章節 | 全民台語聖經漢羅經文 | 註釋 |
52:1 | 耶路撒冷ê陷落西底家坐位ê時,伊二十一歲,tī耶路撒冷做王十一年。伊ê老母ê名叫做Ha-mu-tal,是立拿人耶利米ê chabó͘ kiáⁿ。 | 註釋 串珠 原文 典藏 |
52:2 | 伊行上主所看做pháiⁿ ê tāichì,照約雅敬所行ê一切。 | 註釋 串珠 原文 典藏 |
52:3 | 耶路撒冷kah偤大tú tio̍h chiahê tāichì,是因為上主發出受氣,beh tùi祂ê面前kā in趕出去;hit時,西底家背叛巴比倫王。 | 註釋 串珠 原文 典藏 |
52:4 | 當西底家坐位第九年十月初十,巴比倫王尼布甲尼撒chhōa伊ê軍隊來攻擊耶路撒冷,tī城ê對面紮營,koh tī四箍圍做土堆來攻擊城。 | 註釋 串珠 字典 原文 典藏 |
52:5 | 就ánne,城受圍困,一直到西底家十一年。 | 註釋 串珠 原文 典藏 |
52:6 | 四月初九,城內飢荒真傷重,致使hit所在ê人民lóng無米糧。 | 註釋 串珠 字典 原文 典藏 |
52:7 | 城受攻破,所有ê兵á透暝tùi óa近王ê園,兩 个城牆中ê門hit條路逃走出城。迦勒底人tútú tī四箍圍teh攻擊城,in to̍htui3亞拉巴ê路逃走。 | 註釋 串珠 字典 原文 典藏 |
52:8 | 迦勒底ê軍兵去jiok王,tī耶利哥城ê平原jiok tio̍h西底家。伊ê軍隊lóng離開伊四散去。 | 註釋 串珠 原文 典藏 |
52:9 | In掠tio̍h王,kā伊掠到哈馬地ê利比拉—巴比倫王hia;巴比倫王to̍h kā伊審判。 | 註釋 串珠 原文 典藏 |
52:10 | 巴比倫王tī西底家ê目chiu 前,thâi死伊hiahê kiáⁿ,koh tī利比拉thâi死偤大所有ê貴族。 | 註釋 串珠 原文 典藏 |
52:11 | Koh搤(iah)西底家ê兩蕊目chiu ,巴比倫王用鐵鏈kā伊鏈起來,押去到巴比倫,kā伊關tī監裡,一直到伊死ê日。 | 註釋 串珠 字典 原文 典藏 |
52:12 | 聖殿毀滅(王下25:8-17)巴比倫王尼布甲尼撒王十九年五月初十,跟tòe巴比倫王ê侍衛長尼布撒拉旦攻入耶路撒冷, | 註釋 串珠 原文 典藏 |
52:13 | 用火燒上主ê殿kah王宮,koh用火燒耶路撒冷所有ê厝,to̍h是富貴家ê厝。 | 註釋 串珠 字典 原文 典藏 |
52:14 | 跟tòe侍衛長迦勒底ê軍隊to̍h拆毀耶路撒冷四箍圍ê城牆。 | 註釋 串珠 字典 原文 典藏 |
52:15 | Hit時,侍衛長尼布撒拉旦kā民間sànchhiah ·ê kah留tī城內所chhun落來 ê人民,kah hiahê投降巴比倫王ê,以及群眾中所chhun落來ê,lóng掠去。 | 註釋 串珠 原文 典藏 |
52:16 | 獨獨侍衛長尼布撒拉旦留hitê所在siōng sànchhiah ·ê,hō͘ in管理葡萄園kah種作。 | 註釋 串珠 原文 典藏 |
52:17 | 上主殿內ê銅柱kah盆座,以及銅海,迦勒底人lóng kā它phah破,kā hiahê銅lóng運到巴比倫。 | 註釋 串珠 字典 原文 典藏 |
52:18 | Koh帶去鼎、托á、剪刀、盤、碗kah所有ê銅器。 | 註釋 串珠 字典 原文 典藏 |
52:19 | Koh kā杯、火爐、盤、鼎、燈台、碗kah甌,以及所有金器ê金、銀器ê銀,侍衛長lóng帶去。 | 註釋 串珠 字典 原文 典藏 |
52:20 | Koh帶所羅門為上主ê殿所創ê兩支柱,一个銅海kah座下ê十二隻銅牛,chiahê器具ê銅重kah bē tàng秤(chhìn)它ê輕重。 | 註釋 串珠 字典 原文 典藏 |
52:21 | 一支柱高十八肘,圓環十二肘,厚四指,中央空殼。 | 註釋 串珠 字典 原文 典藏 |
52:22 | 柱ê頂面有銅ê柱斗,高五肘;柱斗ê四箍圍有網á kah石榴,lóng是銅做ê。第二支柱仝款,mā有石榴。 | 註釋 串珠 字典 原文 典藏 |
52:23 | 四面有九十六粒ê石榴,tī網á ê四箍圍總共有一百粒石榴。 | 註釋 串珠 字典 原文 典藏 |
52:24 | 偤大人民Hông掠去巴比倫(王下25:18-21, 27-30)侍衛長掠大祭司西萊雅kah第二級ê祭司西番亞kah三个顧門ê, | 註釋 串珠 字典 原文 典藏 |
52:25 | koh tùi城內掠一个管兵á ê官長,kah tī城內所tú tio̍h tiāⁿ-tiāⁿ 見王ê面ê七个人,kah軍長ê書記,點算人民ê,以及城中所tú ·tio̍h ê人民六十人。 | 註釋 串珠 原文 典藏 |
52:26 | 侍衛長尼布撒拉旦kā chiahê人掠到利比拉,去見巴比倫王。 | 註釋 串珠 原文 典藏 |
52:27 | 巴比倫王kā in phah,tī哈馬地ê利比拉kā inthâi死。Án-ne,偤大人受掠,離開本地。 | 註釋 串珠 原文 典藏 |
52:28 | 尼布甲尼撒所掠ê人數,記tī下底:Tī第七年掠偤大人三千khòng二十三人。 | 註釋 串珠 原文 典藏 |
52:29 | 尼布甲尼撒十八年,tùi耶路撒冷掠去八百三十二人。 | 註釋 串珠 原文 典藏 |
52:30 | 尼布甲尼撒二十三年,侍衛長尼布撒拉旦掠去偤大人七百四十五名;總共有四千六百人。 | 註釋 串珠 原文 典藏 |
52:31 | 偤大王約雅斤受掠了後,第三十七年,巴比倫王E-bil-me-lo-tak元年十二月二五,舉起偤大王約雅斤,放伊出監, | 註釋 串珠 字典 原文 典藏 |
52:32 | mā用好話kā伊安慰,hō͘伊ê位khah koân其他chiahê王ê位,to̍h是kah in仝受掠tī巴比倫ê。 | 註釋 串珠 字典 原文 典藏 |
52:33 | 伊thǹg去監內所穿ê衫,一世人kah巴比倫王做伙食。 | 註釋 串珠 字典 原文 典藏 |
52:34 | 巴比倫王賞賜伊所需要ê食物,日日hō͘伊一份;kui世人是ánne,一直到伊死ê日。 | 註釋 串珠 原文 典藏 |