| 章節 | 全民台語聖經漢羅經文 | 註釋 |
| 118:1 | 為tio̍h勝利感恩祈禱Lín tio̍h感謝上主，因為祂是好；因為祂ê慈愛永遠存在！ | 註釋 串珠 原文 典藏 |
| 118:2 | 願以色列講：祂ê慈愛永遠存在。！ | 註釋 串珠 原文 典藏 |
| 118:3 | 願亞倫ê家講：祂ê慈愛永遠存在！ | 註釋 串珠 原文 典藏 |
| 118:4 | 願敬畏上主ê人講：祂ê慈愛永遠存在！ | 註釋 串珠 原文 典藏 |
| 118:5 | 我tī危急ê中間求叫上主，上主to̍h應答我，kā我hē tī開闊ê所在。 | 註釋 串珠 原文 典藏 |
| 118:6 | 有上主kah我同在，我to̍h無驚，人ē tàng對我án怎？ | 註釋 串珠 原文 典藏 |
| 118:7 | Tī hiahê幫贊ê中間，有上主kah我同在，所以，我ē看tio̍h hiahê怨恨我ê人受報應。 | 註釋 串珠 原文 典藏 |
| 118:8 | Óa靠上主，比óa靠人khah好； | 註釋 串珠 原文 典藏 |
| 118:9 | óa靠上主，比óa靠王親khah好。 | 註釋 串珠 原文 典藏 |
| 118:10 | 萬民kā我圍困，我óa靠上主ê名來kā in剿滅。 | 註釋 串珠 原文 典藏 |
| 118:11 | In包圍我，kā我圍困，我óa靠上主ê名beh kā in剿滅。 | 註釋 串珠 原文 典藏 |
| 118:12 | In親像蜂kā我包圍，親像燒刺phè ê火受phah-hoa；我óa靠上主ê名來kā in剿滅。 | 註釋 串珠 字典 原文 典藏 |
| 118:13 | 你出力beh kā我chhia倒，總是，上主幫贊我。 | 註釋 串珠 原文 典藏 |
| 118:14 | 上主是我ê氣力，是我ê詩歌；祂mā hō͘我得tio̍h拯救。 | 註釋 串珠 原文 典藏 |
| 118:15 | Tī義人ê布棚內有歡喜ê聲kah拯救ê聲；上主ê正手顯出大權能。 | 註釋 串珠 原文 典藏 |
| 118:16 | 上主ê正手gia̍h koân；上主ê正手顯出大權能。 | 註釋 串珠 原文 典藏 |
| 118:17 | 我bē致到死，iáu會活leh，koh beh宣揚上主ê作為。 | 註釋 串珠 原文 典藏 |
| 118:18 | 上主bat嚴厲kā我警戒；總是，祂bē kā我交tī死亡。 | 註釋 串珠 原文 典藏 |
| 118:19 | Tio̍h kā我開義ê門；我beh入去感謝上主。 | 註釋 串珠 原文 典藏 |
| 118:20 | 這是上主ê門；義ê人beh入去！ | 註釋 串珠 原文 典藏 |
| 118:21 | 我beh感謝祢，因為祢已經應答我，koh已經成做我ê拯救！ | 註釋 串珠 原文 典藏 |
| 118:22 | 師傅所棄sak ê石頭，已經成做厝角頭ê基石。 | 註釋 串珠 字典 原文 典藏 |
| 118:23 | 這是上主ê作為，咱ê目chiu kā它看做奇怪。 | 註釋 串珠 原文 典藏 |
| 118:24 | 這是上主所定tio̍h ê日子，咱tī chit日ê中間tio̍h歡喜快樂！ | 註釋 串珠 原文 典藏 |
| 118:25 | 上主ah，taⁿ求祢拯救！上主ah，taⁿ求祢hō͘阮發達！ | 註釋 串珠 原文 典藏 |
| 118:26 | 奉上主ê名入來ê應該得tio̍h福氣！阮tùi上主ê殿kā lín祝福！ | 註釋 串珠 原文 典藏 |
| 118:27 | 上主是上帝，祂ê光照阮；tio̍h用索á縛祭祀ê chengseⁿ，來到壇角。 | 註釋 串珠 字典 原文 典藏 |
| 118:28 | 祢是我ê上帝，我beh感謝祢！祢是我ê上主，我beh尊祢做高！ | 註釋 串珠 原文 典藏 |
| 118:29 | Lín tio̍h感謝上主，因為祂是好！因為祂ê慈愛永遠存在！ | 註釋 串珠 原文 典藏 |