版本選擇 有地理sitephoto 查字典 本章地圖 影像 [ 條列 | 表格 | 整段 ] 語態 度量衡 其他 閱讀計畫

新版上一章 下一章    查詢或移至: 說明

出埃及記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經

章節全民台語聖經漢羅經文註釋
23:1

正義kah公道

「M̄-thang宣揚謠言,m̄ thang kah pháiⁿ人聯合做lāmsám ê見證。
註釋 串珠 盧俊義 康來昌 原文 典藏
23:2M̄-thang tòe群眾行pháiⁿ,tī相告ê tāichì,m̄ thang偏óa大pêng,講伊ê話,來冤枉正直。註釋 串珠 盧俊義 康來昌 原文 典藏
23:3M̄-thang tī相告ê tāichì,袒護sànchhiah人。註釋 串珠 盧俊義 康來昌 原文 典藏
23:4「若tú tio̍h你ê對敵ê牛á是驢迷路,一定tio̍h牽tńg來交伊。註釋 串珠 盧俊義 康來昌 字典 原文 典藏
23:5若看tio̍h怨恨你ê人ê驢á載重teh倒落去,m̄ thang行開,tio̍h kah伊做伙卸落驢所載ê貨。註釋 串珠 盧俊義 康來昌 字典 原文 典藏
23:6「Sàn-chhiah人若有相告,你m̄ thang偏斷。註釋 串珠 盧俊義 康來昌 原文 典藏
23:7Tio̍h離開虛假ê tāichì遠遠,m̄ thangthâi無罪kah義ê人,因為我一定無kā pháiⁿ人算做是義人。註釋 串珠 盧俊義 康來昌 原文 典藏
23:8M̄-thang受烏紗,因為烏紗ē hō͘目chiu 金ê人變chheⁿmê,koh ēhō͘義人ê話péng倒péng。註釋 串珠 盧俊義 康來昌 原文 典藏
23:9「M̄-thang壓制出外人,因為lín bat出外tī埃及地,知出外人ê心。註釋 串珠 盧俊義 康來昌 原文 典藏
23:10

第七年kah第七日

「六年內你tio̍h種作你ê田園,收成農產物。
註釋 串珠 盧俊義 康來昌 原文 典藏
23:11獨獨第七年,tio̍h hō͘土地歇睏無種作,hō͘你ê人民中ê sànchhiah人有thang食;所chhun ·ê thang hō͘野獸食。你ê葡萄園kah橄欖園,mā tio̍h ánne。註釋 串珠 盧俊義 康來昌 字典 原文 典藏
23:12「六日內你tio̍h做你ê工,第七日tio̍h安息,hō͘牛、驢thang歇睏,mā hō͘女婢ê kiáⁿ kah出外人lóng thang養精力。註釋 串珠 盧俊義 康來昌 字典 原文 典藏
23:13「見若我對lín講ê話,lín tio̍h謹慎來遵守。你m̄ thang提起別个神明ê名,mā m̄ thang講hō͘人聽。註釋 串珠 盧俊義 康來昌 原文 典藏
23:14

三个重要ê節期

(出34:18-26;申16:1-17)

「一年三pái,你tio̍h守節服事我。
註釋 串珠 盧俊義 康來昌 原文 典藏
23:15亞筆月,你出埃及,到定tio̍h ê期,tio̍h守除酵節,七日食無酵餅,照我所吩咐ê;朝見我ê人m̄ thang空手。註釋 串珠 盧俊義 康來昌 字典 原文 典藏
23:16「Koh有收割ê節,to̍h是你tī田裡栽種,tùi勞苦得tio̍h起頭熟ê農產物。Koh有收藏 ê節,to̍h是年尾,lín收藏 tùi田裡勞苦所得tio̍h ê。註釋 串珠 盧俊義 康來昌 原文 典藏
23:17「一年三pái,你所有ê chapo͘丁lóng tio̍h到至koân上主ê面前。註釋 串珠 盧俊義 康來昌 原文 典藏
23:18「祭祀我ê牲禮,伊ê血m̄ thang chham有酵ê物來獻,mā m̄ thang kā我節期牲禮ê油留到隔工早起。註釋 串珠 盧俊義 康來昌 原文 典藏
23:19「地裡siōng起頭熟ê物,tio̍h送到上主—你ê上帝ê厝。煮山羊á m̄ thang用牠ê母ê奶。註釋 串珠 盧俊義 康來昌 字典 原文 典藏
23:20

應允kah教示

「你看,我差我ê使者tī你ê頭前,tī路裡保護你,chhōa你到我所準備ê所在。
註釋 串珠 盧俊義 康來昌 字典 原文 典藏
23:21Lín tī伊ê面前tio̍h謹慎,遵thàn伊ê話,m̄ thang違背伊,伊無beh赦免lín ê過失,因為伊是奉我ê名來ê。註釋 串珠 盧俊義 康來昌 原文 典藏
23:22「你若實在遵thàn伊ê話,照我一切所講ê去行,我to̍h做你ê仇敵ê仇敵,做你ê對敵ê對敵。註釋 串珠 盧俊義 康來昌 原文 典藏
23:23「我ê使者ē行tī你ê頭前,chhōa你到亞摩利、赫、比利洗、迦南、希未、耶布斯hiahê族ê地;我beh kā in剪除。註釋 串珠 盧俊義 康來昌 原文 典藏
23:24你m̄ thang跪拜in ê神明,mā m̄ thang服事in,m̄ thang學in ê所做,tio̍h全部kā in毀滅,phah碎in雕刻ê柱。註釋 串珠 盧俊義 康來昌 字典 原文 典藏
23:25Lín tio̍h服事上主—lín ê上帝,祂一定賜福tī你ê米糧kah你ê水,我koh ē除去lín中間ê破病。註釋 串珠 盧俊義 康來昌 字典 原文 典藏
23:26我mā beh hō͘你ê境內bē有落胎ê,無bē生ê,我beh hō͘你ê歲壽滿足。註釋 串珠 盧俊義 康來昌 原文 典藏
23:27「我ē做你ê頭前來示威,你所到ê所在,hiahê人民,我beh hō͘ in死亡,koh beh hō͘你所有ê對敵oa̍t-tńg身逃走。註釋 串珠 盧俊義 康來昌 原文 典藏
23:28我beh差大隻蜂tī你ê頭前,kā希未人、迦南人kah赫人趕出去,離開你。註釋 串珠 盧俊義 康來昌 字典 原文 典藏
23:29Tī一年內,我無beh tùi你ê頭前kā in全部趕出去,恐驚土地拋荒,野獸加添真chē來害tio̍h lín。註釋 串珠 盧俊義 康來昌 字典 原文 典藏
23:30我beh漸漸tùi lín ê頭前kā in趕出去,thèng候lín ê人額加添真chē,來承受hitê地做產業。註釋 串珠 盧俊義 康來昌 原文 典藏
23:31我beh定tio̍h你ê境界,tùi紅海到腓利士ê海,koh tùi曠野到大河。因為我beh kā tòa tī hit所在ê人民交tī lín ê手,hō͘你kā in tùi你ê面前趕出去。註釋 串珠 盧俊義 康來昌 原文 典藏
23:32M̄-thang kah in 以及in ê神明立約。註釋 串珠 盧俊義 康來昌 原文 典藏
23:33M̄-thang hō͘ in tòa tī你ê土地,恐驚inē hō͘你得罪我。你若服事in ê神明,這會成做你ê羅網。」註釋 串珠 盧俊義 康來昌 字典 原文 典藏


上一章 下一章    查詢或移至: 說明

[ 條列 | 表格 | 整段 ] 語態 重新查詢 影像 本章地圖 度量衡 其他
和合本和合本2010現代中文譯本1995版現代中文譯本2019版新譯本恢復本思高譯本呂振中譯本NET聖經中譯本深文理和合本原文直譯(參考用)ESVKJVBBEWEBASVDarbyERV舊約馬索拉原文七十士譯本現代台語2021版漢字現代台語2021版全羅聖經公會巴克禮台漢本巴克禮全羅巴克禮漢羅聖經公會現代客語全羅聖經公會現代客語漢字全民台語聖經全羅全民台語聖經漢羅全民台語聖經Ruby印尼聖經越南聖經俄文聖經韓文聖經日語聖經聖經公會布農語聖經聖經公會泰雅爾語聖經聖經公會魯凱語聖經賽德克族Tgdaya語聖經公會阿美語1997聖經公會太魯閣語聖經藏語聖經武加大譯本新武加大譯本官話和合本北京官話譯本文理和合本神天聖書文理委辦譯本施約瑟淺文理譯本馬殊曼譯本四人小組譯本高連茨基聖詠經郭實臘新遺詔書和舊遺詔聖書太平天國文理譯本



各聖經譯本著作權如
版權說明
本畫面由信望愛資訊中心CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。