章節 | 全民台語聖經漢羅經文 | 註釋 |
135:1 | O-ló ê詩歌Lín tio̍h oló上主!Tiàm tī上主ê殿teh服事ê奴僕,lín tio̍h oló上主ê名! | 註釋 串珠 原文 典藏 |
135:2 | Tiàm tī咱上主ê殿院內ê差用,lín tio̍h oló祂! | 註釋 串珠 字典 原文 典藏 |
135:3 | Lín tio̍h oló上主,因為上主是好;tio̍h唱歌oló祂ê名,因為這是真奇妙。 | 註釋 串珠 原文 典藏 |
135:4 | 因為上主揀選雅各歸祂kakī ,揀選以色列做祂kakī 特別ê選民。 | 註釋 串珠 原文 典藏 |
135:5 | 我知上主做大,mā知咱ê主pôaⁿ過所有ê神明。 | 註釋 串珠 原文 典藏 |
135:6 | 上主tī天頂,tī地chiūⁿ,tī海中,tī所有ê深淵,lóng 照祂kakī ê旨意來行。 | 註釋 串珠 原文 典藏 |
135:7 | 祂hō͘雲霧tùi地極chhèng起來,祂為tio̍h雨創造sihnà,hō͘風tùi祂ê庫房吹出來。 | 註釋 串珠 字典 原文 典藏 |
135:8 | 祂kā頭chiūⁿ生ê埃及人,kah chengseⁿ lóng phah死。 | 註釋 串珠 原文 典藏 |
135:9 | 埃及,祂tī你ê中間行神跡奇事,來對付法老kah伊ê人臣。 | 註釋 串珠 原文 典藏 |
135:10 | 祂phah贏真chē邦國,kohthâi死大權能ê王, | 註釋 串珠 原文 典藏 |
135:11 | to̍h是亞摩利王西宏kah巴珊王噩,以及迦南ta̍k國ê王。 | 註釋 串珠 原文 典藏 |
135:12 | 祂kā in ê地hō͘祂ê子民—以色列做產業。 | 註釋 串珠 原文 典藏 |
135:13 | 上主ah,祢ê名流傳到永遠!上主ah,祢thang記念ê名流傳到萬代! | 註釋 串珠 原文 典藏 |
135:14 | 因為上主beh替祂ê子民申冤,為tio̍h祂ê奴僕回心轉意。 | 註釋 串珠 原文 典藏 |
135:15 | 外邦ê偶像是銀ê、金ê,是人ê手所造ê。 | 註釋 串珠 原文 典藏 |
135:16 | In有嘴mā bē講話,有目chiu mā看bē tio̍h, | 註釋 串珠 原文 典藏 |
135:17 | in有耳孔mā聽bē tio̍h,有嘴mā bē喘氣。 | 註釋 串珠 原文 典藏 |
135:18 | 願造in kah óa靠in ê人,lóngē kah in仝款。 | 註釋 串珠 原文 典藏 |
135:19 | 以色列ê子民,lín tio̍h oló上主!亞倫ê家,lín tio̍h oló上主! | 註釋 串珠 原文 典藏 |
135:20 | 利未ê家,lín tio̍h oló上主!敬畏上主ê人,lín tio̍h oló上主! | 註釋 串珠 原文 典藏 |
135:21 | 上主tòa tī耶路撒冷,願祂tùi錫安得tio̍h oló。Lín tio̍h oló上主! | 註釋 串珠 原文 典藏 |