樹狀圖 字典 原文 典藏 |
3:18 | In眼中無敬畏上帝。(註:詩36:1) | 註釋 串珠 樹狀圖 原文 典藏 |
3:19 | Taⁿ咱知,律法一切ê要求是對hiahê受律法管轄ê人teh講ê,是beh hō͘人bē tàng辯解,hō͘全世界ê人lóng受上帝ê審判。 | 註釋 串珠 樹狀圖 原文 典藏 |
3:20 | 所以,無人ē tàng靠遵守律法來hō͘上帝看做是義人。律法kantaⁿ是beh hō͘人知影啥物是罪。 | 註釋 串珠 樹狀圖 原文 典藏 |
3:21 | 通過信仰來kah上帝和好Taⁿ上帝已經kā咱指示,咱m̄免靠律法to̍h ē tàng kah祂建立和好ê關係。律法kah先知mā lóng有為tio̍h chit項tāichì做見證。 | 註釋 串珠 樹狀圖 原文 典藏 |
3:22 | kah上帝有和好ê關係是通過信耶穌基督;上帝hō͘所有信ê人lóng仝款得tio̍h chitê和好ê關係。 | 註釋 串珠 樹狀圖 原文 典藏 |
3:23 | 因為所有ê人lóng犯罪,致使bē tàng領受上帝ê榮光。 | 註釋 串珠 樹狀圖 原文 典藏 |
3:24 | 因為上帝無條件ê恩賜,hō͘人ē tàng通過基督耶穌所完成ê救贖,來得tio̍h kah上帝有和好ê關係。 | 註釋 串珠 樹狀圖 原文 典藏 |
3:25 | 上帝犧牲基督做贖罪ê祭品,用祂ê血hō͘信祂ê人ê罪得tio̍h赦免;上帝寬容人,無追究人過去所犯ê罪。 | 註釋 串珠 樹狀圖 原文 典藏 |
3:26 | Chit-má,上帝hō͘所有信耶穌ê人kah祂有和好ê關係,用ánne來顯明祂ê公義。 | 註釋 串珠 樹狀圖 原文 典藏 |
3:27 | 若ánne,咱iáu有啥物thang誇口?Lóng無!咱tio̍h靠啥物法則?靠行為,是無?M̄是,是靠信心! | 註釋 串珠 樹狀圖 原文 典藏 |
3:28 | 所以,咱ê結論是:人ē tàng kah上帝建立和好ê關係,m̄是靠遵守律法,是靠信chiah ē tàng得tio̍h。 | 註釋 串珠 樹狀圖 原文 典藏 |
3:29 | 上帝kám kantaⁿ是偤太人ê上帝?祂mā是外邦人ê上帝,kám m̄是?當然是,祂mā是外邦人ê上帝。 | 註釋 串珠 樹狀圖 原文 典藏 |
3:30 | 既然上帝只有一位,祂hō͘受割禮ê kah無受割禮ê,lóng仝款tùi信來得tio̍h kah祂有和好ê關係。 | 註釋 串珠 樹狀圖 原文 典藏 |
3:31 | Án-ne,咱kámē因為chitê信soah hō͘律法失去功效?當然bē!咱顛倒會確立律法。 | 註釋 串珠 樹狀圖 原文 典藏 |