章節 | 全民台語聖經漢羅經文 | 註釋 |
2:1 | 對摩押ê審判上主ánne講:「為tio̍h摩押犯罪到第三pái,mā到第四pái,我無beh免除她ê刑罰;因為伊kā以東王ê骨頭燒做灰。 | 註釋 串珠 康來昌 康來昌 原文 典藏 |
2:2 | 我beh降火tī摩押,燒滅加略ê宮殿。摩押ē tī hōa-hōa哮、喝喊(hoah-hiàm)、pûn哨角ê中間死亡。 | 註釋 串珠 康來昌 康來昌 字典 原文 典藏 |
2:3 | 我beh tùi伊ê中間剪除審判官,續kā in所有ê首領thâi死。這是上主講ê。」 | 註釋 串珠 康來昌 康來昌 原文 典藏 |
2:4 | 對偤大ê審判上主ánne講:「為tio̍h偤大人犯罪到第三pái,mā到第四pái,我無beh免除她ê刑罰;因為in棄sak上主ê教示,無遵守祂ê律例。In ê祖先所遵thàn ê虛假hō͘ in行迷路。 | 註釋 串珠 康來昌 康來昌 原文 典藏 |
2:5 | 我beh降火tī偤大,kā耶路撒冷ê宮殿燒滅。」 | 註釋 串珠 康來昌 康來昌 原文 典藏 |
2:6 | 上主beh審判以色列上主ánne講:「為tio̍h以色列人犯罪到第三pái,mā到第四pái,我無beh免除它ê刑罰;因為in出賣義人來得tio̍h銀,出賣sànchhiah人來得tio̍h一雙鞋。 | 註釋 串珠 康來昌 康來昌 字典 原文 典藏 |
2:7 | Sàn-chhiah人頭殼頂ê塵埃是in所意愛ê,枉屈溫柔ê人ê做人道理。父kiáⁿ做伙親近一个少年ê chabó͘人,致使褻瀆我ê聖名。 | 註釋 串珠 康來昌 康來昌 字典 原文 典藏 |
2:8 | In tī ta̍k个壇邊倒tī人做準當ê衫,koh tī in ê上帝ê殿內lim受罰ê人ê酒。 | 註釋 串珠 康來昌 康來昌 字典 原文 典藏 |
2:9 | 「我tùi in ê面前除滅亞摩利人,hiahê人koân大親像柏香樹,勇猛親像橡樹。總是,我kā伊頂面ê果子滅掉,kā下面ê根絕斷。 | 註釋 串珠 康來昌 康來昌 字典 原文 典藏 |
2:10 | 我mā kā lín tùi埃及地帶出來,tī曠野chhōa lín四十年,hō͘ lín得tio̍h亞摩利人ê地做產業。 | 註釋 串珠 康來昌 康來昌 原文 典藏 |
2:11 | 我對lín ê kiáⁿ兒中間興起先知,koh對lín ê少年人ê中間興起獻身者(註:原譯本音譯做「拿細耳人」)。以色列人,lín kám m̄是ánne?這是上主講ê。 | 註釋 串珠 康來昌 康來昌 原文 典藏 |
2:12 | 總是,lín hō͘獻身者 lim酒,吩咐先知講:M̄-thang講先知話。 | 註釋 串珠 康來昌 康來昌 字典 原文 典藏 |
2:13 | 你看,tī lín所tiàm ê地,我beh kā lín teh落去,親像kā裝滿稻綑ê車teh重。 | 註釋 串珠 康來昌 康來昌 字典 原文 典藏 |
2:14 | Gâu走ê bē tàng逃脫,勇壯ê無力尾,勇猛ê bē tàng kakī 救性命。 | 註釋 串珠 康來昌 康來昌 原文 典藏 |
2:15 | Gia̍h弓ê bē tàng khiā在,腳步緊ê bē tàng kakī 救,騎馬ê bē tàng kakī 救命。 | 註釋 串珠 康來昌 康來昌 字典 原文 典藏 |
2:16 | 到hit日,勇士中有膽量ê會thǹgpaktheh逃走。這是上主講ê。」 | 註釋 串珠 康來昌 康來昌 原文 典藏 |