章節 | 全民台語聖經漢羅經文 | 註釋 |
77:1 | 苦難時ê安慰(亞撒ê詩,照耶杜頓ê做法,交hō͘樂官。)我beh對上帝出聲求叫;我對上帝出聲,祂ēàⁿ耳孔來聽。 | 註釋 串珠 原文 典藏 |
77:2 | Tī我患難ê日,我走chhōe主;tī暗時,我gia̍h起手,無停祈禱;我ê心m̄肯受安慰。 | 註釋 串珠 原文 典藏 |
77:3 | 我數念上帝,就憂悶;我恬恬想,心神soah暈去。 [Sè-la̍h] | 註釋 串珠 原文 典藏 |
77:4 | 祢hō͘我ê目chiu 無一時kheh;我煩惱到lóng bē講話。 | 註釋 串珠 原文 典藏 |
77:5 | 我追念古早ê日子,to̍h是極早ê年日。 | 註釋 串珠 原文 典藏 |
77:6 | 我想起我暗時ê詩歌,我摸心肝kakī 問;我ê心神mā詳細省察。 | 註釋 串珠 原文 典藏 |
77:7 | 主kámē永遠放sak我?祂kám ē無koh施恩hō͘我? | 註釋 串珠 原文 典藏 |
77:8 | 祂ê慈愛kámē永遠消失?祂ê應允kám ē代代廢除? | 註釋 串珠 原文 典藏 |
77:9 | 上帝kám ēbē記得施恩?Kámē因為受氣soah塞密祂ê慈悲?[Sè-la̍h] | 註釋 串珠 原文 典藏 |
77:10 | 我講:這是我ê軟弱,至koân ·ê伸出正手ê年日,我beh數念祂。 | 註釋 串珠 原文 典藏 |
77:11 | 我beh講起上主ê作為;數念祂早前ê神跡。 | 註釋 串珠 原文 典藏 |
77:12 | 我beh深思祢ê作為,恬恬想祢ê所做。 | 註釋 串珠 原文 典藏 |
77:13 | 上帝ah,祢ê道路神聖;有啥物神明親像祢hiah偉大? | 註釋 串珠 原文 典藏 |
77:14 | 祢是行奇事ê上帝;祢bat tī 萬民ê中間顯明祢ê權能。 | 註釋 串珠 字典 原文 典藏 |
77:15 | 祢bat用祢ê手贖回祢ê子民,to̍h是雅各kah約瑟ê kiáⁿ孫。 [Sè-la̍h] | 註釋 串珠 原文 典藏 |
77:16 | 上帝ah,chiahê水見tio̍h祢,chiahê水見tio̍h祢to̍h lóng驚惶;深淵mā phi̍h-phi̍h chhoah。 | 註釋 串珠 原文 典藏 |
77:17 | 密雲piàⁿ落雨水,穹蒼出聲;祢ê箭四界射。 | 註釋 串珠 原文 典藏 |
77:18 | Tī捲螺á風內面有祢tân雷ê聲;sihnà ê光爍到全世界;地phi̍h-phi̍h chhoah koh振動。 | 註釋 串珠 字典 原文 典藏 |
77:19 | 祢ê道路tī海中,祢ê路徑tī大水中;祢ê腳跡無人ē知。 | 註釋 串珠 原文 典藏 |
77:20 | 早前祢用摩西kah亞倫ê手,chhōa祢ê子民親像羊群。 | 註釋 串珠 字典 原文 典藏 |