| 章節 | 全民台語聖經漢羅經文 | 註釋 |
| 28:1 | 「你tio̍h tùi以色列人ê中間，hō͘你ê阿兄亞倫kah伊hiahê kiáⁿ來你chia，thang做祭司，來服事我，to̍h是亞倫kah亞倫ê kiáⁿ拿答、亞比戶、以利亞撒、以他瑪。 | 註釋 串珠 盧俊義 康來昌 原文 典藏 |
| 28:2 | 你tio̍h kā你ê阿兄亞倫做聖ê衫，hō͘伊榮光koh súi。 | 註釋 串珠 盧俊義 康來昌 字典 原文 典藏 |
| 28:3 | Koh tio̍h吩咐所有心有智慧ê，to̍h是我用智慧ê聖神所充滿ê人，kā亞倫做衫，kā伊分別做聖，thang做祭司來服事我。 | 註釋 串珠 盧俊義 康來昌 字典 原文 典藏 |
| 28:4 | In所tio̍h做ê衫，to̍h是捕褂、祭司服、外袍、有花ê內衫、帽、腰帶。In tio̍h kā你ê阿兄亞倫kah伊ê kiáⁿ做聖ê衫，hō͘伊做祭司來服事我。 | 註釋 串珠 盧俊義 康來昌 字典 原文 典藏 |
| 28:5 | In tio̍h用金kah藍色、紫色、朱紅色ê料，以及幼苧來做。 | 註釋 串珠 盧俊義 康來昌 字典 原文 典藏 |
| 28:6 | 「In tio̍h用金kah藍色、紫色、朱紅色ê料，以及過紡ê幼苧，用奇巧ê工夫來做祭司服。 | 註釋 串珠 盧俊義 康來昌 字典 原文 典藏 |
| 28:7 | Tio̍h有披肩兩塊，連tī雙pêng hō͘它相連。 | 註釋 串珠 盧俊義 康來昌 原文 典藏 |
| 28:8 | 祭司服頂面奇巧ê工夫所織ê帶，tio̍h kah它相siâng ê做法，hō͘它相連做一个，用金kah藍色、紫色、朱紅色ê料，以及過紡ê幼苧來做。 | 註釋 串珠 盧俊義 康來昌 字典 原文 典藏 |
| 28:9 | Tio̍h the̍h兩塊紅瑪瑙，tī頂面刻以色列chiahê kiáⁿ ê名， | 註釋 串珠 盧俊義 康來昌 字典 原文 典藏 |
| 28:10 | 六個名tī chit塊寶石，其他六個名tī hit塊寶石，lóng照in出世ê次序。 | 註釋 串珠 盧俊義 康來昌 原文 典藏 |
| 28:11 | Tio̍h用刻寶石ê手工，親像刻印á，照以色列chiahê kiáⁿ ê名，刻tī chit兩塊寶石，入tī金槽裡。 | 註釋 串珠 盧俊義 康來昌 字典 原文 典藏 |
| 28:12 | Tio̍h kā chit兩塊寶石安置tī祭司服ê披肩頂，為以色列人做記念石。亞倫tio̍h tī兩 个肩胛頭揹in ê名，tī上主ê面前來做記念。 | 註釋 串珠 盧俊義 康來昌 字典 原文 典藏 |
| 28:13 | Tio̍h用金做兩塊槽， | 註釋 串珠 盧俊義 康來昌 原文 典藏 |
| 28:14 | koh用純金，親像phah索á，來做兩條鍊á，kā chiahê phah成ê鍊á，安置tī hiahê槽裡。」 | 註釋 串珠 盧俊義 康來昌 字典 原文 典藏 |
| 28:15 | 捕褂(出39：8-21)「你tio̍h用奇巧ê工夫，做一个判決ê捕褂；tio̍h kah祭司服相siâng ê做法：用金kah藍色、紫色、朱紅色ê料，以及過紡ê幼苧來做。 | 註釋 串珠 盧俊義 康來昌 字典 原文 典藏 |
| 28:16 | 捕褂tio̍h四方，拗雙重，長一掠，闊一掠。 | 註釋 串珠 盧俊義 康來昌 字典 原文 典藏 |
| 28:17 | 你tio̍h kā chiahê寶石入tī它ê頂面，有寶石四chōa：一chōa是紅寶石、黃玉、赤玉，這是第一chōa； | 註釋 串珠 盧俊義 康來昌 原文 典藏 |
| 28:18 | 第二chōa是綠寶石、藍玉、金剛石； | 註釋 串珠 盧俊義 康來昌 原文 典藏 |
| 28:19 | 第三chōa是紫色ê瑪瑙、白瑪瑙、紫色水晶； | 註釋 串珠 盧俊義 康來昌 原文 典藏 |
| 28:20 | 第四chōa是青玉、紅瑪瑙、碧玉。這lóng tio̍h入tī金槽內。 | 註釋 串珠 盧俊義 康來昌 原文 典藏 |
| 28:21 | Chiahê寶石照以色列ê kiáⁿ ê名，總共十二塊，親像刻印á，每塊刻一个名，為tio̍h十二支族來做。 | 註釋 串珠 盧俊義 康來昌 字典 原文 典藏 |
| 28:22 | Tio̍h用純金phah鍊á，親像索á，安置tī捕褂。 | 註釋 串珠 盧俊義 康來昌 字典 原文 典藏 |
| 28:23 | Tī捕褂tio̍h做兩 个金環，kā chit兩 个環安置tī捕褂ê雙頭。 | 註釋 串珠 盧俊義 康來昌 字典 原文 典藏 |
| 28:24 | Tio̍h kā所phah ê hit兩條金鍊á，連tī捕褂雙頭ê兩 个環。 | 註釋 串珠 盧俊義 康來昌 字典 原文 典藏 |
| 28:25 | Kā所phah ê兩條鍊á ê雙頭，連tī兩 个槽，安置tī祭司服披肩ê頭前。 | 註釋 串珠 盧俊義 康來昌 字典 原文 典藏 |
| 28:26 | 你tio̍h做兩 个金環，hē tī捕褂雙頭ê墘，近祭司服ǹg內hit-pêng。 | 註釋 串珠 盧俊義 康來昌 字典 原文 典藏 |
| 28:27 | Koh tio̍h做兩 个金環，安置tī 祭司服披肩下面ê頭前，óa近相連ê所在，tī祭司服奇巧ê工夫所織ê帶ê頂面。 | 註釋 串珠 盧俊義 康來昌 字典 原文 典藏 |
| 28:28 | In tio̍h用藍色ê幼帶，kā捕褂ê環kah祭司服ê環縛相連，hō͘它連tī祭司服奇巧ê工夫所織ê帶，hō͘捕褂kah祭司服無離縫。 | 註釋 串珠 盧俊義 康來昌 字典 原文 典藏 |
| 28:29 | 「亞倫入去聖所ê時，tio̍h kā判決ê捕褂所刻以色列ê kiáⁿ ê名，帶tī伊ê胸前，tī上主ê面前tiāⁿ-tiāⁿ 做記念。 | 註釋 串珠 盧俊義 康來昌 字典 原文 典藏 |
| 28:30 | 你tio̍h kā烏陵kah土明hē tī判決ê捕褂內；亞倫到上主ê面前ê時，hiahê tio̍h tī伊ê胸前。亞倫tio̍h tī上主ê面前tiāⁿ-tiāⁿ kā以色列ê判決掛tī胸前。」 | 註釋 串珠 盧俊義 康來昌 字典 原文 典藏 |
| 28:31 | 其他祭司ê聖服(出39：22-31)「你tio̍h做祭司服內面ê外袍，kui領是藍色ê。 | 註釋 串珠 盧俊義 康來昌 字典 原文 典藏 |
| 28:32 | 袍頂面ê對中tio̍h為tio̍h頭殼留一个領孔，孔ê四箍圍織領緣，親像戰甲ê領孔，免得破裂。 | 註釋 串珠 盧俊義 康來昌 原文 典藏 |
| 28:33 | 袍四箍圍ê下腳pô͘，tio̍h用藍色、紫色、朱紅色ê料，做石榴；袍ê四箍圍tī石榴（sia̍h-liû）ê中間tio̍h有金銜鈴。 | 註釋 串珠 盧俊義 康來昌 字典 原文 典藏 |
| 28:34 | 一粒金銜鈴，一粒石榴，tī袍四箍圍ê下腳pô͘。 | 註釋 串珠 盧俊義 康來昌 字典 原文 典藏 |
| 28:35 | 亞倫服事ê時，tio̍h穿祭司服。伊入去聖所來到上主ê面前，以及出來ê時，我有thang聽tio̍h聲，hō͘伊免死。 | 註釋 串珠 盧俊義 康來昌 原文 典藏 |
| 28:36 | 「Tio̍h用純金做一个牌，照刻印ê法度刻tī它ê頂面，ánne寫：『做聖歸上主』。 | 註釋 串珠 盧俊義 康來昌 字典 原文 典藏 |
| 28:37 | Tio̍h用一條藍色ê幼帶，kā它縛tī帽á頂，to̍h是tī帽á ê頭前。 | 註釋 串珠 盧俊義 康來昌 字典 原文 典藏 |
| 28:38 | Chitê牌tio̍h掛tī亞倫ê頭額，hō͘亞倫來擔當以色列人tī一切聖ê禮物所犯ê罪。Chitê牌tio̍h tiāⁿ-tiāⁿ tī伊ê頭額，hō͘ in tī上主ê面前得tio̍h接納。 | 註釋 串珠 盧俊義 康來昌 原文 典藏 |
| 28:39 | 「Tio̍h用幼苧織有chōa ê內衫，tio̍h用幼苧布做帽á，koh用繡花ê工夫做腰帶。 | 註釋 串珠 盧俊義 康來昌 字典 原文 典藏 |
| 28:40 | 「你tio̍h kā亞倫chiahê kiáⁿ做內衫，做腰帶，做包頭殼ê巾，hō͘ in有榮光koh súi。 | 註釋 串珠 盧俊義 康來昌 字典 原文 典藏 |
| 28:41 | Tio̍h kā你ê阿兄亞倫kah伊ê kiáⁿ穿chiahê物件，koh用油kā in抹，行設立ê禮，kā in分別做聖，hō͘ in做祭司來服事我。 | 註釋 串珠 盧俊義 康來昌 原文 典藏 |
| 28:42 | Tio̍h kā in做幼苧布ê褲來遮（cha̍h）in ê下身，褲tio̍h tùi 腰到大腿。 | 註釋 串珠 盧俊義 康來昌 字典 原文 典藏 |
| 28:43 | 亞倫kah伊ê kiáⁿ入去會幕，á是來到壇前beh tī聖所服事ê時，tio̍h穿hiahê物件，免得為in擔當罪來死。這是beh kā亞倫kah伊ê kiáⁿ孫做永遠ê例。 | 註釋 串珠 盧俊義 康來昌 字典 原文 典藏 |