章節 | 全民台語聖經漢羅經文 | 註釋 |
5:1 | Teh飛ê擦á ê異象我koh gia̍h頭看tio̍h有一幅擦á teh飛。 | 註釋 串珠 字典 原文 典藏 |
5:2 | 伊kā我講:「你看tio̍h啥物?」我應講:「我看tio̍h一幅擦á teh飛;它ê長二十肘,闊十肘。」 | 註釋 串珠 字典 原文 典藏 |
5:3 | 伊to̍h對我講:「Chitê是出去到全地chiūⁿê咒詛。見若偷the̍h ê,ē照chit幅ê chit pêng kā伊除滅掉;見若chiùchōa ê,ē照chit幅ê hit-pêng kā伊除滅掉。 | 註釋 串珠 原文 典藏 |
5:4 | 萬軍ê上主講:我beh hō͘伊出去,伊ē入去偷the̍h ê人ê厝,mā ē入去kí我ê名lāmsám chiùchōa ê人ê厝,beh tòa tī伊ê厝內kā伊毀滅掉,以及伊ê柴、伊ê石。」 | 註釋 串珠 原文 典藏 |
5:5 | Cha-bó͘人ê異象kah我講話ê使者出來對我講:「你tio̍h gia̍h頭看chitê出來ê是啥物。」 | 註釋 串珠 原文 典藏 |
5:6 | 我問講:「這是啥物?」伊講:「這出來ê是量器。」伊koh講:「Tī全地ê內面,in ê形狀是ánne。」 | 註釋 串珠 字典 原文 典藏 |
5:7 | (你看,有一片圓ê鉛受舉起。) Koh有chabó͘人坐tī量器ê內面。 | 註釋 串珠 字典 原文 典藏 |
5:8 | 天使講:「Chitê是罪惡。」to̍h kā它hiat tī量器ê內面,mā kā hit片鉛蓋tī量器ê嘴。 | 註釋 串珠 字典 原文 典藏 |
5:9 | 我koh gia̍h頭看,你看,有兩 个chabó͘人出來,tī in ê翼有風,in ê翼親像鶴ê翼。In kā量器tī天kah地ê中間扛起來。 | 註釋 串珠 字典 原文 典藏 |
5:10 | 我對kah我講話ê使者講:「In beh kā量器扛去tó位?」 | 註釋 串珠 字典 原文 典藏 |
5:11 | 伊kā我講:「Beh kā它扛去示拿地起厝;厝若起好勢,就ē kā它安置tī kakī ê所在。」 | 註釋 串珠 原文 典藏 |