章節 | 全民台語聖經漢羅經文 | 註釋 |
132:1 | 頌讚聖殿(Peh崎á ê詩。)上主ah,大衛受一切ê苦難,求祢記念伊! | 註釋 串珠 字典 原文 典藏 |
132:2 | 伊án怎對上主chiùchōa,對雅各ê大權能ê下願, | 註釋 串珠 原文 典藏 |
132:3 | 講:我一定無beh入去我ê厝ê布棚,mā無beh上我ê眠床; | 註釋 串珠 字典 原文 典藏 |
132:4 | 我無容允我ê目chiu 睏去,mā無容允我ê目chiu 皮合óa; | 註釋 串珠 原文 典藏 |
132:5 | 一直到我為tio̍h上主chhōe tio̍h所在,為雅各ê大權能ê chhōe tio̍h tòa ê所在。 | 註釋 串珠 原文 典藏 |
132:6 | 你看,阮聽tio̍h約櫃tī以法他,阮tī樹林ê田chhōe ·tio̍h。 | 註釋 串珠 原文 典藏 |
132:7 | 阮beh入去上主tòa ê所在,阮beh tī祂ê腳踏椅前跪拜。 | 註釋 串珠 字典 原文 典藏 |
132:8 | 上主ah,求祢起來,祢kah祢有氣力ê約櫃做伙入去祢歇睏ê所在! | 註釋 串珠 字典 原文 典藏 |
132:9 | 願祢ê祭司用公義做衫穿!願祢聖ê子民出歡喜ê聲! | 註釋 串珠 原文 典藏 |
132:10 | 求祢為tio̍h祢ê奴僕—大衛ê緣故,m̄ thang棄sak祢抹油設立ê君王! | 註釋 串珠 原文 典藏 |
132:11 | 上主用信實對大衛chiùchōa,的確bē改變,講:我beh hō͘你ê kiáⁿ坐tī你ê寶座。 | 註釋 串珠 字典 原文 典藏 |
132:12 | 你ê kiáⁿ孫若遵守我ê約,kah我所教示in ê法度,In ê kiáⁿ孫ē永遠坐你ê寶座。」 | 註釋 串珠 原文 典藏 |
132:13 | 因為上主有揀選錫安,做祂本身tòa ê所在, | 註釋 串珠 原文 典藏 |
132:14 | 講:這是我永遠歇睏ê所在;我beh tòa chia,因為chia是我所意愛ê。 | 註釋 串珠 原文 典藏 |
132:15 | 我beh hō͘錫安米糧豐盛,我ē用食物hō͘她ê sànchhiah人夠額thang食。 | 註釋 串珠 字典 原文 典藏 |
132:16 | 我beh hō͘她ê祭司用救恩做衫穿,她聖ê子民ē出大歡喜ê聲! | 註釋 串珠 原文 典藏 |
132:17 | 我beh hō͘大衛ê角tī hia掌權,koh為tio̍h我抹油設立ê君王準備光燈。 | 註釋 串珠 字典 原文 典藏 |
132:18 | 我beh hō͘伊ê對敵用見笑做衫穿;總是,王ê冕旒ē tī伊ê頭殼頂發出光。 | 註釋 串珠 字典 原文 典藏 |