章節 | 全民台語聖經漢羅經文 | 註釋 |
147:1 | O-ló全能上帝Lín tio̍h oló上主!因為唱歌oló咱ê上主是真好;oló祂是合宜ê。 | 註釋 串珠 原文 典藏 |
147:2 | 上主起造耶路撒冷,聚集以色列中受遷徙去外邦ê人。 | 註釋 串珠 原文 典藏 |
147:3 | 祂醫好傷心ê人,包紮in ê傷。 | 註釋 串珠 原文 典藏 |
147:4 | 祂算星辰ê數目,隨粒kā它號名。 | 註釋 串珠 原文 典藏 |
147:5 | 咱ê上主至大,極有氣力;祂ê智慧無窮盡。 | 註釋 串珠 原文 典藏 |
147:6 | 上主扶持謙卑ê人;kā pháiⁿ人降低到土腳。 | 註釋 串珠 原文 典藏 |
147:7 | Lín tio̍h用感謝ǹg上主唱歌;tio̍h彈琴唱歌oló咱ê上主。 | 註釋 串珠 字典 原文 典藏 |
147:8 | 祂起雲遮天,為tio̍h地準備雨水,hō͘山發草。 | 註釋 串珠 原文 典藏 |
147:9 | 祂賞賜食物hō͘走獸,kah teh哮ê烏鴉kiáⁿ。 | 註釋 串珠 字典 原文 典藏 |
147:10 | 祂無意愛馬ê力大,祂無kah意人ê腳gâu走。 | 註釋 串珠 字典 原文 典藏 |
147:11 | 上主是意愛敬畏祂,kah仰望祂ê慈愛ê人。 | 註釋 串珠 原文 典藏 |
147:12 | 耶路撒冷,你tio̍h oló上主!錫安,你tio̍h oló你ê上帝! | 註釋 串珠 原文 典藏 |
147:13 | 因為祂堅固你ê門閂,賜福hō͘你中間ê kiáⁿ兒。 | 註釋 串珠 字典 原文 典藏 |
147:14 | 祂hō͘你ê境內太平,用siōng好ê麥hō͘你食飽。 | 註釋 串珠 字典 原文 典藏 |
147:15 | 祂發出命令tī地裡;祂ê話傳報真緊。 | 註釋 串珠 原文 典藏 |
147:16 | 祂降落雪親像棉花,mā落霜親像火灰。 | 註釋 串珠 原文 典藏 |
147:17 | 祂hiat落雹一塊一塊;祂發出寒凊冷風,啥人抵擋ē-tiâu? | 註釋 串珠 字典 原文 典藏 |
147:18 | 祂一下出令,chiahêto̍h lóng溶去;祂hō͘風吹,水就流。 | 註釋 串珠 原文 典藏 |
147:19 | 祂kā祂ê話指示雅各,kā祂ê律例kah典章指示以色列。 | 註釋 串珠 原文 典藏 |
147:20 | 祂m̄ bat ánne款待別國;祂ê典章,in lóng m̄ bat。Lín tio̍h oló上主! | 註釋 串珠 原文 典藏 |