章節 | 全民台語聖經漢羅經文 | 註釋 |
12:1 | 警戒假好ê人Hit時,幾nā萬人聚集óa來,致使到互相thún踏。耶穌to̍h對門徒講:「Lín tio̍h提防法利賽派ê人ê酵,to̍h是in ê假好。 | 註釋 串珠 原文 典藏 |
12:2 | 無一項蓋密ê tāichì bē露現,每一項祕密ê tāichì到時mā lóngē hō͘人知影。 | 註釋 串珠 原文 典藏 |
12:3 | 所以,lín tī烏暗中所講ê,ē tī光明中hō͘人聽tio̍h。Lín tī房間內耳孔邊所講ê,ē hō͘人tī厝尾頂公開宣布。」 | 註釋 串珠 字典 原文 典藏 |
12:4 | Tio̍h敬畏上帝(太10:28-31)「我ê朋友,我kā lín講,害死lín ê身軀了後bē tàng koh對lín做啥物ê人,lín m̄免驚in。 | 註釋 串珠 原文 典藏 |
12:5 | 我beh指示lín tio̍h敬畏啥物款人;lín tio̍h敬畏上帝,祂hō͘人死了後koh有權柄kā人hiat落去地獄。是lah,我kā lín講,tio̍h驚Chit位! | 註釋 串珠 原文 典藏 |
12:6 | 「五隻雀鳥á kám m̄是賣兩角銀?Tī上帝ê面前,連一隻都無bē記得。 | 註釋 串珠 字典 原文 典藏 |
12:7 | 甚至連lín ê頭毛to lóng有算過。m̄免驚,lín比hiahê雀鳥á koh khah貴重。」 | 註釋 串珠 字典 原文 典藏 |
12:8 | 公開承認基督(太10:32-33;12:32;10:19-20)「我kā lín講,tī人ê面前承認我ê,人子tī上帝ê天使面前mā ē kā伊承認。 | 註釋 串珠 原文 典藏 |
12:9 | M̄ koh,tī人ê面前無承認我ê,tī上帝ê天使面前,人子mā無beh kā伊承認。 | 註釋 串珠 原文 典藏 |
12:10 | 「人若講話攻擊人子ê,iáuē得tio̍h赦免;若是褻瀆聖神ê,to̍h bē tàng赦免。 | 註釋 串珠 原文 典藏 |
12:11 | 「人若押lín去到會堂á是統治者kah官員ê面前,lín m̄免煩惱beh án怎辯解á是tio̍h講啥物。 | 註釋 串珠 字典 原文 典藏 |
12:12 | 因為到時聖神ē教lín tio̍h講啥物話。」 | 註釋 串珠 原文 典藏 |
12:13 | 警告貪心ê財主眾人中間有一个財主kā耶穌講:「老師,請你叫我ê兄弟kah我分家伙。」 | 註釋 串珠 原文 典藏 |
12:14 | M̄ koh,耶穌kā伊講:「你chitê人,啥人設立我做lín ê審判官á是做分家伙ê公親?」 | 註釋 串珠 原文 典藏 |
12:15 | 耶穌to̍h對群眾講:「Tio̍h謹慎,tio̍h約束kakī ,tio̍h提防各種ê貪心,因為人ê活命價值m̄是在tī伊所積聚ê財產。」 | 註釋 串珠 原文 典藏 |
12:16 | 然後耶穌用譬喻對in講:「有一个好額人,伊ê田園真豐收。 | 註釋 串珠 原文 典藏 |
12:17 | 伊想來想去,講:『我無夠所在thang囤我ê五穀,taⁿ beh án怎?』 | 註釋 串珠 原文 典藏 |
12:18 | Koh講:『我tio̍h ánne做:我beh kā粟倉拆掉,koh起khah大間,thang kā我ê五穀kah財物lóng囤tòa hia。 | 註釋 串珠 字典 原文 典藏 |
12:19 | 然後mā beh對我ê靈魂講:『靈魂ah,你有積聚真chē財物thang做真chē年ê路用。Taⁿ清閒ā,來lim食,來享受!』 | 註釋 串珠 原文 典藏 |
12:20 | M̄ koh,上帝kā伊講:『戇人,今暝beh對你討你ê性命,你所積聚ê財產beh留hō͘啥人?』 | 註釋 串珠 原文 典藏 |
12:21 | Án-ne,為tio̍h kakī 積聚財寶,無hō͘上帝看做好額ê人mā是仝款。」 | 註釋 串珠 原文 典藏 |
12:22 | M̄免操煩(太6:25-34,19-21))耶穌koh對門徒講:「所以,我kā lín講,m̄ thang為tio̍h lín ê性命操煩beh食啥物,á是為tio̍h lín ê身軀操煩beh穿啥物。 | 註釋 串珠 原文 典藏 |
12:23 | 因為性命比食物khah重要,身軀比衫褲khah價值。 | 註釋 串珠 字典 原文 典藏 |
12:24 | Lín看烏鴉,in雖然無種作,無收成,mā無倉庫,無粟倉,上帝iáu koh teh kā in養飼。Lín kám無比hiahê鳥á khah貴重? | 註釋 串珠 字典 原文 典藏 |
12:25 | Lín kám有人想講操煩ē tàng hō͘ kakī ê性命加活一時á久? | 註釋 串珠 字典 原文 典藏 |
12:26 | Taⁿ lín既然連chiahni̍h細項tāichì都無法度做,ná tio̍h操煩其他ê tāichì? | 註釋 串珠 原文 典藏 |
12:27 | Lín小想看māi lè,百合花án怎teh大欉?In無勞苦,mā無紡織。M̄ koh,我kā lín講,當所羅門siōng榮華富貴ê時,伊所穿ê衫都無比chiahê花ê一蕊khah súi。 | 註釋 串珠 字典 原文 典藏 |
12:28 | Taⁿ山裡ê草,今á日teh活,明á載to̍h hō͘人hiat落去火爐,上帝iáu koh ánne teh kā in打扮,祂kám bē koh khah kā lín看顧? Lín ná ē chiahni̍h無信心? | 註釋 串珠 字典 原文 典藏 |
12:29 | 所以,lín m̄ thang kantaⁿ7 teh想beh食啥物,beh lim啥物,mā m̄ thang操煩。 | 註釋 串珠 原文 典藏 |
12:30 | 因為chiahê lóng是chit世間ê未信者所teh求ê,lín ê天父mā知lín需要chiahê物件。 | 註釋 串珠 原文 典藏 |
12:31 | Lín顛倒tio̍h tāi先追求上帝國度,chiahê物件會順續賞賜hō͘ lín。 | 註釋 串珠 原文 典藏 |
12:32 | 「Lín chiahê細細ê羊群,m̄免驚,因為lín ê天父歡喜kā祂ê國度hō͘ lín。 | 註釋 串珠 字典 原文 典藏 |
12:33 | Tio̍h賣lín ê財產來賑濟sànchhiah人,tio̍h為lín kakī 準備bē破ê錢袋á,來積聚用bē了ê財寶tī天頂。Tī hia無賊áē來偷the̍h,mā bē有蟲蛀。 | 註釋 串珠 字典 原文 典藏 |
12:34 | 因為lín ê財寶tī tó位,lín ê心mā ē去tī hia。」 | 註釋 串珠 原文 典藏 |
12:35 | 謹慎Thèng候ê奴僕「Lín ê衫tio̍h穿好勢,lín ê燈tio̍h點ho͘ to̍h。 | 註釋 串珠 字典 原文 典藏 |
12:36 | Lín tio̍h親像人teh thèng候in ê主人tùi婚宴tńg來。主人到位,一下phah門thang隨時kā伊開。 | 註釋 串珠 原文 典藏 |
12:37 | 主人tńg來,看tio̍h in醒醒,hiahê奴僕真有福氣。我實在kā lín講,主人ēkakī hâ圍su裙,請in坐桌,來kā in侍候。 | 註釋 串珠 原文 典藏 |
12:38 | Kiám-chhái主人ētī半暝á是天phú光ê時tńg來,看tio̍h in醒醒,hiahê奴僕真有福氣。 | 註釋 串珠 原文 典藏 |
12:39 | 主人若知賊á tang時chūnē來,伊to̍h ētiuⁿ-tî,一定bē hō͘賊á入來伊ê厝,這是lín知影ê tāichì。 | 註釋 串珠 原文 典藏 |
12:40 | 所以,lín mā tio̍h準備便便,因為人子ē tī lín想bē到ê時chūn來臨。」 | 註釋 串珠 原文 典藏 |
12:41 | 彼得講:「主ah,祢chitê譬喻是teh對阮講,á是mā對群眾?」 | 註釋 串珠 原文 典藏 |
12:42 | 主講:「啥人是盡忠koh機巧ê管家?to̍h是主人交帶伊來管理其他ê奴僕,照時分配食物hō͘ in ê hitê人。 | 註釋 串珠 原文 典藏 |
12:43 | 主人tńg來看tio̍h伊有照交帶去做,hitê奴僕真有福氣! | 註釋 串珠 原文 典藏 |
12:44 | 我實在kā lín講,主人ē派伊來管理伊所有ê財產。 | 註釋 串珠 原文 典藏 |
12:45 | Hitê奴僕若心內想講我ê主人ēkhah慢chiah tńg來,就phah其他ê奴僕kah女婢,koh lim食kah酒醉。 | 註釋 串珠 原文 典藏 |
12:46 | 主人tī伊想bē到ê時chūn tńg來,會重重kā伊刑罰,hō͘伊kah hiahê無忠實ê人受仝款ê刑罰。 | 註釋 串珠 原文 典藏 |
12:47 | 奴僕知影主人ê意思卻無去準備,á是無照主人ê意思去做,伊一定ēhō͘主人phah kah真thiám。 | 註釋 串珠 原文 典藏 |
12:48 | M̄ koh,若m̄知主人ê意思,去做應該受phah ê tāichì,伊ē受phah khah少下。Hō͘伊khah chē ê人,ē tùi伊the̍h khah chē;交託伊khah chē ê人,ē kā伊要求khah chē。」 | 註釋 串珠 原文 典藏 |
12:49 | 因為耶穌引起ê分裂(太10:34-36)「我來是beh用火tàn tī地chiūⁿ,火若to̍h起來,m̄知gōani̍h'á好lè? | 註釋 串珠 原文 典藏 |
12:50 | 我有應該受ê洗禮,hitê洗禮iáu未完成以前,我tio̍h艱苦kah啥物程度? | 註釋 串珠 原文 典藏 |
12:51 | Lín想講我來是beh hō͘地chiūⁿ和平?我kā lín講,m̄是,顛倒是冤家。 | 註釋 串珠 原文 典藏 |
12:52 | Tùi taⁿ以後,一家五人ē冤家,三个kah兩 个冤家,兩 个kah三个冤家。 | 註釋 串珠 原文 典藏 |
12:53 | In lóng ē冤家,父kah kiáⁿ,kiáⁿ kah父,老母kah chabó͘ kiáⁿ,chabó͘ kiáⁿ kah老母,ta-ke kah新婦,新婦kah ta-ke。 | 註釋 串珠 原文 典藏 |
12:54 | 判斷Hitê時期(太16:2-3)耶穌koh對群眾講:「Lín看tio̍h雲tùi西pêng起來,lín to̍h講:『Beh落雨ā』,果然to̍h落雨。 | 註釋 串珠 原文 典藏 |
12:55 | Lín看tio̍h透南風ê時,lín to̍h講:『Beh燒熱ā』,to̍h真正燒熱起來。 | 註釋 串珠 原文 典藏 |
12:56 | Lín chiahê假好ê人,lín都ē曉判斷天kah地ê景象,ná bē曉判斷chitê時期?」 | 註釋 串珠 原文 典藏 |
12:57 | Tio̍h kah控告你ê人和解(太5:25-26)「Lín ná ē無beh kakī 判斷是非? | 註釋 串珠 原文 典藏 |
12:58 | 若有人kā你告去見官府,iáu tī路裡ê時,tio̍h設法kah伊和解。若無,伊ē拖你去見審判官,審判官ē kā你交hō͘法警,續落去法警ē kā你關落監。 | 註釋 串珠 字典 原文 典藏 |
12:59 | 我kā你講,最後ê一錢五厘若無還清楚,你絕對bē tàng tùi監裡出來。」 | 註釋 串珠 字典 原文 典藏 |