章節 | 全民台語聖經漢羅經文 | 註釋 |
1:1 | 關係尼尼微ê默示,El-ko-si人那鴻所看tio̍h ê異象,記tī冊裡。 | 註釋 串珠 康來昌 康來昌 字典 原文 典藏 |
1:2 | 上主對尼尼微受氣上主是熱心ê上帝,mā行報仇。上主是報仇koh大受氣;上主對祂ê對敵報仇,為tio̍h祂ê仇敵來khǹg受氣。 | 註釋 串珠 康來昌 康來昌 原文 典藏 |
1:3 | 上主無快受氣,有大能力,絕對無掠有罪ê做無罪。上主ê路tī捲螺á風kah狂風ê中間,雲是祂ê腳下ê土沙粉。 | 註釋 串珠 康來昌 康來昌 字典 原文 典藏 |
1:4 | 祂責備海hō͘它乾,mā hō͘ chiahê河lóng無水。巴珊kah迦密衰敗,黎巴嫩ê花木mā衰敗。 | 註釋 串珠 康來昌 康來昌 原文 典藏 |
1:5 | 山頭因為祂振動,山嶺mā lóng消熔,大地tī祂ê面前phòng起來,世界kah tiàm tī hit中間ê mā是ánne。 | 註釋 串珠 康來昌 康來昌 原文 典藏 |
1:6 | 祂一下痛恨,啥人ēkhiā ·leh?祂大受氣,啥人當會起?祂ê受氣親像火piàⁿ出來,石磐因為祂爆裂。 | 註釋 串珠 康來昌 康來昌 原文 典藏 |
1:7 | 上主是好,tī患難ê日,祂做城堡,koh bat hiahê óa靠祂ê人。 | 註釋 串珠 康來昌 康來昌 原文 典藏 |
1:8 | 總是,祂ē用氾濫ê大水kā伊ê地淹滅掉,趕對敵入去烏暗。 | 註釋 串珠 康來昌 康來昌 原文 典藏 |
1:9 | Lín設啥物計謀來kah上主做對敵?祂ē做到盡頭,免koh有第二pái ê災禍。 | 註釋 串珠 康來昌 康來昌 原文 典藏 |
1:10 | In kô-kô纏親像刺phè,親像lim酒lim kah醉醉,in iáu koh ē燒去,親像乾乾ê草。 | 註釋 串珠 康來昌 康來昌 字典 原文 典藏 |
1:11 | 有一个tùi你hia出來,圖謀奸惡,設pháiⁿ計謀來攻擊上主。 | 註釋 串珠 康來昌 康來昌 原文 典藏 |
1:12 | 上主ánne講:「In雖然勢力充足,人額真chē,mā ē受剪除,歸tī無。我雖然bat hō͘你受苦,以後無koh hō͘你受苦。 | 註釋 串珠 康來昌 康來昌 原文 典藏 |
1:13 | Taⁿ我beh tùi你ê頷頸at斷伊ê枷擔,kā縛你ê索á chhoah斷。」 | 註釋 串珠 康來昌 康來昌 字典 原文 典藏 |
1:14 | 上主bat出命令,講tio̍h亞述人,祂講:「屬你ê人一定無koh傳種;我beh tùi你ê神明ê廟內除滅雕刻ê偶像kah鑄造ê像;我beh kā你準備墳墓,因為你是卑賤。」 | 註釋 串珠 康來昌 康來昌 字典 原文 典藏 |
1:15 | 你看,有報好消息來傳和平ê人,伊ê腳行上山頂。偤大,你tio̍h守你ê節期,謝你ê願!因為pháiⁿ人無koh tùi你ê中間經過,因為伊全部滅亡à。 | 註釋 串珠 康來昌 康來昌 原文 典藏 |