章節 | 全民台語聖經漢羅經文 | 註釋 |
7:1 | 以色列人ê腐敗我有災禍!我親像熱天ê果子收成了ê時,koh親像挽葡萄所chhun落來ê lân-san粒,無kui葩thang食;我ê心欣慕起頭熟ê無花果。 | 註釋 串珠 康來昌 康來昌 字典 原文 典藏 |
7:2 | 地chiūⁿ虔誠ê人ē死亡,tī人ê中間無正直ê人;in lóng埋伏behthâi死人,用羅網當伊ê兄弟。 | 註釋 串珠 康來昌 康來昌 字典 原文 典藏 |
7:3 | In ê手硬硬beh做pháiⁿ,首領kah審判官討烏西,大官員吐出伊心內ê私慾,做伙組織pháiⁿ團體。 | 註釋 串珠 康來昌 康來昌 原文 典藏 |
7:4 | In中間siōng好ê親像蒺藜(chi̍t-lê),第一正直ê親像籬笆ê刺á。你ê守望ê人所講ê日,to̍h是你受刑罰ê日近à。In ê迷亂到à。 | 註釋 串珠 康來昌 康來昌 字典 原文 典藏 |
7:5 | M̄-thang óa靠同伴,m̄ thang信親密ê朋友。Tio̍h約束你ê嘴,m̄ thang對所疼ê bó͘講起。 | 註釋 串珠 康來昌 康來昌 原文 典藏 |
7:6 | 因為kiáⁿ藐視老父,chabó͘ kiáⁿ忤逆老母,新婦忤逆ta-ke;人ê對敵,to̍h是伊厝內ê人。 | 註釋 串珠 康來昌 康來昌 原文 典藏 |
7:7 | 若是我,我beh仰望上主,mā beh thèng候救我ê上帝;我ê上帝ē聽我。 | 註釋 串珠 康來昌 康來昌 原文 典藏 |
7:8 | 上主拯救祂ê子民我ê對敵,m̄ thang因為我來歡喜。我雖然跋倒,ē koh peh起來;我坐tī烏暗,上主做我ê光。 | 註釋 串珠 康來昌 康來昌 原文 典藏 |
7:9 | 我tio̍h忍受上主ê受氣,因為我得罪祂,thèng候祂辯護我ê案,kā我判斷。祂ēchhōa我出來到tī光明,我mā ē看tio̍h祂ê公義。 | 註釋 串珠 康來昌 康來昌 原文 典藏 |
7:10 | Hit時,我ê對敵,to̍h是bat對我講「上主—你ê上帝tī tó位」ê,伊一下看tio̍h,to̍h大大見笑。我ē親目看tio̍h伊;伊ē受thún踏,親像街路ê土糜。 | 註釋 串珠 康來昌 康來昌 字典 原文 典藏 |
7:11 | 耶路撒冷人,起你ê城牆ê日子到à,hit日,你ê地界會開闊。 | 註釋 串珠 康來昌 康來昌 字典 原文 典藏 |
7:12 | Hit日,in ētùi亞述到埃及chiahê城,tùi埃及到大河,tùi chitê海到hitê海,tùi chitê山到hitê山,lóng ē歸óa來。 | 註釋 串珠 康來昌 康來昌 原文 典藏 |
7:13 | 總是,地因為tòa tī hia ê人民ê緣故來拋荒,是in ê行為ê結果。 | 註釋 串珠 康來昌 康來昌 原文 典藏 |
7:14 | 上主憐憫祂ê子民求祢用祢ê柺á飼祢ê子民,to̍h是祢ê產業ê羊群,tī迦密山kakī tiàm tī樹林內ê,飼in tī巴珊kah基列,親像早時ánne。 | 註釋 串珠 康來昌 康來昌 字典 原文 典藏 |
7:15 | 我beh顯出奇事hō͘伊看,親像你出埃及地ê時hit款。 | 註釋 串珠 康來昌 康來昌 原文 典藏 |
7:16 | 列邦看tioh8to̍h ē為kakī ê勢力見笑;inē用手掩嘴,in ê耳孔mā ē臭耳聾。 | 註釋 串珠 康來昌 康來昌 原文 典藏 |
7:17 | In會舐土沙粉親像蛇,親像tī土腳teh趖ê物,phi̍h-phi̍h chhoah出牠ê孔。In會驚惶來歸咱ê上帝—上主,koh因為祢來驚惶。 | 註釋 串珠 康來昌 康來昌 字典 原文 典藏 |
7:18 | 上帝ah,啥人親像祢,是赦免罪過,諒情祂所chhun落來ê子民ê過失ê?祂無永遠khǹg受氣,因為祂歡喜憐憫。 | 註釋 串珠 康來昌 康來昌 原文 典藏 |
7:19 | 祂ēoa̍t tńg來憐憫咱,祂踏咱ê罪惡tī腳前,祢ē kā in所有ê罪惡hiat落去深海。 | 註釋 串珠 康來昌 康來昌 原文 典藏 |
7:20 | 祢beh照古早所對阮ê祖先chiùchōa ê,施誠實tī雅各,行慈愛tī亞伯拉罕。 | 註釋 串珠 康來昌 康來昌 原文 典藏 |