章節 | 全民台語聖經漢羅經文 | 註釋 |
21:1 | 寡婦ê奉獻(可12:41-44)耶穌gia̍h頭看tio̍h好額人kā in ê獻金hiat落去奉獻箱。 | 註釋 串珠 字典 原文 典藏 |
21:2 | Koh看tio̍h一个sànchhiah ê寡婦kā兩 个銅錢á hiat落去。 | 註釋 串珠 字典 原文 典藏 |
21:3 | 耶穌講:「我實在kā lín講,chitê sànchhiah ê寡婦所hiat-ê,比其他眾人khah chē。 | 註釋 串珠 原文 典藏 |
21:4 | 因為其他眾人是tùi in所chhun落來ê hiat落去,m̄ koh,chitê婦人人雖然真sàn,iáu koh kā生活費全部hiat落去。」 | 註釋 串珠 原文 典藏 |
21:5 | 耶穌預言聖殿受毀壞(太24:1-2;可13:1-2)有人teh講起聖殿是用好石kah所獻ê物來打扮。Hit時,耶穌講: | 註釋 串珠 字典 原文 典藏 |
21:6 | 「Lín teh看chiahê一切,hitê日子teh beh到,tī chia無一塊石會相疊,lóngē倒kah平平平。」 | 註釋 串珠 原文 典藏 |
21:7 | 兆頭kah迫害(太24:3-14;可13:3-13)門徒問耶穌講:「老師ah,chiahê tāichì tang時ē發生?Koh chiahê tāichì beh發生進前,有啥物兆頭?」 | 註釋 串珠 原文 典藏 |
21:8 | 耶穌講:「Tio̍h謹慎!M̄-thang去hō͘人迷惑,因為ē有真chē人利用我ê名來講:『我to̍h是基督』,koh講:『時機teh beh到à』。Lín m̄ thang tòe in去。 | 註釋 串珠 原文 典藏 |
21:9 | Línē聽tio̍h交戰kah擾亂ê tāichì,hit時lín m̄免tio̍h驚,因為chiahê tāichì一定ētāi先發生,總是,末日bē隨時到。」 | 註釋 串珠 原文 典藏 |
21:10 | 耶穌繼續kā in講:「民族會起來攻擊民族,國家mā ē起來攻擊國家。 | 註釋 串珠 原文 典藏 |
21:11 | 有大地動,mā真chē所在有飢荒kah瘟疫,koh有tùi天頂來thang驚ê景象kah大ê神跡。 | 註釋 串珠 原文 典藏 |
21:12 | Chiahê tāichì發生進前,人ē下手kā lín掠,kā lín迫害,koh kā lín交hō͘會堂kah監獄。Lín mā ē為tio̍h我ê緣故,hō͘人掠去君王kah總督ê面前。 | 註釋 串珠 字典 原文 典藏 |
21:13 | 這是lín做見證ê機會。 | 註釋 串珠 原文 典藏 |
21:14 | 所以,lín tio̍h心頭掠hō͘定,m̄免先操煩beh án怎辯解。 | 註釋 串珠 原文 典藏 |
21:15 | 因為我ē賞賜hō͘ lín口才kah智慧,hō͘ lín ê對敵lóng bē tàng對抗kah辯駁。 | 註釋 串珠 原文 典藏 |
21:16 | 連lín ê父母、兄弟、親chiâⁿ、朋友mā ē kā lín出賣;lín中間有人ē hō͘ in害死。 | 註釋 串珠 原文 典藏 |
21:17 | Lín因為我ê緣故ē hō͘眾人怨恨, | 註釋 串珠 原文 典藏 |
21:18 | 總是,lín連一支頭毛mā bē失落。 | 註釋 串珠 原文 典藏 |
21:19 | Lín tio̍h忍耐到底,chiah ē得tio̍h活命。」 | 註釋 串珠 原文 典藏 |
21:20 | 預言耶路撒冷ê毀壞(太24:15-21;可13:14-19)「Lín若看tio̍h耶路撒冷hō͘軍兵包圍ê時,to̍h知chitê城teh beh滅亡à。 | 註釋 串珠 原文 典藏 |
21:21 | Hit時,tī偤太省ê人tio̍h逃走去山裡,tī城內ê人tio̍h出來,tī庄腳ê人m̄ thang入去chitê城內。 | 註釋 串珠 原文 典藏 |
21:22 | 因為這是『刑罰ê日子』,是beh應驗經典所記載ê一切。 | 註釋 串珠 原文 典藏 |
21:23 | Tī hiahê日子,有娠孕kah hō͘嬰á食奶ê婦人人真不幸,因為有大災難teh beh臨到chitê所在。上帝ê大受氣mā teh beh臨到chiahê人民。 | 註釋 串珠 原文 典藏 |
21:24 | Inē hō͘刀劍thâi死,mā ē hō͘人掠去世界各國。耶路撒冷ē hō͘列邦人thún踏,一直到列邦佔領ê期限滿。」 | 註釋 串珠 字典 原文 典藏 |
21:25 | 人子ê降臨(太24:29-31;可13:24-27)「Tī天頂,日、月kah星lóng ē顯出兆頭;tī地chiūⁿ,萬民ē因為海湧hōa-hōa哮來驚惶不安。 | 註釋 串珠 原文 典藏 |
21:26 | 人因為chit世界teh beh發生ê tāichì驚kah暈去,因為天頂ê光體lóng ē搖動。 | 註釋 串珠 原文 典藏 |
21:27 | Hit時,人ē看tio̍h人子充滿權能kah大榮光,坐雲降臨。 | 註釋 串珠 原文 典藏 |
21:28 | Chiahê tāichì teh beh發生ê時,lín tio̍h gia̍h頭挺胸,因為lín ê得救teh beh到à。」 | 註釋 串珠 原文 典藏 |
21:29 | 無花果樹ê教示(太24:32-35;可13:28-31)耶穌koh用譬喻kā in講:「Lín看無花果樹kah所有ê樹。 | 註釋 串珠 字典 原文 典藏 |
21:30 | Lín一下看tio̍h chiahê樹teh puh-íⁿ,to̍h知熱天teh beh到à。 | 註釋 串珠 原文 典藏 |
21:31 | 親像ánne,lín看tio̍h chiahê兆頭發生ê時,to̍h知上帝國度teh beh到à。 | 註釋 串珠 原文 典藏 |
21:32 | 我實在kā lín講,chit世代iáu未過去,chiahê tāichì lóngē發生。 | 註釋 串珠 原文 典藏 |
21:33 | 天kah地ē消失,我ê話絕對bē消失。」 | 註釋 串珠 原文 典藏 |
21:34 | Tio̍h謹慎「Lín kakī tio̍h謹慎!M̄-thang為tio̍h貪食、酒醉kah chit世間ê操煩,來hō͘ lín ê心昏迷,因為世界ê末日會忽然間來臨。 | 註釋 串珠 原文 典藏 |
21:35 | 親像活tauh-á pia̍k一下to̍h來到全世界人所tòa ê ta̍k所在。 | C註釋 註釋 串珠 字典 原文 典藏 |
21:36 | 所以,lín tio̍h ta̍k時警醒祈禱,祈求上帝hō͘ lín有氣力閃避一切teh beh發生ê tāichì,ē tàng tī人子ê面前khiā在在。」 | 註釋 串珠 原文 典藏 |
21:37 | Chit幾日,耶穌日時tī聖殿教示人,暗時to̍h出去hitê橄欖山過暝。 | 註釋 串珠 字典 原文 典藏 |
21:38 | 眾人lóng透早to̍h去聖殿聽耶穌講道理。 | 註釋 串珠 字典 原文 典藏 |