章節 | 全民台語聖經漢羅經文 | 註釋 |
27:1 | 哀悼推羅ê哀歌上主ê話koh臨到我,講: | |
27:2 | 「人子,你tio̍h為推羅做哀歌, | |
27:3 | kā推羅講:你tòa tī海口,kah列國眾島嶼(sū)買賣做senglí。至koân上主ánne講:推羅,你bat講:我是完全súi ê。 | |
27:4 | 你ê境界tī海中,起造你ê hō͘你ê súi完全。 | |
27:5 | In用Se-nil ê松樹做你一切ê枋,用黎巴嫩ê柏香樹做你ê船桅(ûi)。 | |
27:6 | 用巴珊ê松樹做你ê槳,用基提島嶼ê黃楊柴入象牙做你坐ê枋。 | |
27:7 | 用埃及繡花ê幼苧布做你ê帆,做你ê旗;用以利沙島嶼藍色、紫色ê布做你ê涼棚。 | |
27:8 | 西頓kah tòa tī Al-boa̍t ê人民做你ê划槳ê;你中間 ê gâu人做你ê hōaⁿ舵(tōa)ê。 | |
27:9 | Ge-bal老練ê kah gâu ê人lóng tī lín中間做補船孔ê;所有過海ê船隻kah in ê水手lóng tī你中間經營senglí。 | |
27:10 | 「波斯、路德、弗ê人tī你軍營中做戰士;in tī你ê中間掛藤牌kah頭盔,顯明你ê súi。 | |
27:11 | Al-boa̍t人kah你ê軍隊lóng tī你四箍圍ê牆頂,你ê守更樓mā有勇士,in tī你四箍圍ê牆壁掛in ê藤牌,成全你ê súi。 | |
27:12 | 「他施人因為ta̍k種ê財物充足,to̍h做你ê客商,帶銀、鐵、錫kah鉛,來換你ê貨物。 | |
27:13 | 雅完人、土巴人kah米設人lóng kā你交關;in用做工人kah銅器,來換你ê貨物。 | |
27:14 | To-kal-mah族用馬、戰馬kah騾(lô),來換你ê貨物。 | |
27:15 | 底但人來kā你交關;真chē島嶼做你ê下盤senglí;in帶象牙、烏木柴,來kah你交換。 | |
27:16 | 亞南人因為你ê製造充足,to̍h做你ê客商;in用綠寶石、紫色ê布、繡花ê物、幼苧布、珊瑚、紅寶石,來換你ê貨物。 | |
27:17 | 偤大kah以色列地ê人lóng來kā你交關;in用米勒ê麥、餅、蜜、油kah乳香,來換你ê貨物。 | |
27:18 | 大馬士革人因為你ê製造充足,koh因為ta̍k種ê財物充足;in to̍h帶Hel-bóng ê酒kah白羊毛,來kah你交易。 | |
27:19 | Ui-tàn人kah雅完人帶線kah光ê鐵、肉桂、菖蒲,tī你ê街路換你ê貨物。 | |
27:20 | 底但人用súi ê馬鞍敷(chū)kah你交易。 | |
27:21 | 阿拉伯人kah基達所有ê領袖lóng做你ê下盤senglí,用羊羔、公ê綿羊、山羊,來kah你交易。 | |
27:22 | 示巴kah拉瑪ê senglí人kah你交易,in用ta̍k類siōng好ê芳料、ta̍k類ê寶石kah黃金,來換你ê貨物。 | |
27:23 | 哈蘭、Kan-neh、伊甸人kah示巴ê senglí人,亞述人kah基抹人lóng來kah你交易。 | |
27:24 | Chiahê senglí人kā真好ê貨物、藍色繡花ê布裝kui包,koh有súi ê衫褲裝tī柏香柴ê箱á內,用索á縛teh,來kah你交易。 | |
27:25 | 他施ê船隻tàu kui-pang來kā你載貨,你to̍h tī海洋中富裕,非常榮光。 | |
27:26 | 你ê划槳ê已經kā你划到大海ê所在,東風tī海中kā你摃破。 | |
27:27 | 你ê錢財、你ê物件、你ê貨品、你ê水手、你ê hōaⁿ舵ê、你ê塞船孔ê kah你ê經營senglí ê,以及你中間ê戰士kah你中間ê群眾,tī你敗壞ê日,lóng ē沉落去海中。 | |
27:28 | 你hōaⁿ舵ê一下大聲hoah,郊野lóng ē搖動。 | |
27:29 | 見若划槳ê kah水手,以及所有過海hōaⁿ舵ê,lóng ē離開船上岸。 | |
27:30 | Inē為你開聲大哭,sám土沙粉tī頭殼,kō tī火灰中。 | |
27:31 | Koh為tio̍h你來剃光頭,用麻布縖腰,痛心啼哭,非常悲哀。 | |
27:32 | In哀傷ê時,為tio̍h你做哀歌,為你啼哭,講:有啥物城親像推羅tī海中成做寂寞、稀微ê? | |
27:33 | 你ê貨物tùi海面上陸,to̍h hō͘真chē人民充足;你用真chē錢財、貨物,hō͘地chiūⁿê君王好額。 | |
27:34 | 你tī深海中hō͘海湧挵破ê時,你ê貨物kah你中間所有ê眾人,to̍h lóng沉落去。 | |
27:35 | Tòa tī海島ê人民為tio̍h你tio̍h驚kah gāng去;in ê君王lóng真驚,面帶憂容。 | |
27:36 | 列國ê senglí人lóngē出khau洗ê聲;你hō͘人thang驚,你無thang koh存在,直到永遠。」 |